增支部第1231經（Aṅguttara Nikāya 10.70 / 7. Yamakavagga / Dutiyakathāvatthusutta）

部類增支部

Pali NikāyaAṅguttara Nikāya

總句數36

已譯句數0

1-1

巴利原文

Aṅguttara Nikāya 10.70

2-1

巴利原文

7. Yamakavagga

3-1

巴利原文

Dutiyakathāvatthusutta

4-1

巴利原文

Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

5-1

巴利原文

Tena kho pana samayena sambahulā bhikkhū pacchābhattaṁ piṇḍapātapaṭikkantā upaṭṭhānasālāyaṁ sannisinnā sannipatitā anekavihitaṁ tiracchānakathaṁ anuyuttā viharanti, seyyathidaṁ—

6-1

巴利原文

rājakathaṁ corakathaṁ mahāmattakathaṁ …pe… itibhavābhavakathaṁ iti vāti.

7-1

巴利原文

“Dasayimāni, bhikkhave, pāsaṁsāni ṭhānāni.

8-1

巴利原文

Katamāni dasa?

9-1

巴利原文

Idha, bhikkhave, bhikkhu attanā ca appiccho hoti, appicchakathañca bhikkhūnaṁ kattā hoti.

10-1

巴利原文

‘Appiccho bhikkhu appicchakathañca bhikkhūnaṁ kattā’ti pāsaṁsametaṁ ṭhānaṁ.

11-1

巴利原文

Attanā ca santuṭṭho hoti, santuṭṭhikathañca bhikkhūnaṁ kattā hoti.

12-1

巴利原文

‘Santuṭṭho bhikkhu santuṭṭhikathañca bhikkhūnaṁ kattā’ti pāsaṁsametaṁ ṭhānaṁ.

13-1

巴利原文

Attanā ca pavivitto hoti, pavivekakathañca bhikkhūnaṁ kattā hoti.

14-1

巴利原文

‘Pavivitto bhikkhu pavivekakathañca bhikkhūnaṁ kattā’ti pāsaṁsametaṁ ṭhānaṁ.

15-1

巴利原文

Attanā ca asaṁsaṭṭho hoti, asaṁsaṭṭhakathañca bhikkhūnaṁ kattā hoti.

16-1

巴利原文

‘Asaṁsaṭṭho bhikkhu asaṁsaṭṭhakathañca bhikkhūnaṁ kattā’ti pāsaṁsametaṁ ṭhānaṁ.

17-1

巴利原文

Attanā ca āraddhavīriyo hoti, vīriyārambhakathañca bhikkhūnaṁ kattā hoti.

18-1

巴利原文

‘Āraddhavīriyo bhikkhu vīriyārambhakathañca bhikkhūnaṁ kattā’ti pāsaṁsametaṁ ṭhānaṁ.

19-1

巴利原文

Attanā ca sīlasampanno hoti, sīlasampadākathañca bhikkhūnaṁ kattā hoti.

20-1

巴利原文

‘Sīlasampanno bhikkhu sīlasampadākathañca bhikkhūnaṁ kattā’ti pāsaṁsametaṁ ṭhānaṁ.

21-1

巴利原文

Attanā ca samādhisampanno hoti, samādhisampadākathañca bhikkhūnaṁ kattā hoti.

22-1

巴利原文

‘Samādhisampanno bhikkhu samādhisampadākathañca bhikkhūnaṁ kattā’ti pāsaṁsametaṁ ṭhānaṁ.

23-1

巴利原文

Attanā ca paññāsampanno hoti, paññāsampadākathañca bhikkhūnaṁ kattā hoti.

24-1

巴利原文

‘Paññāsampanno bhikkhu paññāsampadākathañca bhikkhūnaṁ kattā’ti pāsaṁsametaṁ ṭhānaṁ.

25-1

巴利原文

Attanā ca vimuttisampanno hoti, vimuttisampadākathañca bhikkhūnaṁ kattā hoti.

26-1

巴利原文

‘Vimuttisampanno bhikkhu vimuttisampadākathañca bhikkhūnaṁ kattā’ti pāsaṁsametaṁ ṭhānaṁ.

27-1

巴利原文

Attanā ca vimuttiñāṇadassanasampanno hoti, vimuttiñāṇadassanasampadākathañca bhikkhūnaṁ kattā hoti.

28-1

巴利原文

‘Vimuttiñāṇadassanasampanno bhikkhu vimuttiñāṇadassanasampadākathañca bhikkhūnaṁ kattā’ti pāsaṁsametaṁ ṭhānaṁ.

29-1

巴利原文

Imāni kho, bhikkhave, dasa pāsaṁsāni ṭhānānī”ti.

30-1

巴利原文

Dasamaṁ.

31-1

巴利原文

Yamakavaggo dutiyo.

32-1

巴利原文

Tassuddānaṁ

33-1

巴利原文

Avijjā taṇhā niṭṭhā ca,

34-1

巴利原文

avecca dve sukhāni ca;

35-1

巴利原文

Naḷakapāne dve vuttā,

36-1

巴利原文

kathāvatthūpare duveti.