增支部第84經（Aṅguttara Nikāya 3.34 / 4. Devadūtavagga / Nidānasutta）

部類增支部

Pali NikāyaAṅguttara Nikāya

總句數48

已譯句數0

1-1

巴利原文

Aṅguttara Nikāya 3.34

2-1

巴利原文

4. Devadūtavagga

3-1

巴利原文

Nidānasutta

4-1

巴利原文

“Tīṇimāni, bhikkhave, nidānāni kammānaṁ samudayāya.

5-1

巴利原文

Katamāni tīṇi?

6-1

巴利原文

Lobho nidānaṁ kammānaṁ samudayāya, doso nidānaṁ kammānaṁ samudayāya, moho nidānaṁ kammānaṁ samudayāya.

7-1

巴利原文

Yaṁ, bhikkhave, lobhapakataṁ kammaṁ lobhajaṁ lobhanidānaṁ lobhasamudayaṁ, yatthassa attabhāvo nibbattati tattha taṁ kammaṁ vipaccati.

8-1

巴利原文

Yattha taṁ kammaṁ vipaccati tattha tassa kammassa vipākaṁ paṭisaṁvedeti, diṭṭhe vā dhamme upapajja vā apare vā pariyāye.

9-1

巴利原文

Yaṁ, bhikkhave, dosapakataṁ kammaṁ dosajaṁ dosanidānaṁ dosasamudayaṁ, yatthassa attabhāvo nibbattati tattha taṁ kammaṁ vipaccati.

10-1

巴利原文

Yattha taṁ kammaṁ vipaccati tattha tassa kammassa vipākaṁ paṭisaṁvedeti, diṭṭhe vā dhamme upapajja vā apare vā pariyāye.

11-1

巴利原文

Yaṁ, bhikkhave, mohapakataṁ kammaṁ mohajaṁ mohanidānaṁ mohasamudayaṁ, yatthassa attabhāvo nibbattati tattha taṁ kammaṁ vipaccati.

12-1

巴利原文

Yattha taṁ kammaṁ vipaccati tattha tassa kammassa vipākaṁ paṭisaṁvedeti, diṭṭhe vā dhamme upapajja vā apare vā pariyāye.

13-1

巴利原文

Seyyathāpi, bhikkhave, bījāni akhaṇḍāni apūtīni avātātapahatāni sārādāni sukhasayitāni sukhette suparikammakatāya bhūmiyā nikkhittāni.

14-1

巴利原文

Devo ca sammādhāraṁ anuppaveccheyya.

15-1

巴利原文

Evassu tāni, bhikkhave, bījāni vuddhiṁ viruḷhiṁ vepullaṁ āpajjeyyuṁ.

16-1

巴利原文

Evamevaṁ kho, bhikkhave, yaṁ lobhapakataṁ kammaṁ lobhajaṁ lobhanidānaṁ lobhasamudayaṁ, yatthassa attabhāvo nibbattati tattha taṁ kammaṁ vipaccati.

17-1

巴利原文

Yattha taṁ kammaṁ vipaccati tattha tassa kammassa vipākaṁ paṭisaṁvedeti, diṭṭhe vā dhamme upapajja vā apare vā pariyāye.

18-1

巴利原文

Yaṁ dosapakataṁ kammaṁ …pe…

19-1

巴利原文

yaṁ mohapakataṁ kammaṁ mohajaṁ mohanidānaṁ mohasamudayaṁ, yatthassa attabhāvo nibbattati tattha taṁ kammaṁ vipaccati.

20-1

巴利原文

Yattha taṁ kammaṁ vipaccati tattha tassa kammassa vipākaṁ paṭisaṁvedeti, diṭṭhe vā dhamme upapajja vā apare vā pariyāye.

21-1

巴利原文

Imāni kho, bhikkhave, tīṇi nidānāni kammānaṁ samudayāya.

22-1

巴利原文

Tīṇimāni, bhikkhave, nidānāni kammānaṁ samudayāya.

23-1

巴利原文

Katamāni tīṇi?

24-1

巴利原文

Alobho nidānaṁ kammānaṁ samudayāya, adoso nidānaṁ kammānaṁ samudayāya, amoho nidānaṁ kammānaṁ samudayāya.

25-1

巴利原文

Yaṁ, bhikkhave, alobhapakataṁ kammaṁ alobhajaṁ alobhanidānaṁ alobhasamudayaṁ, lobhe vigate evaṁ taṁ kammaṁ pahīnaṁ hoti ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ.

26-1

巴利原文

Yaṁ, bhikkhave, adosapakataṁ kammaṁ adosajaṁ adosanidānaṁ adosasamudayaṁ, dose vigate evaṁ taṁ kammaṁ pahīnaṁ hoti ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ.

27-1

巴利原文

Yaṁ, bhikkhave, amohapakataṁ kammaṁ amohajaṁ amohanidānaṁ amohasamudayaṁ, mohe vigate evaṁ taṁ kammaṁ pahīnaṁ hoti ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ.

28-1

巴利原文

Seyyathāpi, bhikkhave, bījāni akhaṇḍāni apūtīni avātātapahatāni sārādāni sukhasayitāni.

29-1

巴利原文

Tāni puriso agginā ḍaheyya.

30-1

巴利原文

Agginā ḍahitvā masiṁ kareyya.

31-1

巴利原文

Masiṁ karitvā mahāvāte vā ophuṇeyya nadiyā vā sīghasotāya pavāheyya.

32-1

巴利原文

Evassu tāni, bhikkhave, bījāni ucchinnamūlāni tālāvatthukatāni anabhāvaṅkatāni āyatiṁ anuppādadhammāni.

33-1

巴利原文

Evamevaṁ kho, bhikkhave, yaṁ alobhapakataṁ kammaṁ alobhajaṁ alobhanidānaṁ alobhasamudayaṁ, lobhe vigate evaṁ taṁ kammaṁ pahīnaṁ hoti ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ.

34-1

巴利原文

Yaṁ adosapakataṁ kammaṁ …pe…

35-1

巴利原文

yaṁ amohapakataṁ kammaṁ amohajaṁ amohanidānaṁ amohasamudayaṁ, mohe vigate evaṁ taṁ kammaṁ pahīnaṁ hoti …pe…

36-1

巴利原文

āyatiṁ anuppādadhammaṁ.

37-1

巴利原文

Imāni kho, bhikkhave, tīṇi nidānāni kammānaṁ samudayāyāti.

38-1

巴利原文

Lobhajaṁ dosajañceva,

39-1

巴利原文

mohajañcāpaviddasu;

40-1

巴利原文

Yaṁ tena pakataṁ kammaṁ,

41-1

巴利原文

appaṁ vā yadi vā bahuṁ;

42-1

巴利原文

Idheva taṁ vedaniyaṁ,

43-1

巴利原文

vatthu aññaṁ na vijjati.

44-1

巴利原文

Tasmā lobhañca dosañca,

45-1

巴利原文

mohajañcāpi viddasu;

46-1

巴利原文

Vijjaṁ uppādayaṁ bhikkhu,

47-1

巴利原文

sabbā duggatiyo jahe”ti.

48-1

巴利原文

Catutthaṁ.