增支部第500經（Aṅguttara Nikāya 5.14 / 2. Balavagga / Vitthatasutta）

部類增支部

Pali NikāyaAṅguttara Nikāya

總句數27

已譯句數0

1-1

巴利原文

Aṅguttara Nikāya 5.14

2-1

巴利原文

2. Balavagga

3-1

巴利原文

Vitthatasutta

4-1

巴利原文

“Pañcimāni, bhikkhave, balāni.

5-1

巴利原文

Katamāni pañca?

6-1

巴利原文

Saddhābalaṁ, vīriyabalaṁ, satibalaṁ, samādhibalaṁ, paññābalaṁ.

7-1

巴利原文

Katamañca, bhikkhave, saddhābalaṁ?

8-1

巴利原文

Idha, bhikkhave, ariyasāvako saddho hoti, saddahati tathāgatassa bodhiṁ:

9-1

巴利原文

‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.

10-1

巴利原文

Idaṁ vuccati, bhikkhave, saddhābalaṁ.

11-1

巴利原文

Katamañca, bhikkhave, vīriyabalaṁ?

12-1

巴利原文

Idha, bhikkhave, ariyasāvako āraddhavīriyo viharati akusalānaṁ dhammānaṁ pahānāya, kusalānaṁ dhammānaṁ upasampadāya thāmavā daḷhaparakkamo anikkhittadhuro kusalesu dhammesu.

13-1

巴利原文

Idaṁ vuccati, bhikkhave, vīriyabalaṁ.

14-1

巴利原文

Katamañca, bhikkhave, satibalaṁ?

15-1

巴利原文

Idha, bhikkhave, ariyasāvako satimā hoti paramena satinepakkena samannāgato, cirakatampi cirabhāsitampi saritā anussaritā.

16-1

巴利原文

Idaṁ vuccati, bhikkhave, satibalaṁ.

17-1

巴利原文

Katamañca, bhikkhave, samādhibalaṁ?

18-1

巴利原文

Idha, bhikkhave, ariyasāvako vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati;

19-1

巴利原文

vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati;

20-1

巴利原文

pītiyā ca virāgā upekkhako ca viharati sato ca sampajāno sukhañca kāyena paṭisaṁvedeti yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharati;

21-1

巴利原文

sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.

22-1

巴利原文

Idaṁ vuccati, bhikkhave, samādhibalaṁ.

23-1

巴利原文

Katamañca, bhikkhave, paññābalaṁ?

24-1

巴利原文

Idha, bhikkhave, ariyasāvako paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.

25-1

巴利原文

Idaṁ vuccati, bhikkhave, paññābalaṁ.

26-1

巴利原文

Imāni kho, bhikkhave, pañca balānī”ti.

27-1

巴利原文

Catutthaṁ.