增支部第1004經（Aṅguttara Nikāya 8.21 / 3. Gahapativagga / Paṭhamauggasutta）

部類增支部

Pali NikāyaAṅguttara Nikāya

總句數71

已譯句數0

1-1

巴利原文

Aṅguttara Nikāya 8.21

2-1

巴利原文

3. Gahapativagga

3-1

巴利原文

Paṭhamauggasutta

4-1

巴利原文

Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.

5-1

巴利原文

Tatra kho bhagavā bhikkhū āmantesi:

6-1

巴利原文

“aṭṭhahi, bhikkhave, acchariyehi abbhutehi dhammehi samannāgataṁ uggaṁ gahapatiṁ vesālikaṁ dhārethā”ti.

7-1

巴利原文

Idamavoca bhagavā.

8-1

巴利原文

Idaṁ vatvāna sugato uṭṭhāyāsanā vihāraṁ pāvisi.

9-1

巴利原文

Atha kho aññataro bhikkhu pubbaṇhasamayaṁ nivāsetvā pattacīvaramādāya yena uggassa gahapatino vesālikassa nivesanaṁ tenupasaṅkami; upasaṅkamitvā paññatte āsane nisīdi.

10-1

巴利原文

Atha kho uggo gahapati vesāliko yena so bhikkhu tenupasaṅkami; upasaṅkamitvā taṁ bhikkhuṁ abhivādetvā ekamantaṁ nisīdi. Ekamantaṁ nisinnaṁ kho uggaṁ gahapatiṁ vesālikaṁ so bhikkhu etadavoca:

11-1

巴利原文

“Aṭṭhahi kho tvaṁ, gahapati, acchariyehi abbhutehi dhammehi samannāgato bhagavatā byākato.

12-1

巴利原文

Katame te, gahapati, aṭṭha acchariyā abbhutā dhammā, yehi tvaṁ samannāgato bhagavatā byākato”ti?

13-1

巴利原文

“Na kho ahaṁ, bhante, jānāmi:

14-1

巴利原文

‘katamehi aṭṭhahi acchariyehi abbhutehi dhammehi samannāgato bhagavatā byākato’ti.

15-1

巴利原文

Api ca, bhante, ye me aṭṭha acchariyā abbhutā dhammā saṁvijjanti,;

16-1

巴利原文

taṁ suṇohi, sādhukaṁ manasi karohi, bhāsissāmī”ti.

17-1

巴利原文

“Evaṁ, gahapatī”ti kho so bhikkhu uggassa gahapatino vesālikassa paccassosi.

18-1

巴利原文

Uggo gahapati vesāliko etadavoca:

19-1

巴利原文

“yadāhaṁ, bhante, bhagavantaṁ paṭhamaṁ dūratova addasaṁ;

20-1

巴利原文

saha dassaneneva me, bhante, bhagavato cittaṁ pasīdi.

21-1

巴利原文

Ayaṁ kho me, bhante, paṭhamo acchariyo abbhuto dhammo saṁvijjati.

22-1

巴利原文

So kho ahaṁ, bhante, pasannacitto bhagavantaṁ payirupāsiṁ.

23-1

巴利原文

Tassa me bhagavā anupubbiṁ kathaṁ kathesi, seyyathidaṁ—

24-1

巴利原文

dānakathaṁ sīlakathaṁ saggakathaṁ; kāmānaṁ ādīnavaṁ okāraṁ saṅkilesaṁ, nekkhamme ānisaṁsaṁ pakāsesi.

25-1

巴利原文

Yadā maṁ bhagavā aññāsi kallacittaṁ muducittaṁ vinīvaraṇacittaṁ udaggacittaṁ pasannacittaṁ, atha yā buddhānaṁ sāmukkaṁsikā dhammadesanā taṁ pakāsesi—

26-1

巴利原文

dukkhaṁ, samudayaṁ, nirodhaṁ, maggaṁ.

27-1

巴利原文

Seyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;

28-1

巴利原文

evamevaṁ kho me tasmiṁyeva āsane virajaṁ vītamalaṁ dhammacakkhuṁ udapādi:

29-1

巴利原文

‘yaṁ kiñci samudayadhammaṁ sabbaṁ taṁ nirodhadhamman’ti.

30-1

巴利原文

So kho ahaṁ, bhante, diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṅkatho vesārajjappatto aparappaccayo satthusāsane

31-1

巴利原文

tattheva buddhañca dhammañca saṅghañca saraṇaṁ agamāsiṁ, brahmacariyapañcamāni ca sikkhāpadāni samādiyiṁ.

32-1

巴利原文

Ayaṁ kho me, bhante, dutiyo acchariyo abbhuto dhammo saṁvijjati.

33-1

巴利原文

Tassa mayhaṁ, bhante, catasso komāriyo pajāpatiyo ahesuṁ.

34-1

巴利原文

Atha khvāhaṁ, bhante, yena tā pajāpatiyo tenupasaṅkamiṁ; upasaṅkamitvā tā pajāpatiyo etadavacaṁ:

35-1

巴利原文

‘mayā kho, bhaginiyo, brahmacariyapañcamāni sikkhāpadāni samādinnāni.

