巴利大藏經《增支部第1029經（Aṅguttara Nikāya 8.46 / 5. Uposathavagga / Anuruddhasutta）》

1-1

巴利原文

Aṅguttara Nikāya 8.46

2-1

巴利原文

5. Uposathavagga

3-1

巴利原文

Anuruddhasutta

4-1

巴利原文

Ekaṁ samayaṁ bhagavā kosambiyaṁ viharati ghositārāme.

5-1

巴利原文

Tena kho pana samayena āyasmā anuruddho divāvihāraṁ gato hoti paṭisallīno.

6-1

巴利原文

Atha kho sambahulā manāpakāyikā devatā yenāyasmā anuruddho tenupasaṅkamiṁsu; upasaṅkamitvā āyasmantaṁ anuruddhaṁ abhivādetvā ekamantaṁ aṭṭhaṁsu. Ekamantaṁ ṭhitā kho tā devatā āyasmantaṁ anuruddhaṁ etadavocuṁ:

7-1

巴利原文

“mayaṁ, bhante anuruddha, manāpakāyikā nāma devatā tīsu ṭhānesu issariyaṁ kārema vasaṁ vattema.

8-1

巴利原文

Mayaṁ, bhante anuruddha, yādisakaṁ vaṇṇaṁ ākaṅkhāma tādisakaṁ vaṇṇaṁ ṭhānaso paṭilabhāma;

9-1

巴利原文

yādisakaṁ saraṁ ākaṅkhāma tādisakaṁ saraṁ ṭhānaso paṭilabhāma;

10-1

巴利原文

yādisakaṁ sukhaṁ ākaṅkhāma tādisakaṁ sukhaṁ ṭhānaso paṭilabhāma.

11-1

巴利原文

Mayaṁ, bhante anuruddha, manāpakāyikā nāma devatā imesu tīsu ṭhānesu issariyaṁ kārema vasaṁ vattemā”ti.

12-1

巴利原文

Atha kho āyasmato anuruddhassa etadahosi:

13-1

巴利原文

“aho vatimā devatā sabbāva nīlā assu nīlavaṇṇā nīlavatthā nīlālaṅkārā”ti.

14-1

巴利原文

Atha kho tā devatā āyasmato anuruddhassa cittamaññāya sabbāva nīlā ahesuṁ nīlavaṇṇā nīlavatthā nīlālaṅkārā.

15-1

巴利原文

Atha kho āyasmato anuruddhassa etadahosi:

16-1

巴利原文

“aho vatimā devatā sabbāva pītā assu …pe…

17-1

巴利原文

sabbāva lohitakā assu …

18-1

巴利原文

sabbāva odātā assu odātavaṇṇā odātavatthā odātālaṅkārā”ti.

19-1

巴利原文

Atha kho tā devatā āyasmato anuruddhassa cittamaññāya sabbāva odātā ahesuṁ odātavaṇṇā odātavatthā odātālaṅkārā.

20-1

巴利原文

Atha kho tā devatā ekā ca gāyi ekā ca nacci ekā ca accharaṁ vādesi.

21-1

巴利原文

Seyyathāpi nāma pañcaṅgikassa tūriyassa suvinītassa suppaṭipatāḷitassa kusalehi susamannāhatassa saddo hoti vaggu ca rajanīyo ca kamanīyo ca pemanīyo ca madanīyo ca;

22-1

巴利原文

evamevaṁ tāsaṁ devatānaṁ alaṅkārānaṁ saddo hoti vaggu ca rajanīyo ca kamanīyo ca pemanīyo ca madanīyo ca.

23-1

巴利原文

Atha kho āyasmā anuruddho indriyāni okkhipi.

24-1

巴利原文

Atha kho tā devatā “na khvayyo anuruddho sādiyatī”ti tatthevantaradhāyiṁsu.

25-1

巴利原文

Atha kho āyasmā anuruddho sāyanhasamayaṁ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā anuruddho bhagavantaṁ etadavoca:

26-1

巴利原文

“Idhāhaṁ, bhante, divāvihāraṁ gato homi paṭisallīno.

27-1

巴利原文

Atha kho, bhante, sambahulā manāpakāyikā devatā yenāhaṁ tenupasaṅkamiṁsu; upasaṅkamitvā maṁ abhivādetvā ekamantaṁ aṭṭhaṁsu. Ekamantaṁ ṭhitā kho, bhante, tā devatā maṁ etadavocuṁ:

28-1

巴利原文

‘mayaṁ, bhante anuruddha, manāpakāyikā nāma devatā tīsu ṭhānesu issariyaṁ kārema vasaṁ vattema.

29-1

巴利原文

Mayaṁ, bhante anuruddha, yādisakaṁ vaṇṇaṁ ākaṅkhāma tādisakaṁ vaṇṇaṁ ṭhānaso paṭilabhāma;

30-1

巴利原文

yādisakaṁ saraṁ ākaṅkhāma tādisakaṁ saraṁ ṭhānaso paṭilabhāma;

31-1

巴利原文

yādisakaṁ sukhaṁ ākaṅkhāma tādisakaṁ sukhaṁ ṭhānaso paṭilabhāma.

32-1

巴利原文

Mayaṁ, bhante anuruddha, manāpakāyikā nāma devatā imesu tīsu ṭhānesu issariyaṁ kārema vasaṁ vattemā’ti.

33-1

巴利原文

Tassa mayhaṁ, bhante, etadahosi:

34-1

巴利原文

‘aho vatimā devatā sabbāva nīlā assu nīlavaṇṇā nīlavatthā nīlālaṅkārā’ti.

35-1

巴利原文

Atha kho, bhante, tā devatā mama cittamaññāya sabbāva nīlā ahesuṁ nīlavaṇṇā nīlavatthā nīlālaṅkārā.

