增支部第129經（Aṅguttara Nikāya 3.79 / 8. Ānandavagga / Gandhajātasutta）

部類增支部

Pali NikāyaAṅguttara Nikāya

總句數28

已譯句數0

1-1

巴利原文

Aṅguttara Nikāya 3.79

2-1

巴利原文

8. Ānandavagga

3-1

巴利原文

Gandhajātasutta

4-1

巴利原文

Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:

5-1

巴利原文

“Tīṇimāni, bhante, gandhajātāni, yesaṁ anuvātaṁyeva gandho gacchati, no paṭivātaṁ.

6-1

巴利原文

Katamāni tīṇi?

7-1

巴利原文

Mūlagandho, sāragandho, pupphagandho—

8-1

巴利原文

imāni kho, bhante, tīṇi gandhajātāni, yesaṁ anuvātaṁyeva gandho gacchati, no paṭivātaṁ.

9-1

巴利原文

Atthi nu kho, bhante, kiñci gandhajātaṁ yassa anuvātampi gandho gacchati, paṭivātampi gandho gacchati, anuvātapaṭivātampi gandho gacchatī”ti?

10-1

巴利原文

“Atthānanda, kiñci gandhajātaṁ yassa anuvātampi gandho gacchati, paṭivātampi gandho gacchati, anuvātapaṭivātampi gandho gacchatī”ti.

11-1

巴利原文

“Katamañca pana, bhante, gandhajātaṁ yassa anuvātampi gandho gacchati, paṭivātampi gandho gacchati, anuvātapaṭivātampi gandho gacchatī”ti?

12-1

巴利原文

“Idhānanda, yasmiṁ gāme vā nigame vā itthī vā puriso vā buddhaṁ saraṇaṁ gato hoti, dhammaṁ saraṇaṁ gato hoti, saṅghaṁ saraṇaṁ gato hoti,

13-1

巴利原文

pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti, sīlavā hoti kalyāṇadhammo,

14-1

巴利原文

vigatamalamaccherena cetasā agāraṁ ajjhāvasati muttacāgo payatapāṇi vossaggarato yācayogo dānasaṁvibhāgarato.

15-1

巴利原文

Tassa disāsu samaṇabrāhmaṇā vaṇṇaṁ bhāsanti:

16-1

巴利原文

‘amukasmiṁ nāma gāme vā nigame vā itthī vā puriso vā buddhaṁ saraṇaṁ gato hoti, dhammaṁ saraṇaṁ gato hoti, saṅghaṁ saraṇaṁ gato hoti,

17-1

巴利原文

18-1

巴利原文

vigatamalamaccherena cetasā agāraṁ ajjhāvasati muttacāgo payatapāṇi vossaggarato yācayogo dānasaṁvibhāgarato’ti.

19-1

巴利原文

Devatāpissa vaṇṇaṁ bhāsanti:

20-1

巴利原文

‘amukasmiṁ nāma gāme vā nigame vā itthī vā puriso vā buddhaṁ saraṇaṁ gato hoti, dhammaṁ saraṇaṁ gato hoti, saṅghaṁ saraṇaṁ gato hoti,

21-1

巴利原文

pāṇātipātā paṭivirato hoti …pe… surāmerayamajjapamādaṭṭhānā paṭivirato hoti, sīlavā hoti kalyāṇadhammo,

22-1

巴利原文

vigatamalamaccherena cetasā agāraṁ ajjhāvasati muttacāgo payatapāṇi vossaggarato yācayogo dānasaṁvibhāgarato’ti.

23-1

巴利原文

Idaṁ kho taṁ, ānanda, gandhajātaṁ yassa anuvātampi gandho gacchati, paṭivātampi gandho gacchati, anuvātapaṭivātampi gandho gacchatīti.

24-1

巴利原文

Na pupphagandho paṭivātameti,

25-1

巴利原文

Na candanaṁ tagaramallikā vā;

26-1

巴利原文

Satañca gandho paṭivātameti,

27-1

巴利原文

Sabbā disā sappuriso pavāyatī”ti.

28-1

巴利原文

Navamaṁ.