增支部第112經（Aṅguttara Nikāya 3.62 / 7. Mahāvagga / Bhayasutta）

部類增支部

Pali NikāyaAṅguttara Nikāya

總句數55

已譯句數0

1-1

巴利原文

Aṅguttara Nikāya 3.62

2-1

巴利原文

7. Mahāvagga

3-1

巴利原文

Bhayasutta

4-1

巴利原文

“Tīṇimāni, bhikkhave, amātāputtikāni bhayānīti assutavā puthujjano bhāsati.

5-1

巴利原文

Katamāni tīṇi?

6-1

巴利原文

Hoti so, bhikkhave, samayo yaṁ mahāaggiḍāho vuṭṭhāti.

7-1

巴利原文

Mahāaggiḍāhe kho pana, bhikkhave, vuṭṭhite tena gāmāpi ḍayhanti nigamāpi ḍayhanti nagarāpi ḍayhanti.

8-1

巴利原文

Gāmesupi ḍayhamānesu nigamesupi ḍayhamānesu nagaresupi ḍayhamānesu tattha mātāpi puttaṁ nappaṭilabhati, puttopi mātaraṁ nappaṭilabhati.

9-1

巴利原文

Idaṁ, bhikkhave, paṭhamaṁ amātāputtikaṁ bhayanti assutavā puthujjano bhāsati.

10-1

巴利原文

Puna caparaṁ, bhikkhave, hoti so samayo yaṁ mahāmegho vuṭṭhāti.

11-1

巴利原文

Mahāmeghe kho pana, bhikkhave, vuṭṭhite mahāudakavāhako sañjāyati.

12-1

巴利原文

Mahāudakavāhake kho pana, bhikkhave, sañjāyante tena gāmāpi vuyhanti nigamāpi vuyhanti nagarāpi vuyhanti.

13-1

巴利原文

Gāmesupi vuyhamānesu nigamesupi vuyhamānesu nagaresupi vuyhamānesu tattha mātāpi puttaṁ nappaṭilabhati, puttopi mātaraṁ nappaṭilabhati.

14-1

巴利原文

Idaṁ, bhikkhave, dutiyaṁ amātāputtikaṁ bhayanti assutavā puthujjano bhāsati.

15-1

巴利原文

Puna caparaṁ, bhikkhave, hoti so samayo yaṁ bhayaṁ hoti aṭavisaṅkopo, cakkasamāruḷhā jānapadā pariyāyanti.

16-1

巴利原文

Bhaye kho pana, bhikkhave, sati aṭavisaṅkope cakkasamāruḷhesu jānapadesu pariyāyantesu tattha mātāpi puttaṁ nappaṭilabhati, puttopi mātaraṁ nappaṭilabhati.

17-1

巴利原文

Idaṁ, bhikkhave, tatiyaṁ amātāputtikaṁ bhayanti assutavā puthujjano bhāsati.

18-1

巴利原文

Imāni kho, bhikkhave, tīṇi amātāputtikāni bhayānīti assutavā puthujjano bhāsati.

19-1

巴利原文

Tāni kho panimāni, bhikkhave, tīṇi samātāputtikāniyeva bhayāni amātāputtikāni bhayānīti assutavā puthujjano bhāsati.

20-1

巴利原文

Katamāni tīṇi?

21-1

巴利原文

Hoti so, bhikkhave, samayo yaṁ mahāaggiḍāho vuṭṭhāti.

22-1

巴利原文

Mahāaggiḍāhe kho pana, bhikkhave, vuṭṭhite tena gāmāpi ḍayhanti nigamāpi ḍayhanti nagarāpi ḍayhanti.

23-1

巴利原文

Gāmesupi ḍayhamānesu nigamesupi ḍayhamānesu nagaresupi ḍayhamānesu hoti so samayo yaṁ kadāci karahaci mātāpi puttaṁ paṭilabhati, puttopi mātaraṁ paṭilabhati.

24-1

巴利原文

Idaṁ, bhikkhave, paṭhamaṁ samātāputtikaṁyeva bhayaṁ amātāputtikaṁ bhayanti assutavā puthujjano bhāsati.

25-1

巴利原文

Puna caparaṁ, bhikkhave, hoti so samayo yaṁ mahāmegho vuṭṭhāti.

26-1

巴利原文

Mahāmeghe kho pana, bhikkhave, vuṭṭhite mahāudakavāhako sañjāyati.

