增支部第368經（Aṅguttara Nikāya 4.160 / 16. Indriyavagga / Sugatavinayasutta）

部類增支部

Pali NikāyaAṅguttara Nikāya

總句數48

已譯句數0

1-1

巴利原文

Aṅguttara Nikāya 4.160

2-1

巴利原文

16. Indriyavagga

3-1

巴利原文

Sugatavinayasutta

4-1

巴利原文

“Sugato vā, bhikkhave, loke tiṭṭhamāno sugatavinayo vā tadassa bahujanahitāya bahujanasukhāya lokānukampāya atthāya hitāya sukhāya devamanussānaṁ.

5-1

巴利原文

Katamo ca, bhikkhave, sugato?

6-1

巴利原文

Idha, bhikkhave, tathāgato loke uppajjati arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā.

7-1

巴利原文

Ayaṁ, bhikkhave, sugato.

8-1

巴利原文

Katamo ca, bhikkhave, sugatavinayo?

9-1

巴利原文

So dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.

10-1

巴利原文

Ayaṁ, bhikkhave, sugatavinayo.

11-1

巴利原文

Evaṁ sugato vā, bhikkhave, loke tiṭṭhamāno sugatavinayo vā tadassa bahujanahitāya bahujanasukhāya lokānukampāya atthāya hitāya sukhāya devamanussānanti.

12-1

巴利原文

Cattārome, bhikkhave, dhammā saddhammassa sammosāya antaradhānāya saṁvattanti.

13-1

巴利原文

Katame cattāro?

14-1

巴利原文

Idha, bhikkhave, bhikkhū duggahitaṁ suttantaṁ pariyāpuṇanti dunnikkhittehi padabyañjanehi.

15-1

巴利原文

Dunnikkhittassa, bhikkhave, padabyañjanassa atthopi dunnayo hoti.

16-1

巴利原文

Ayaṁ, bhikkhave, paṭhamo dhammo saddhammassa sammosāya antaradhānāya saṁvattati.

17-1

巴利原文

Puna caparaṁ, bhikkhave, bhikkhū dubbacā honti dovacassakaraṇehi dhammehi samannāgatā akkhamā appadakkhiṇaggāhino anusāsaniṁ.

18-1

巴利原文

Ayaṁ, bhikkhave, dutiyo dhammo saddhammassa sammosāya antaradhānāya saṁvattati.

19-1

巴利原文

Puna caparaṁ, bhikkhave, ye te bhikkhū bahussutā āgatāgamā dhammadharā vinayadharā mātikādharā, te na sakkaccaṁ suttantaṁ paraṁ vācenti.

20-1

巴利原文

Tesaṁ accayena chinnamūlako suttanto hoti appaṭisaraṇo.

21-1

巴利原文

Ayaṁ, bhikkhave, tatiyo dhammo saddhammassa sammosāya antaradhānāya saṁvattati.

22-1

巴利原文

Puna caparaṁ, bhikkhave, therā bhikkhū bāhulikā honti sāthalikā, okkamane pubbaṅgamā, paviveke nikkhittadhurā, na vīriyaṁ ārabhanti appattassa pattiyā anadhigatassa adhigamāya asacchikatassa sacchikiriyāya.

23-1

巴利原文

Tesaṁ pacchimā janatā diṭṭhānugatiṁ āpajjati.

24-1

巴利原文

Sāpi hoti bāhulikā sāthalikā, okkamane pubbaṅgamā, paviveke nikkhittadhurā, na vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.

25-1

巴利原文

Ayaṁ, bhikkhave, catuttho dhammo saddhammassa sammosāya antaradhānāya saṁvattati.

26-1

巴利原文

Ime kho, bhikkhave, cattāro dhammā saddhammassa sammosāya antaradhānāya saṁvattantīti.

27-1

巴利原文

Cattārome, bhikkhave, dhammā saddhammassa ṭhitiyā asammosāya anantaradhānāya saṁvattanti.

28-1

巴利原文

Katame cattāro?

29-1

巴利原文

Idha, bhikkhave, bhikkhū suggahitaṁ suttantaṁ pariyāpuṇanti sunikkhittehi padabyañjanehi.

30-1

巴利原文

Sunikkhittassa, bhikkhave, padabyañjanassa atthopi sunayo hoti.

31-1

巴利原文

Ayaṁ, bhikkhave, paṭhamo dhammo saddhammassa ṭhitiyā asammosāya anantaradhānāya saṁvattati.

32-1

巴利原文

Puna caparaṁ, bhikkhave, bhikkhū suvacā honti sovacassakaraṇehi dhammehi samannāgatā khamā padakkhiṇaggāhino anusāsaniṁ.

33-1

巴利原文

Ayaṁ, bhikkhave, dutiyo dhammo saddhammassa ṭhitiyā asammosāya anantaradhānāya saṁvattati.

34-1

巴利原文

Puna caparaṁ, bhikkhave, ye te bhikkhū bahussutā āgatāgamā dhammadharā vinayadharā mātikādharā, te sakkaccaṁ suttantaṁ paraṁ vācenti.

35-1

巴利原文

Tesaṁ accayena nacchinnamūlako suttanto hoti sappaṭisaraṇo.

36-1

巴利原文

Ayaṁ, bhikkhave, tatiyo dhammo saddhammassa ṭhitiyā asammosāya anantaradhānāya saṁvattati.

37-1

巴利原文

Puna caparaṁ, bhikkhave, therā bhikkhū na bāhulikā honti na sāthalikā, okkamane nikkhittadhurā, paviveke pubbaṅgamā, vīriyaṁ ārabhanti appattassa pattiyā anadhigatassa adhigamāya asacchikatassa sacchikiriyāya.

38-1

巴利原文

Tesaṁ pacchimā janatā diṭṭhānugatiṁ āpajjati.

39-1

巴利原文

Sāpi hoti na bāhulikā na sāthalikā, okkamane nikkhittadhurā, paviveke pubbaṅgamā, vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.

40-1

巴利原文

Ayaṁ, bhikkhave, catuttho dhammo saddhammassa ṭhitiyā asammosāya anantaradhānāya saṁvattati.

41-1

巴利原文

Ime kho, bhikkhave, cattāro dhammā saddhammassa ṭhitiyā asammosāya anantaradhānāya saṁvattantī”ti.

42-1

巴利原文

Dasamaṁ.

43-1

巴利原文

Indriyavaggo paṭhamo.

44-1

巴利原文

Tassuddānaṁ

45-1

巴利原文

Indriyāni saddhā paññā,

46-1

巴利原文

sati saṅkhānapañcamaṁ;

47-1

巴利原文

Kappo rogo parihāni,

48-1

巴利原文

bhikkhunī sugatena cāti.