巴利大藏經《增支部第801經（Aṅguttara Nikāya 6.44 / 5. Dhammikavagga / Migasālāsutta）》

1-1

巴利原文

Aṅguttara Nikāya 6.44

2-1

巴利原文

5. Dhammikavagga

3-1

巴利原文

Migasālāsutta

4-1

巴利原文

Atha kho āyasmā ānando pubbaṇhasamayaṁ nivāsetvā pattacīvaramādāya yena migasālāya upāsikāya nivesanaṁ tenupasaṅkami; upasaṅkamitvā paññatte āsane nisīdi.

5-1

巴利原文

Atha kho migasālā upāsikā yenāyasmā ānando tenupasaṅkami; upasaṅkamitvā āyasmantaṁ ānandaṁ abhivādetvā ekamantaṁ nisīdi. Ekamantaṁ nisinnā kho migasālā upāsikā āyasmantaṁ ānandaṁ etadavoca:

6-1

巴利原文

“Kathaṁ kathaṁ nāmāyaṁ, bhante ānanda, bhagavatā dhammo desito aññeyyo, yatra hi nāma brahmacārī ca abrahmacārī ca ubho samasamagatikā bhavissanti abhisamparāyaṁ?

7-1

巴利原文

Pitā me, bhante, purāṇo brahmacārī ahosi ārācārī virato methunā gāmadhammā.

8-1

巴利原文

So kālaṅkato bhagavatā byākato sakadāgāmī satto tusitaṁ kāyaṁ upapannoti.

9-1

巴利原文

Petteyyopi me, bhante, isidatto abrahmacārī ahosi sadārasantuṭṭho.

10-1

巴利原文

Sopi kālaṅkato bhagavatā byākato sakadāgāmipatto tusitaṁ kāyaṁ upapannoti.

11-1

巴利原文

Kathaṁ kathaṁ nāmāyaṁ, bhante ānanda, bhagavatā dhammo desito aññeyyo, yatra hi nāma brahmacārī ca abrahmacārī ca ubho samasamagatikā bhavissanti abhisamparāyan”ti?

12-1

巴利原文

“Evaṁ kho panetaṁ, bhagini, bhagavatā byākatan”ti.

13-1

巴利原文

Atha kho āyasmā ānando migasālāya upāsikāya nivesane piṇḍapātaṁ gahetvā uṭṭhāyāsanā pakkāmi.

14-1

巴利原文

Atha kho āyasmā ānando pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:

15-1

巴利原文

“Idhāhaṁ, bhante, pubbaṇhasamayaṁ nivāsetvā pattacīvaramādāya yena migasālāya upāsikāya nivesanaṁ tenupasaṅkamiṁ; upasaṅkamitvā paññatte āsane nisīdiṁ.

16-1

巴利原文

Atha kho, bhante, migasālā upāsikā yenāhaṁ tenupasaṅkami; upasaṅkamitvā maṁ abhivādetvā ekamantaṁ nisīdi. Ekamantaṁ nisinnā kho, bhante, migasālā upāsikā maṁ etadavoca:

17-1

巴利原文

‘kathaṁ kathaṁ nāmāyaṁ, bhante ānanda, bhagavatā dhammo desito aññeyyo, yatra hi nāma brahmacārī ca abrahmacārī ca ubho samasamagatikā bhavissanti abhisamparāyaṁ.

18-1

巴利原文

Pitā me, bhante, purāṇo brahmacārī ahosi ārācārī virato methunā gāmadhammā.

19-1

巴利原文

So kālaṅkato bhagavatā byākato sakadāgāmipatto tusitaṁ kāyaṁ upapannoti.

20-1

巴利原文

Petteyyopi me, bhante, isidatto abrahmacārī ahosi sadārasantuṭṭho.

21-1

巴利原文

Sopi kālaṅkato bhagavatā byākato sakadāgāmipatto tusitaṁ kāyaṁ upapannoti.

