增支部第559經（Aṅguttara Nikāya 5.73 / 8. Yodhājīvavagga / Paṭhamadhammavihārīsutta）

部類增支部

Pali NikāyaAṅguttara Nikāya

總句數27

已譯句數0

1-1

巴利原文

Aṅguttara Nikāya 5.73

2-1

巴利原文

8. Yodhājīvavagga

3-1

巴利原文

Paṭhamadhammavihārīsutta

4-1

巴利原文

Atha kho aññataro bhikkhu yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho so bhikkhu bhagavantaṁ etadavoca:

5-1

巴利原文

“‘dhammavihārī, dhammavihārī’ti, bhante, vuccati.

6-1

巴利原文

Kittāvatā nu kho, bhante, bhikkhu dhammavihārī hotī”ti?

7-1

巴利原文

“Idha, bhikkhu, bhikkhu dhammaṁ pariyāpuṇāti—

8-1

巴利原文

suttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.

9-1

巴利原文

So tāya dhammapariyattiyā divasaṁ atināmeti, riñcati paṭisallānaṁ, nānuyuñjati ajjhattaṁ cetosamathaṁ.

10-1

巴利原文

Ayaṁ vuccati, bhikkhu: ‘bhikkhu pariyattibahulo, no dhammavihārī’.

11-1

巴利原文

Puna caparaṁ, bhikkhu, bhikkhu yathāsutaṁ yathāpariyattaṁ dhammaṁ vitthārena paresaṁ deseti.

12-1

巴利原文

So tāya dhammapaññattiyā divasaṁ atināmeti, riñcati paṭisallānaṁ, nānuyuñjati ajjhattaṁ cetosamathaṁ.

13-1

巴利原文

Ayaṁ vuccati, bhikkhu: ‘bhikkhu paññattibahulo, no dhammavihārī’.

14-1

巴利原文

Puna caparaṁ, bhikkhu, bhikkhu yathāsutaṁ yathāpariyattaṁ dhammaṁ vitthārena sajjhāyaṁ karoti.

15-1

巴利原文

So tena sajjhāyena divasaṁ atināmeti, riñcati paṭisallānaṁ, nānuyuñjati ajjhattaṁ cetosamathaṁ.

16-1

巴利原文

Ayaṁ vuccati, bhikkhu: ‘bhikkhu sajjhāyabahulo, no dhammavihārī’.

17-1

巴利原文

Puna caparaṁ, bhikkhu, bhikkhu yathāsutaṁ yathāpariyattaṁ dhammaṁ cetasā anuvitakketi anuvicāreti manasānupekkhati.

18-1

巴利原文

So tehi dhammavitakkehi divasaṁ atināmeti, riñcati paṭisallānaṁ, nānuyuñjati ajjhattaṁ cetosamathaṁ.

19-1

巴利原文

Ayaṁ vuccati, bhikkhu: ‘bhikkhu vitakkabahulo, no dhammavihārī’.

20-1

巴利原文

Idha, bhikkhu, bhikkhu dhammaṁ pariyāpuṇāti—

21-1

巴利原文

suttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.

22-1

巴利原文

So tāya dhammapariyattiyā na divasaṁ atināmeti, nāpi riñcati paṭisallānaṁ, anuyuñjati ajjhattaṁ cetosamathaṁ.

23-1

巴利原文

Evaṁ kho, bhikkhu, bhikkhu dhammavihārī hoti.

24-1

巴利原文

Iti kho, bhikkhu, desito mayā pariyattibahulo, desito paññattibahulo, desito sajjhāyabahulo, desito vitakkabahulo, desito dhammavihārī.

25-1

巴利原文

Yaṁ kho, bhikkhu, satthārā karaṇīyaṁ sāvakānaṁ hitesinā anukampakena anukampaṁ upādāya, kataṁ vo taṁ mayā.

26-1

巴利原文

Etāni, bhikkhu, rukkhamūlāni, etāni suññāgārāni. Jhāyatha, bhikkhu, mā pamādattha, mā pacchā vippaṭisārino ahuvattha. Ayaṁ vo amhākaṁ anusāsanī”ti.

27-1

巴利原文

Tatiyaṁ.