36-1

巴利原文

Yā icchati sā idheva bhoge ca bhuñjatu puññāni ca karotu, sakāni vā ñātikulāni gacchatu.

37-1

巴利原文

Hoti vā pana purisādhippāyo, kassa vo dammī’ti?

38-1

巴利原文

Evaṁ vutte, sā, bhante, jeṭṭhā pajāpati maṁ etadavoca:

39-1

巴利原文

‘itthannāmassa maṁ, ayyaputta, purisassa dehī’ti.

40-1

巴利原文

Atha kho ahaṁ, bhante, taṁ purisaṁ pakkosāpetvā vāmena hatthena pajāpatiṁ gahetvā dakkhiṇena hatthena bhiṅgāraṁ gahetvā tassa purisassa oṇojesiṁ.

41-1

巴利原文

Komāriṁ kho panāhaṁ, bhante, dāraṁ pariccajanto nābhijānāmi cittassa aññathattaṁ.

42-1

巴利原文

Ayaṁ kho me, bhante, tatiyo acchariyo abbhuto dhammo saṁvijjati.

43-1

巴利原文

Saṁvijjanti kho pana me, bhante, kule bhogā.

44-1

巴利原文

Te ca kho appaṭivibhattā sīlavantehi kalyāṇadhammehi.

45-1

巴利原文

Ayaṁ kho me, bhante, catuttho acchariyo abbhuto dhammo saṁvijjati.

46-1

巴利原文

Yaṁ kho panāhaṁ, bhante, bhikkhuṁ payirupāsāmi;

47-1

巴利原文

sakkaccaṁyeva payirupāsāmi, no asakkaccaṁ.

48-1

巴利原文

Ayaṁ kho me, bhante, pañcamo acchariyo abbhuto dhammo saṁvijjati.

49-1

巴利原文

So ce, bhante, me āyasmā dhammaṁ deseti;

50-1

巴利原文

sakkaccaṁyeva suṇomi, no asakkaccaṁ.

51-1

巴利原文

No ce me so āyasmā dhammaṁ deseti, ahamassa dhammaṁ desemi.

52-1

巴利原文

Ayaṁ kho me, bhante, chaṭṭho acchariyo abbhuto dhammo saṁvijjati.

53-1

巴利原文

Anacchariyaṁ kho pana maṁ, bhante, devatā upasaṅkamitvā ārocenti:

54-1

巴利原文

‘svākkhāto, gahapati, bhagavatā dhammo’ti.

55-1

巴利原文

Evaṁ vutte, ahaṁ, bhante, tā devatā evaṁ vadāmi:

56-1

巴利原文

‘vadeyyātha vā evaṁ kho tumhe devatā no vā vadeyyātha, atha kho svākkhāto bhagavatā dhammo’ti.

57-1

巴利原文

Na kho panāhaṁ, bhante, abhijānāmi tatonidānaṁ cittassa unnatiṁ:

58-1

巴利原文

‘maṁ vā devatā upasaṅkamanti, ahaṁ vā devatāhi saddhiṁ sallapāmī’ti.

59-1

巴利原文

Ayaṁ kho me, bhante, sattamo acchariyo abbhuto dhammo saṁvijjati.

60-1

巴利原文

Yānimāni, bhante, bhagavatā desitāni pañcorambhāgiyāni saṁyojanāni, nāhaṁ tesaṁ kiñci attani appahīnaṁ samanupassāmi.

61-1

巴利原文

Ayaṁ kho me, bhante, aṭṭhamo acchariyo abbhuto dhammo saṁvijjati.

62-1

巴利原文

Ime kho me, bhante, aṭṭha acchariyā abbhutā dhammā saṁvijjanti.

63-1

巴利原文

Na ca kho ahaṁ jānāmi—

64-1

巴利原文

katamehi cāhaṁ aṭṭhahi acchariyehi abbhutehi dhammehi samannāgato bhagavatā byākato”ti.

65-1

巴利原文

Atha kho so bhikkhu uggassa gahapatino vesālikassa nivesane piṇḍapātaṁ gahetvā uṭṭhāyāsanā pakkāmi.

66-1

巴利原文

Atha kho so bhikkhu pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.

67-1

巴利原文

Ekamantaṁ nisinno kho so bhikkhu yāvatako ahosi uggena gahapatinā vesālikena saddhiṁ kathāsallāpo, taṁ sabbaṁ bhagavato ārocesi.

68-1

巴利原文

“Sādhu sādhu, bhikkhu.

69-1

巴利原文

Yathā taṁ uggo gahapati vesāliko sammā byākaramāno byākareyya, imeheva kho, bhikkhu, aṭṭhahi acchariyehi abbhutehi dhammehi samannāgato uggo gahapati vesāliko mayā byākato.

70-1

巴利原文

Imehi ca pana, bhikkhu, aṭṭhahi acchariyehi abbhutehi dhammehi samannāgataṁ uggaṁ gahapatiṁ vesālikaṁ dhārehī”ti.

71-1

巴利原文

Paṭhamaṁ.