增支部第1032經（Aṅguttara Nikāya 8.49 / 5. Uposathavagga / Paṭhamaidhalokikasutta）

部類增支部

Pali NikāyaAṅguttara Nikāya

總句數57

已譯句數0

1-1

巴利原文

Aṅguttara Nikāya 8.49

2-1

巴利原文

5. Uposathavagga

3-1

巴利原文

Paṭhamaidhalokikasutta

4-1

巴利原文

Ekaṁ samayaṁ bhagavā sāvatthiyaṁ viharati pubbārāme migāramātupāsāde.

5-1

巴利原文

Atha kho visākhā migāramātā yena bhagavā tenupasaṅkami …pe….

6-1

巴利原文

Ekamantaṁ nisinnaṁ kho visākhaṁ migāramātaraṁ bhagavā etadavoca:

7-1

巴利原文

“Catūhi kho, visākhe, dhammehi samannāgato mātugāmo idhalokavijayāya paṭipanno hoti, ayaṁsa loko āraddho hoti.

8-1

巴利原文

Katamehi catūhi?

9-1

巴利原文

Idha, visākhe, mātugāmo susaṁvihitakammanto hoti, saṅgahitaparijano, bhattu manāpaṁ carati, sambhataṁ anurakkhati.

10-1

巴利原文

Kathañca, visākhe, mātugāmo susaṁvihitakammanto hoti?

11-1

巴利原文

Idha, visākhe, mātugāmo ye te bhattu abbhantarā kammantā—uṇṇāti vā kappāsāti vā—tattha dakkhā hoti analasā tatrupāyāya vīmaṁsāya samannāgatā alaṁ kātuṁ alaṁ saṁvidhātuṁ.

12-1

巴利原文

Evaṁ kho, visākhe, mātugāmo susaṁvihitakammanto hoti.

13-1

巴利原文

Kathañca, visākhe, mātugāmo saṅgahitaparijano hoti?

14-1

巴利原文

Idha, visākhe, mātugāmo yo so bhattu abbhantaro antojano—dāsāti vā pessāti vā kammakarāti vā—

15-1

巴利原文

tesaṁ katañca katato jānāti akatañca akatato jānāti, gilānakānañca balābalaṁ jānāti khādanīyaṁ bhojanīyañcassa paccaṁsena saṁvibhajati.

16-1

巴利原文

Evaṁ kho, visākhe, mātugāmo saṅgahitaparijano hoti.

17-1

巴利原文

Kathañca, visākhe, mātugāmo bhattu manāpaṁ carati?

18-1

巴利原文

Idha, visākhe, mātugāmo yaṁ bhattu amanāpasaṅkhātaṁ taṁ jīvitahetupi na ajjhācarati.

19-1

巴利原文

Evaṁ kho, visākhe, mātugāmo bhattu manāpaṁ carati.

20-1

巴利原文

Kathañca, visākhe, mātugāmo sambhataṁ anurakkhati?

21-1

巴利原文

Idha, visākhe, mātugāmo yaṁ bhattā āharati dhanaṁ vā dhaññaṁ vā rajataṁ vā jātarūpaṁ vā taṁ ārakkhena guttiyā sampādeti, tattha ca hoti adhuttī athenī asoṇḍī avināsikā.

22-1

巴利原文

Evaṁ kho, visākhe, mātugāmo sambhataṁ anurakkhati.

23-1

巴利原文

Imehi kho, visākhe, catūhi dhammehi samannāgato mātugāmo idhalokavijayāya paṭipanno hoti, ayaṁsa loko āraddho hoti.

24-1

巴利原文

Catūhi kho, visākhe, dhammehi samannāgato mātugāmo paralokavijayāya paṭipanno hoti, paraloko āraddho hoti.

25-1

巴利原文

Katamehi catūhi?

26-1

巴利原文

Idha, visākhe, mātugāmo saddhāsampanno hoti, sīlasampanno hoti, cāgasampanno hoti, paññāsampanno hoti.

27-1

巴利原文

Kathañca, visākhe, mātugāmo saddhāsampanno hoti?

28-1

巴利原文

Idha, visākhe, mātugāmo saddho hoti, saddahati tathāgatassa bodhiṁ:

29-1

巴利原文

‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.

30-1

巴利原文

Evaṁ kho, visākhe, mātugāmo saddhāsampanno hoti.

31-1

巴利原文

Kathañca, visākhe, mātugāmo sīlasampanno hoti?

32-1

巴利原文

Idha, visākhe, mātugāmo pāṇātipātā paṭivirato hoti …pe… surāmerayamajjapamādaṭṭhānā paṭivirato hoti.

33-1

巴利原文

Evaṁ kho, visākhe, mātugāmo sīlasampanno hoti.

34-1

巴利原文

Kathañca, visākhe, mātugāmo cāgasampanno hoti?

35-1

巴利原文

Idha, visākhe, mātugāmo vigatamalamaccherena cetasā agāraṁ ajjhāvasati muttacāgā payatapāṇinī vossaggaratā yācayogā dānasaṁvibhāgaratā.

36-1

巴利原文

Evaṁ kho, visākhe, mātugāmo cāgasampanno hoti.

37-1

巴利原文

Kathañca, visākhe, mātugāmo paññāsampanno hoti?

38-1

巴利原文

Idha, visākhe, mātugāmo paññavā hoti …pe…

39-1

巴利原文

evaṁ kho, visākhe, mātugāmo paññāsampanno hoti.

40-1

巴利原文

Imehi kho, visākhe, catūhi dhammehi samannāgato mātugāmo paralokavijayāya paṭipanno hoti, paraloko āraddho hotīti.

41-1

巴利原文

Susaṁvihitakammantā,

42-1

巴利原文

saṅgahitaparijjanā;

43-1

巴利原文

Bhattu manāpaṁ carati,

44-1

巴利原文

sambhataṁ anurakkhati.

45-1

巴利原文

Saddhā sīlena sampannā,

46-1

巴利原文

vadaññū vītamaccharā;

47-1

巴利原文

Niccaṁ maggaṁ visodheti,

48-1

巴利原文

sotthānaṁ samparāyikaṁ.

49-1

巴利原文

Iccete aṭṭha dhammā ca,

50-1

巴利原文

yassā vijjanti nāriyā;

51-1

巴利原文

Tampi sīlavatiṁ āhu,

52-1

巴利原文

dhammaṭṭhaṁ saccavādiniṁ.

53-1

巴利原文

Soḷasākārasampannā,

54-1

巴利原文

Aṭṭhaṅgasusamāgatā;

55-1

巴利原文

Tādisī sīlavatī upāsikā,

56-1

巴利原文

Upapajjati devalokaṁ manāpan”ti.

57-1

巴利原文

Navamaṁ.