增支部第89經（Aṅguttara Nikāya 3.39 / 4. Devadūtavagga / Sukhumālasutta）

部類增支部

Pali NikāyaAṅguttara Nikāya

總句數54

已譯句數0

1-1

巴利原文

Aṅguttara Nikāya 3.39

2-1

巴利原文

4. Devadūtavagga

3-1

巴利原文

Sukhumālasutta

4-1

巴利原文

“Sukhumālo ahaṁ, bhikkhave, paramasukhumālo accantasukhumālo.

5-1

巴利原文

Mama sudaṁ, bhikkhave, pitu nivesane pokkharaṇiyo kāritā honti.

6-1

巴利原文

Ekattha sudaṁ, bhikkhave, uppalaṁ vappati, ekattha padumaṁ, ekattha puṇḍarīkaṁ, yāvadeva mamatthāya.

7-1

巴利原文

Na kho panassāhaṁ, bhikkhave, akāsikaṁ candanaṁ dhāremi. Kāsikaṁ, bhikkhave, su me taṁ veṭhanaṁ hoti, kāsikā kañcukā, kāsikaṁ nivāsanaṁ, kāsiko uttarāsaṅgo.

8-1

巴利原文

Rattindivaṁ kho pana me su taṁ, bhikkhave, setacchattaṁ dhārīyati:

9-1

巴利原文

‘mā naṁ phusi sītaṁ vā uṇhaṁ vā tiṇaṁ vā rajo vā ussāvo vā’ti.

10-1

巴利原文

Tassa mayhaṁ, bhikkhave, tayo pāsādā ahesuṁ—eko hemantiko, eko gimhiko, eko vassiko.

11-1

巴利原文

So kho ahaṁ, bhikkhave, vassike pāsāde vassike cattāro māse nippurisehi tūriyehi paricārayamāno na heṭṭhāpāsādaṁ orohāmi.

12-1

巴利原文

Yathā kho pana, bhikkhave, aññesaṁ nivesane dāsakammakaraporisassa kaṇājakaṁ bhojanaṁ dīyati bilaṅgadutiyaṁ, evamevassu me, bhikkhave, pitu nivesane dāsakammakaraporisassa sālimaṁsodano dīyati.

13-1

巴利原文

Tassa mayhaṁ, bhikkhave, evarūpāya iddhiyā samannāgatassa evarūpena ca sukhumālena etadahosi:

14-1

巴利原文

‘assutavā kho puthujjano attanā jarādhammo samāno jaraṁ anatīto paraṁ jiṇṇaṁ disvā aṭṭīyati harāyati jigucchati attānaṁyeva atisitvā, ahampi khomhi jarādhammo jaraṁ anatīto.

15-1

巴利原文

Ahañceva kho pana jarādhammo samāno jaraṁ anatīto paraṁ jiṇṇaṁ disvā aṭṭīyeyyaṁ harāyeyyaṁ jiguccheyyaṁ na metaṁ assa patirūpan’ti.

16-1

巴利原文

Tassa mayhaṁ, bhikkhave, iti paṭisañcikkhato yo yobbane yobbanamado so sabbaso pahīyi.

17-1

巴利原文

Assutavā kho puthujjano attanā byādhidhammo samāno byādhiṁ anatīto paraṁ byādhitaṁ disvā aṭṭīyati harāyati jigucchati attānaṁyeva atisitvā:

18-1

巴利原文

‘ahampi khomhi byādhidhammo byādhiṁ anatīto, ahañceva kho pana byādhidhammo samāno byādhiṁ anatīto paraṁ byādhikaṁ disvā aṭṭīyeyyaṁ harāyeyyaṁ jiguccheyyaṁ, na metaṁ assa patirūpan’ti.

19-1

巴利原文

Tassa mayhaṁ, bhikkhave, iti paṭisañcikkhato yo ārogye ārogyamado so sabbaso pahīyi.

20-1

巴利原文

Assutavā kho puthujjano attanā maraṇadhammo samāno maraṇaṁ anatīto paraṁ mataṁ disvā aṭṭīyati harāyati jigucchati attānaṁyeva atisitvā:

21-1

巴利原文

‘ahampi khomhi maraṇadhammo, maraṇaṁ anatīto, ahaṁ ceva kho pana maraṇadhammo samāno maraṇaṁ anatīto paraṁ mataṁ disvā aṭṭīyeyyaṁ harāyeyyaṁ jiguccheyyaṁ, na metaṁ assa patirūpan’ti.

22-1

巴利原文

Tassa mayhaṁ, bhikkhave, iti paṭisañcikkhato yo jīvite jīvitamado so sabbaso pahīyīti.

23-1

巴利原文

Tayome, bhikkhave, madā.

24-1

巴利原文

Katame tayo?

25-1

巴利原文

Yobbanamado, ārogyamado, jīvitamado.

26-1

巴利原文

Yobbanamadamatto vā, bhikkhave, assutavā puthujjano kāyena duccaritaṁ carati, vācāya duccaritaṁ carati, manasā duccaritaṁ carati.

27-1

巴利原文

So kāyena duccaritaṁ caritvā, vācāya duccaritaṁ caritvā, manasā duccaritaṁ caritvā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.

28-1

巴利原文

Ārogyamadamatto vā, bhikkhave, assutavā puthujjano …pe…

29-1

巴利原文

jīvitamadamatto vā, bhikkhave, assutavā puthujjano kāyena duccaritaṁ carati, vācāya duccaritaṁ carati, manasā duccaritaṁ carati.

30-1

巴利原文

So kāyena duccaritaṁ caritvā, vācāya duccaritaṁ caritvā, manasā duccaritaṁ caritvā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.

31-1

巴利原文

Yobbanamadamatto vā, bhikkhave, bhikkhu sikkhaṁ paccakkhāya hīnāyāvattati.

32-1

巴利原文

Ārogyamadamatto vā, bhikkhave, bhikkhu …pe…

33-1

巴利原文

jīvitamadamatto vā, bhikkhave, bhikkhu sikkhaṁ paccakkhāya hīnāyāvattatīti.

34-1

巴利原文

Byādhidhammā jarādhammā,

35-1

巴利原文

atho maraṇadhammino;

36-1

巴利原文

Yathādhammā tathāsantā,

37-1

巴利原文

jigucchanti puthujjanā.

38-1

巴利原文

Ahañce taṁ jiguccheyyaṁ,

39-1

巴利原文

evaṁdhammesu pāṇisu;

40-1

巴利原文

Na metaṁ patirūpassa,

41-1

巴利原文

mama evaṁ vihārino.

42-1

巴利原文

Sohaṁ evaṁ viharanto,

43-1

巴利原文

ñatvā dhammaṁ nirūpadhiṁ;

44-1

巴利原文

Ārogye yobbanasmiñca,

45-1

巴利原文

jīvitasmiñca ye madā.

46-1

巴利原文

Sabbe made abhibhosmi,

47-1

巴利原文

Nekkhamme daṭṭhu khemataṁ;

48-1

巴利原文

Tassa me ahu ussāho,

49-1

巴利原文

Nibbānaṁ abhipassato.

50-1

巴利原文

Nāhaṁ bhabbo etarahi,

51-1

巴利原文

Kāmāni paṭisevituṁ;

52-1

巴利原文

Anivatti bhavissāmi,

53-1

巴利原文

Brahmacariyaparāyaṇo”ti.

54-1

巴利原文

Navamaṁ.