36-1

巴利原文

Tassa mayhaṁ, bhante, etadahosi:

37-1

巴利原文

‘aho vatimā devatā sabbāva pītā assu …pe…

38-1

巴利原文

sabbāva lohitakā assu …pe…

39-1

巴利原文

sabbāva odātā assu odātavaṇṇā odātavatthā odātālaṅkārā’ti.

40-1

巴利原文

Atha kho, bhante, tā devatā mama cittamaññāya sabbāva odātā ahesuṁ odātavaṇṇā odātavatthā odātālaṅkārā.

41-1

巴利原文

Atha kho, bhante, tā devatā ekā ca gāyi ekā ca nacci ekā ca accharaṁ vādesi.

42-1

巴利原文

Seyyathāpi nāma pañcaṅgikassa tūriyassa suvinītassa suppaṭipatāḷitassa kusalehi susamannāhatassa saddo hoti vaggu ca rajanīyo ca kamanīyo ca pemanīyo ca madanīyo ca;

43-1

巴利原文

evamevaṁ tāsaṁ devatānaṁ alaṅkārānaṁ saddo hoti vaggu ca rajanīyo ca kamanīyo ca pemanīyo ca madanīyo ca.

44-1

巴利原文

Atha khvāhaṁ, bhante, indriyāni okkhipi.

45-1

巴利原文

Atha kho, bhante, tā devatā ‘na khvayyo anuruddho sādiyatī’ti tatthevantaradhāyiṁsu.

46-1

巴利原文

Katihi nu kho, bhante, dhammehi samannāgato mātugāmo kāyassa bhedā paraṁ maraṇā manāpakāyikānaṁ devānaṁ sahabyataṁ upapajjatī”ti?

47-1

巴利原文

“Aṭṭhahi kho, anuruddha, dhammehi samannāgato mātugāmo kāyassa bhedā paraṁ maraṇā manāpakāyikānaṁ devānaṁ sahabyataṁ upapajjati.

48-1

巴利原文

Katamehi aṭṭhahi?

49-1

巴利原文

Idha, anuruddha, mātugāmo yassa mātāpitaro bhattuno denti atthakāmā hitesino anukampakā anukampaṁ upādāya tassa hoti pubbuṭṭhāyinī pacchānipātinī kiṅkārapaṭissāvinī manāpacārinī piyavādinī.

50-1

巴利原文

Ye te bhattu garuno honti—

51-1

巴利原文

mātāti vā pitāti vā samaṇabrāhmaṇāti vā—

52-1

巴利原文

te sakkaroti, garuṁ karoti, māneti, pūjeti, abbhāgate ca āsanodakena paṭipūjeti.

53-1

巴利原文

Ye te bhattu abbhantarā kammantā—uṇṇāti vā kappāsāti vā—tattha dakkhā hoti analasā tatrupāyāya vīmaṁsāya samannāgatā alaṁ kātuṁ alaṁ saṁvidhātuṁ.

54-1

巴利原文

Yo so bhattu abbhantaro antojano—dāsāti vā pessāti vā kammakarāti vā—

55-1

巴利原文

tesaṁ katañca katato jānāti akatañca akatato jānāti, gilānakānañca balābalaṁ jānāti khādanīyaṁ bhojanīyañcassa paccaṁsena saṁvibhajati.

56-1

巴利原文

Yaṁ bhattu āharati dhanaṁ vā dhaññaṁ vā jātarūpaṁ vā taṁ ārakkhena guttiyā sampādeti, tattha ca hoti adhuttī athenī asoṇḍī avināsikā.

57-1

巴利原文

Upāsikā kho pana hoti buddhaṁ saraṇaṁ gatā dhammaṁ saraṇaṁ gatā saṅghaṁ saraṇaṁ gatā.

58-1

巴利原文

Sīlavatī kho pana hoti—

59-1

巴利原文

pāṇātipātā paṭiviratā, adinnādānā paṭiviratā, kāmesumicchācārā paṭiviratā, musāvādā paṭiviratā, surāmerayamajjapamādaṭṭhānā paṭiviratā.

60-1

巴利原文

Cāgavatī kho pana hoti.

61-1

巴利原文

Vigatamalamaccherena cetasā agāraṁ ajjhāvasati muttacāgā payatapāṇinī vossaggaratā yācayogā dānasaṁvibhāgaratā.

62-1

巴利原文

Imehi kho, anuruddha, aṭṭhahi dhammehi samannāgato mātugāmo kāyassa bhedā paraṁ maraṇā manāpakāyikānaṁ devānaṁ sahabyataṁ upapajjatīti.

63-1

巴利原文

Yo naṁ bharati sabbadā,

64-1

巴利原文

niccaṁ ātāpi ussuko;

65-1

巴利原文

Taṁ sabbakāmadaṁ posaṁ,

66-1

巴利原文

bhattāraṁ nātimaññati.

67-1

巴利原文

Na cāpi sotthi bhattāraṁ,

68-1

巴利原文

issāvādena rosaye;

69-1

巴利原文

Bhattu ca garuno sabbe,

70-1

巴利原文

paṭipūjeti paṇḍitā.

71-1

巴利原文

Uṭṭhāhikā analasā,

72-1

巴利原文

saṅgahitaparijjanā;

73-1

巴利原文

Bhattu manāpaṁ carati,

74-1

巴利原文

sambhataṁ anurakkhati.

75-1

巴利原文

Yā evaṁ vattati nārī,

76-1

巴利原文

bhattu chandavasānugā;

77-1

巴利原文

Manāpā nāma te devā,

78-1

巴利原文

yattha sā upapajjatī”ti.

79-1

巴利原文

Chaṭṭhaṁ.