27-1

巴利原文

Mahāudakavāhake kho pana, bhikkhave, sañjāte tena gāmāpi vuyhanti nigamāpi vuyhanti nagarāpi vuyhanti.

28-1

巴利原文

Gāmesupi vuyhamānesu nigamesupi vuyhamānesu nagaresupi vuyhamānesu hoti so samayo yaṁ kadāci karahaci mātāpi puttaṁ paṭilabhati, puttopi mātaraṁ paṭilabhati.

29-1

巴利原文

Idaṁ, bhikkhave, dutiyaṁ samātāputtikaṁyeva bhayaṁ amātāputtikaṁ bhayanti assutavā puthujjano bhāsati.

30-1

巴利原文

Puna caparaṁ, bhikkhave, hoti so samayo yaṁ bhayaṁ hoti aṭavisaṅkopo, cakkasamāruḷhā jānapadā pariyāyanti.

31-1

巴利原文

Bhaye kho pana, bhikkhave, sati aṭavisaṅkope cakkasamāruḷhesu jānapadesu pariyāyantesu hoti so samayo yaṁ kadāci karahaci mātāpi puttaṁ paṭilabhati, puttopi mātaraṁ paṭilabhati.

32-1

巴利原文

Idaṁ, bhikkhave, tatiyaṁ samātāputtikaṁyeva bhayaṁ amātāputtikaṁ bhayanti assutavā puthujjano bhāsati.

33-1

巴利原文

Imāni kho, bhikkhave, tīṇi samātāputtikāniyeva bhayāni amātāputtikāni bhayānīti assutavā puthujjano bhāsati.

34-1

巴利原文

Tīṇimāni, bhikkhave, amātāputtikāni bhayāni.

35-1

巴利原文

Katamāni tīṇi?

36-1

巴利原文

Jarābhayaṁ, byādhibhayaṁ, maraṇabhayanti.

37-1

巴利原文

Na, bhikkhave, mātā puttaṁ jīramānaṁ evaṁ labhati:

38-1

巴利原文

‘ahaṁ jīrāmi, mā me putto jīrī’ti;

39-1

巴利原文

putto vā pana mātaraṁ jīramānaṁ na evaṁ labhati:

40-1

巴利原文

‘ahaṁ jīrāmi, mā me mātā jīrī’ti.

41-1

巴利原文

Na, bhikkhave, mātā puttaṁ byādhiyamānaṁ evaṁ labhati:

42-1

巴利原文

‘ahaṁ byādhiyāmi, mā me putto byādhiyī’ti;

43-1

巴利原文

putto vā pana mātaraṁ byādhiyamānaṁ na evaṁ labhati:

44-1

巴利原文

‘ahaṁ byādhiyāmi, mā me mātā byādhiyī’ti.

45-1

巴利原文

Na, bhikkhave, mātā puttaṁ mīyamānaṁ evaṁ labhati:

46-1

巴利原文

‘ahaṁ mīyāmi, mā me putto mīyī’ti;

47-1

巴利原文

putto vā pana mātaraṁ mīyamānaṁ na evaṁ labhati:

48-1

巴利原文

‘ahaṁ mīyāmi, mā me mātā mīyī’ti.

49-1

巴利原文

Imāni kho, bhikkhave, tīṇi amātāputtikāni bhayānīti.

50-1

巴利原文

Atthi, bhikkhave, maggo atthi paṭipadā imesañca tiṇṇaṁ samātāputtikānaṁ bhayānaṁ imesañca tiṇṇaṁ amātāputtikānaṁ bhayānaṁ pahānāya samatikkamāya saṁvattati.

51-1

巴利原文

Katamo ca, bhikkhave, maggo katamā ca paṭipadā imesañca tiṇṇaṁ samātāputtikānaṁ bhayānaṁ imesañca tiṇṇaṁ amātāputtikānaṁ bhayānaṁ pahānāya samatikkamāya saṁvattati?

52-1

巴利原文

Ayameva ariyo aṭṭhaṅgiko maggo, seyyathidaṁ—

53-1

巴利原文

sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.

54-1

巴利原文

Ayaṁ kho, bhikkhave, maggo ayaṁ paṭipadā imesañca tiṇṇaṁ samātāputtikānaṁ bhayānaṁ imesañca tiṇṇaṁ amātāputtikānaṁ bhayānaṁ pahānāya samatikkamāya saṁvattatī”ti.

55-1

巴利原文

Dutiyaṁ.