增支部第667經（Aṅguttara Nikāya 5.181 / 19. Araññavagga / Āraññikasutta）

部類增支部

Pali NikāyaAṅguttara Nikāya

總句數11

已譯句數0

1-1

巴利原文

Aṅguttara Nikāya 5.181

2-1

巴利原文

19. Araññavagga

3-1

巴利原文

Āraññikasutta

4-1

巴利原文

“Pañcime, bhikkhave, āraññikā.

5-1

巴利原文

Katame pañca?

6-1

巴利原文

Mandattā momūhattā āraññiko hoti, pāpiccho icchāpakato āraññiko hoti, ummādā cittakkhepā āraññiko hoti, vaṇṇitaṁ buddhehi buddhasāvakehīti āraññiko hoti, appicchataṁyeva nissāya santuṭṭhiṁyeva nissāya sallekhaṁyeva nissāya pavivekaṁyeva nissāya idamatthitaṁyeva nissāya āraññiko hoti.

7-1

巴利原文

Ime kho, bhikkhave, pañca āraññikā.

8-1

巴利原文

Imesaṁ kho, bhikkhave, pañcannaṁ āraññikānaṁ yvāyaṁ āraññiko appicchataṁyeva nissāya santuṭṭhiṁyeva nissāya sallekhaṁyeva nissāya pavivekaṁyeva nissāya idamatthitaṁyeva nissāya āraññiko hoti, ayaṁ imesaṁ pañcannaṁ āraññikānaṁ aggo ca seṭṭho ca mokkho ca uttamo ca pavaro ca.

9-1

巴利原文

Seyyathāpi, bhikkhave, gavā khīraṁ, khīramhā dadhi, dadhimhā navanītaṁ, navanītamhā sappi, sappimhā sappimaṇḍo, sappimaṇḍo tattha aggamakkhāyati;

10-1

巴利原文

evamevaṁ kho, bhikkhave, imesaṁ pañcannaṁ āraññikānaṁ yvāyaṁ āraññiko appicchataṁyeva nissāya santuṭṭhiṁyeva nissāya sallekhaṁyeva nissāya pavivekaṁyeva nissāya idamatthitaṁyeva nissāya āraññiko hoti, ayaṁ imesaṁ pañcannaṁ āraññikānaṁ aggo ca seṭṭho ca mokkho ca uttamo ca pavaro cā”ti.

11-1

巴利原文

Paṭhamaṁ.