增支部第148經（Aṅguttara Nikāya 3.98 / 10. Loṇakapallavagga / Tatiyaājānīyasutta）

部類增支部

Pali NikāyaAṅguttara Nikāya

總句數21

已譯句數0

1-1

巴利原文

Aṅguttara Nikāya 3.98

2-1

巴利原文

10. Loṇakapallavagga

3-1

巴利原文

Tatiyaājānīyasutta

4-1

巴利原文

“Tīhi, bhikkhave, aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhayaṁ gacchati.

5-1

巴利原文

Katamehi tīhi?

6-1

巴利原文

Idha, bhikkhave, rañño bhadro assājānīyo vaṇṇasampanno ca hoti balasampanno ca javasampanno ca.

7-1

巴利原文

Imehi kho, bhikkhave, tīhi aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhyaṁ gacchati.

8-1

巴利原文

Evamevaṁ kho, bhikkhave, tīhi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṁ puññakkhettaṁ lokassa.

9-1

巴利原文

Katamehi tīhi?

10-1

巴利原文

Idha, bhikkhave, bhikkhu vaṇṇasampanno ca hoti balasampanno ca javasampanno ca.

11-1

巴利原文

Kathañca, bhikkhave, bhikkhu vaṇṇasampanno hoti?

12-1

巴利原文

Idha, bhikkhave, bhikkhu sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu.

13-1

巴利原文

Evaṁ kho, bhikkhave, bhikkhu vaṇṇasampanno hoti.

14-1

巴利原文

Kathañca, bhikkhave, bhikkhu balasampanno hoti?

15-1

巴利原文

Idha, bhikkhave, bhikkhu āraddhavīriyo viharati akusalānaṁ dhammānaṁ pahānāya kusalānaṁ dhammānaṁ upasampadāya thāmavā daḷhaparakkamo anikkhittadhuro kusalesu dhammesu.

16-1

巴利原文

Evaṁ kho, bhikkhave, bhikkhu balasampanno hoti.

17-1

巴利原文

Kathañca, bhikkhave, bhikkhu javasampanno hoti?

18-1

巴利原文

Idha, bhikkhave, bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.

19-1

巴利原文

Evaṁ kho, bhikkhave, bhikkhu javasampanno hoti.

20-1

巴利原文

Imehi kho, bhikkhave, tīhi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassā”ti.

21-1

巴利原文

Sattamaṁ.