增支部第699經（Aṅguttara Nikāya 5.213 / 22. Akkosakavagga / Sīlasutta）

部類增支部

Pali NikāyaAṅguttara Nikāya

總句數30

已譯句數0

1-1

巴利原文

Aṅguttara Nikāya 5.213

2-1

巴利原文

22. Akkosakavagga

3-1

巴利原文

Sīlasutta

4-1

巴利原文

“Pañcime, bhikkhave, ādīnavā dussīlassa sīlavipattiyā.

5-1

巴利原文

Katame pañca?

6-1

巴利原文

Idha, bhikkhave, dussīlo sīlavipanno pamādādhikaraṇaṁ mahatiṁ bhogajāniṁ nigacchati.

7-1

巴利原文

Ayaṁ, bhikkhave, paṭhamo ādīnavo dussīlassa sīlavipattiyā.

8-1

巴利原文

Puna caparaṁ, bhikkhave, dussīlassa sīlavipannassa pāpako kittisaddo abbhuggacchati.

9-1

巴利原文

Ayaṁ, bhikkhave, dutiyo ādīnavo dussīlassa sīlavipattiyā.

10-1

巴利原文

Puna caparaṁ, bhikkhave, dussīlo sīlavipanno yaññadeva parisaṁ upasaṅkamati—yadi khattiyaparisaṁ, yadi brāhmaṇaparisaṁ, yadi gahapatiparisaṁ, yadi samaṇaparisaṁ—avisārado upasaṅkamati maṅkubhūto.

11-1

巴利原文

Ayaṁ, bhikkhave, tatiyo ādīnavo dussīlassa sīlavipattiyā.

12-1

巴利原文

Puna caparaṁ, bhikkhave, dussīlo sīlavipanno sammūḷho kālaṁ karoti.

13-1

巴利原文

Ayaṁ, bhikkhave, catuttho ādīnavo dussīlassa sīlavipattiyā.

14-1

巴利原文

Puna caparaṁ, bhikkhave, dussīlo sīlavipanno kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.

15-1

巴利原文

Ayaṁ, bhikkhave, pañcamo ādīnavo dussīlassa sīlavipattiyā.

16-1

巴利原文

Ime kho, bhikkhave, pañca ādīnavā dussīlassa sīlavipattiyā.

17-1

巴利原文

Pañcime, bhikkhave, ānisaṁsā sīlavato sīlasampadāya.

18-1

巴利原文

Katame pañca?

19-1

巴利原文

Idha, bhikkhave, sīlavā sīlasampanno appamādādhikaraṇaṁ mahantaṁ bhogakkhandhaṁ adhigacchati.

20-1

巴利原文

Ayaṁ, bhikkhave, paṭhamo ānisaṁso sīlavato sīlasampadāya.

21-1

巴利原文

Puna caparaṁ, bhikkhave, sīlavato sīlasampannassa kalyāṇo kittisaddo abbhuggacchati.

22-1

巴利原文

Ayaṁ, bhikkhave, dutiyo ānisaṁso sīlavato sīlasampadāya.

23-1

巴利原文

Puna caparaṁ, bhikkhave, sīlavā sīlasampanno yaññadeva parisaṁ upasaṅkamati—yadi khattiyaparisaṁ, yadi brāhmaṇaparisaṁ, yadi gahapatiparisaṁ, yadi samaṇaparisaṁ—visārado upasaṅkamati amaṅkubhūto.

24-1

巴利原文

Ayaṁ bhikkhave, tatiyo ānisaṁso sīlavato sīlasampadāya.

25-1

巴利原文

Puna caparaṁ, bhikkhave, sīlavā sīlasampanno asammūḷho kālaṁ karoti.

26-1

巴利原文

Ayaṁ, bhikkhave, catuttho ānisaṁso sīlavato sīlasampadāya.

27-1

巴利原文

Puna caparaṁ, bhikkhave, sīlavā sīlasampanno kāyassa bhedā paraṁ maraṇā sugatiṁ saggaṁ lokaṁ upapajjati.

28-1

巴利原文

Ayaṁ, bhikkhave, pañcamo ānisaṁso sīlavato sīlasampadāya.

29-1

巴利原文

Ime kho, bhikkhave, pañca ānisaṁsā sīlavato sīlasampadāyā”ti.

30-1

巴利原文

Tatiyaṁ.