增支部第564經（Aṅguttara Nikāya 5.78 / 8. Yodhājīvavagga / Dutiyaanāgatabhayasutta）

部類增支部

Pali NikāyaAṅguttara Nikāya

總句數46

已譯句數0

1-1

巴利原文

Aṅguttara Nikāya 5.78

2-1

巴利原文

8. Yodhājīvavagga

3-1

巴利原文

Dutiyaanāgatabhayasutta

4-1

巴利原文

“Pañcimāni, bhikkhave, anāgatabhayāni sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāya.

5-1

巴利原文

Katamāni pañca?

6-1

巴利原文

Idha, bhikkhave, bhikkhu iti paṭisañcikkhati:

7-1

巴利原文

‘ahaṁ kho etarahi daharo yuvā susukāḷakeso bhadrena yobbanena samannāgato paṭhamena vayasā.

8-1

巴利原文

Hoti kho pana so samayo yaṁ imaṁ kāyaṁ jarā phusati.

9-1

巴利原文

Jiṇṇena kho pana jarāya abhibhūtena na sukaraṁ buddhānaṁ sāsanaṁ manasi kātuṁ, na sukarāni araññavanapatthāni pantāni senāsanāni paṭisevituṁ.

10-1

巴利原文

Purā maṁ so dhammo āgacchati aniṭṭho akanto amanāpo;

11-1

巴利原文

handāhaṁ paṭikacceva vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṁ dhammena samannāgato jiṇṇakopi phāsuṁ viharissāmī’ti.

12-1

巴利原文

Idaṁ, bhikkhave, paṭhamaṁ anāgatabhayaṁ sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāya.

13-1

巴利原文

Puna caparaṁ, bhikkhave, bhikkhu iti paṭisañcikkhati:

14-1

巴利原文

‘ahaṁ kho etarahi appābādho appātaṅko samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya.

15-1

巴利原文

Hoti kho pana so samayo yaṁ imaṁ kāyaṁ byādhi phusati.

16-1

巴利原文

Byādhitena kho pana byādhinā abhibhūtena na sukaraṁ buddhānaṁ sāsanaṁ manasi kātuṁ, na sukarāni araññavanapatthāni pantāni senāsanāni paṭisevituṁ.

17-1

巴利原文

Purā maṁ so dhammo āgacchati aniṭṭho akanto amanāpo;

18-1

巴利原文

handāhaṁ paṭikacceva vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṁ dhammena samannāgato byādhitopi phāsuṁ viharissāmī’ti.

19-1

巴利原文

Idaṁ, bhikkhave, dutiyaṁ anāgatabhayaṁ sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāya.

20-1

巴利原文

Puna caparaṁ, bhikkhave, bhikkhu iti paṭisañcikkhati:

21-1

巴利原文

‘etarahi kho subhikkhaṁ susassaṁ sulabhapiṇḍaṁ, sukaraṁ uñchena paggahena yāpetuṁ.

22-1

巴利原文

Hoti kho pana so samayo yaṁ dubbhikkhaṁ hoti dussassaṁ dullabhapiṇḍaṁ, na sukaraṁ uñchena paggahena yāpetuṁ.

23-1

巴利原文

Dubbhikkhe kho pana manussā yena subhikkhaṁ tena saṅkamanti.

24-1

巴利原文

Tattha saṅgaṇikavihāro hoti ākiṇṇavihāro.

25-1

巴利原文

Saṅgaṇikavihāre kho pana sati ākiṇṇavihāre na sukaraṁ buddhānaṁ sāsanaṁ manasi kātuṁ, na sukarāni araññavanapatthāni pantāni senāsanāni paṭisevituṁ.

26-1

巴利原文

Purā maṁ so dhammo āgacchati aniṭṭho akanto amanāpo;

27-1

巴利原文

handāhaṁ paṭikacceva vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṁ dhammena samannāgato dubbhikkhepi phāsu viharissāmī’ti.

28-1

巴利原文

Idaṁ, bhikkhave, tatiyaṁ anāgatabhayaṁ sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāya.

29-1

巴利原文

Puna caparaṁ, bhikkhave, bhikkhu iti paṭisañcikkhati:

30-1

巴利原文

‘etarahi kho manussā samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharanti.

31-1

巴利原文

Hoti kho pana so samayo yaṁ bhayaṁ hoti aṭavisaṅkopo, cakkasamārūḷhā jānapadā pariyāyanti.

32-1

巴利原文

Bhaye kho pana sati manussā yena khemaṁ tena saṅkamanti.

33-1

巴利原文

Tattha saṅgaṇikavihāro hoti ākiṇṇavihāro.

34-1

巴利原文

Saṅgaṇikavihāre kho pana sati ākiṇṇavihāre na sukaraṁ buddhānaṁ sāsanaṁ manasi kātuṁ, na sukarāni araññavanapatthāni pantāni senāsanāni paṭisevituṁ.

35-1

巴利原文

Purā maṁ so dhammo āgacchati aniṭṭho akanto amanāpo;

36-1

巴利原文

handāhaṁ paṭikacceva vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṁ dhammena samannāgato bhayepi phāsuṁ viharissāmī’ti.

37-1

巴利原文

Idaṁ, bhikkhave, catutthaṁ anāgatabhayaṁ sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāya.

38-1

巴利原文

Puna caparaṁ, bhikkhave, bhikkhu iti paṭisañcikkhati:

39-1

巴利原文

‘etarahi kho saṅgho samaggo sammodamāno avivadamāno ekuddeso phāsu viharati.

40-1

巴利原文

Hoti kho pana so samayo yaṁ saṅgho bhijjati.

41-1

巴利原文

Saṅghe kho pana bhinne na sukaraṁ buddhānaṁ sāsanaṁ manasi kātuṁ, na sukarāni araññavanapatthāni pantāni senāsanāni paṭisevituṁ.

42-1

巴利原文

Purā maṁ so dhammo āgacchati aniṭṭho akanto amanāpo;

43-1

巴利原文

handāhaṁ paṭikacceva vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṁ dhammena samannāgato bhinnepi saṅghe phāsuṁ viharissāmī’ti.

44-1

巴利原文

Idaṁ, bhikkhave, pañcamaṁ anāgatabhayaṁ sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāya.

45-1

巴利原文

Imāni kho, bhikkhave, pañca anāgatabhayāni sampassamānena alameva bhikkhunā appamattena ātāpinā pahitattena viharituṁ appattassa pattiyā anadhigatassa adhigamāya asacchikatassa sacchikiriyāyā”ti.

46-1

巴利原文

Aṭṭhamaṁ.