22-1

巴利原文

Kathaṁ kathaṁ nāmāyaṁ, bhante ānanda, bhagavatā dhammo desito aññeyyo, yatra hi nāma brahmacārī ca abrahmacārī ca ubho samasamagatikā bhavissanti abhisamparāyan’ti?

23-1

巴利原文

Evaṁ vutte, ahaṁ, bhante, migasālaṁ upāsikaṁ etadavocaṁ:

24-1

巴利原文

‘evaṁ kho panetaṁ, bhagini, bhagavatā byākatan’”ti.

25-1

巴利原文

“Kā cānanda, migasālā upāsikā bālā abyattā ammakā ammakapaññā, ke ca purisapuggalaparopariyañāṇe?

26-1

巴利原文

Chayime, ānanda, puggalā santo saṁvijjamānā lokasmiṁ.

27-1

巴利原文

Katame cha?

28-1

巴利原文

Idhānanda, ekacco puggalo sorato hoti sukhasaṁvāso, abhinandanti sabrahmacārī ekattavāsena.

29-1

巴利原文

Tassa savanenapi akataṁ hoti, bāhusaccenapi akataṁ hoti, diṭṭhiyāpi appaṭividdhaṁ hoti, sāmāyikampi vimuttiṁ na labhati.

30-1

巴利原文

So kāyassa bhedā paraṁ maraṇā hānāya pareti no visesāya, hānagāmīyeva hoti no visesagāmī.

31-1

巴利原文

Idha panānanda, ekacco puggalo sorato hoti sukhasaṁvāso, abhinandanti sabrahmacārī ekattavāsena.

32-1

巴利原文

Tassa savanenapi kataṁ hoti, bāhusaccenapi kataṁ hoti, diṭṭhiyāpi paṭividdhaṁ hoti, sāmāyikampi vimuttiṁ labhati.

33-1

巴利原文

So kāyassa bhedā paraṁ maraṇā visesāya pareti no hānāya, visesagāmīyeva hoti no hānagāmī.

34-1

巴利原文

Tatrānanda, pamāṇikā pamiṇanti:

35-1

巴利原文

‘imassapi teva dhammā aparassapi teva dhammā, kasmā tesaṁ eko hīno eko paṇīto’ti.

36-1

巴利原文

Tañhi tesaṁ, ānanda, hoti dīgharattaṁ ahitāya dukkhāya.

37-1

巴利原文

Tatrānanda, yvāyaṁ puggalo sorato hoti sukhasaṁvāso, abhinandanti sabrahmacārī ekattavāsena, tassa savanenapi kataṁ hoti, bāhusaccenapi kataṁ hoti, diṭṭhiyāpi paṭividdhaṁ hoti, sāmāyikampi vimuttiṁ labhati.

38-1

巴利原文

Ayaṁ, ānanda, puggalo amunā purimena puggalena abhikkantataro ca paṇītataro ca.

39-1

巴利原文

Taṁ kissa hetu?

40-1

巴利原文

Imaṁ hānanda, puggalaṁ dhammasoto nibbahati,

41-1

巴利原文

tadantaraṁ ko jāneyya aññatra tathāgatena.

42-1

巴利原文

Tasmātihānanda, mā puggalesu pamāṇikā ahuvattha;

43-1

巴利原文

mā puggalesu pamāṇaṁ gaṇhittha.

44-1

巴利原文

Khaññati hānanda, puggalesu pamāṇaṁ gaṇhanto.

45-1

巴利原文

Ahaṁ vā, ānanda, puggalesu pamāṇaṁ gaṇheyyaṁ, yo vā panassa mādiso.

46-1

巴利原文

Idha panānanda, ekaccassa puggalassa kodhamāno adhigato hoti, samayena samayañcassa lobhadhammā uppajjanti.

47-1

巴利原文

Tassa savanenapi akataṁ hoti, bāhusaccenapi akataṁ hoti, diṭṭhiyāpi appaṭividdhaṁ hoti, sāmāyikampi vimuttiṁ na labhati.

48-1

巴利原文

So kāyassa bhedā paraṁ maraṇā hānāya pareti no visesāya, hānagāmīyeva hoti no visesagāmī.

49-1

巴利原文

Idha panānanda, ekaccassa puggalassa kodhamāno adhigato hoti, samayena samayañcassa lobhadhammā uppajjanti.

50-1

巴利原文

Tassa savanenapi kataṁ hoti …pe…

51-1

巴利原文

no hānagāmī.

52-1

巴利原文

Tatrānanda, pamāṇikā pamiṇanti …pe…

53-1

巴利原文

yo vā panassa mādiso.

54-1

巴利原文

Idha panānanda, ekaccassa puggalassa kodhamāno adhigato hoti, samayena samayañcassa vacīsaṅkhārā uppajjanti.

55-1

巴利原文

Tassa savanenapi akataṁ hoti …pe… sāmāyikampi vimuttiṁ na labhati.

56-1

巴利原文

So kāyassa bhedā paraṁ maraṇā hānāya pareti no visesāya, hānagāmīyeva hoti no visesagāmī.

57-1

巴利原文

Idha panānanda, ekaccassa puggalassa kodhamāno adhigato hoti, samayena samayañcassa vacīsaṅkhārā uppajjanti.

58-1

巴利原文

Tassa savanenapi kataṁ hoti, bāhusaccenapi kataṁ hoti, diṭṭhiyāpi paṭividdhaṁ hoti, sāmāyikampi vimuttiṁ labhati.

59-1

巴利原文

So kāyassa bhedā paraṁ maraṇā visesāya pareti no hānāya, visesagāmīyeva hoti no hānagāmī.

60-1

巴利原文

Tatrānanda, pamāṇikā pamiṇanti:

61-1

巴利原文

‘imassapi teva dhammā, aparassapi teva dhammā. Kasmā tesaṁ eko hīno, eko paṇīto’ti?

62-1

巴利原文

Tañhi tesaṁ, ānanda, hoti dīgharattaṁ ahitāya dukkhāya.

63-1

巴利原文

Tatrānanda, yassa puggalassa kodhamāno adhigato hoti, samayena samayañcassa vacīsaṅkhārā uppajjanti, tassa savanenapi kataṁ hoti, bāhusaccenapi kataṁ hoti, diṭṭhiyāpi paṭividdhaṁ hoti, sāmāyikampi vimuttiṁ labhati.

64-1

巴利原文

Ayaṁ, ānanda, puggalo amunā purimena puggalena abhikkantataro ca paṇītataro ca.

65-1

巴利原文

Taṁ kissa hetu?

66-1

巴利原文

Imaṁ hānanda, puggalaṁ dhammasoto nibbahati.

67-1

巴利原文

Tadantaraṁ ko jāneyya aññatra tathāgatena.

68-1

巴利原文

Tasmātihānanda, mā puggalesu pamāṇikā ahuvattha;

69-1

巴利原文

mā puggalesu pamāṇaṁ gaṇhittha.

70-1

巴利原文

Khaññati hānanda, puggalesu pamāṇaṁ gaṇhanto.

71-1

巴利原文

Ahaṁ vā, ānanda, puggalesu pamāṇaṁ gaṇheyyaṁ, yo vā panassa mādiso.

72-1

巴利原文

Kā cānanda, migasālā upāsikā bālā abyattā ammakā ammakapaññā, ke ca purisapuggalaparopariyañāṇe.

73-1

巴利原文

Ime kho, ānanda, cha puggalā santo saṁvijjamānā lokasmiṁ.

74-1

巴利原文

Yathārūpena, ānanda, sīlena purāṇo samannāgato ahosi, tathārūpena sīlena isidatto samannāgato abhavissa. Nayidha purāṇo isidattassa gatimpi aññassa.

75-1

巴利原文

Yathārūpāya ca, ānanda, paññāya isidatto samannāgato ahosi, tathārūpāya paññāya purāṇo samannāgato abhavissa. Nayidha isidatto purāṇassa gatimpi aññassa.

76-1

巴利原文

Iti kho, ānanda, ime puggalā ubho ekaṅgahīnā”ti.

77-1

巴利原文

Dutiyaṁ.