增支部第813經（Aṅguttara Nikāya 6.56 / 6. Mahāvagga / Phaggunasutta）

部類增支部

Pali NikāyaAṅguttara Nikāya

總句數69

已譯句數0

1-1

巴利原文

Aṅguttara Nikāya 6.56

2-1

巴利原文

6. Mahāvagga

3-1

巴利原文

Phaggunasutta

4-1

巴利原文

Tena kho pana samayena āyasmā phagguno ābādhiko hoti dukkhito bāḷhagilāno.

5-1

巴利原文

Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:

6-1

巴利原文

“āyasmā, bhante, phagguno ābādhiko dukkhito bāḷhagilāno.

7-1

巴利原文

Sādhu, bhante, bhagavā yenāyasmā phagguno tenupasaṅkamatu anukampaṁ upādāyā”ti.

8-1

巴利原文

Adhivāsesi bhagavā tuṇhībhāvena.

9-1

巴利原文

Atha kho bhagavā sāyanhasamayaṁ paṭisallānā vuṭṭhito yenāyasmā phagguno tenupasaṅkami.

10-1

巴利原文

Addasā kho āyasmā phagguno bhagavantaṁ dūratova āgacchantaṁ.

11-1

巴利原文

Disvāna mañcake samadhosi.

12-1

巴利原文

Atha kho bhagavā āyasmantaṁ phaggunaṁ etadavoca:

13-1

巴利原文

“alaṁ, phagguna, mā tvaṁ mañcake samadhosi.

14-1

巴利原文

Santimāni āsanāni parehi paññattāni, tatthāhaṁ nisīdissāmī”ti.

15-1

巴利原文

Nisīdi bhagavā paññatte āsane.

16-1

巴利原文

Nisajja kho bhagavā āyasmantaṁ phaggunaṁ etadavoca:

17-1

巴利原文

“Kacci te, phagguna, khamanīyaṁ kacci yāpanīyaṁ? Kacci te dukkhā vedanā paṭikkamanti, no abhikkamanti; paṭikkamosānaṁ paññāyati, no abhikkamo”ti?

18-1

巴利原文

“Na me, bhante, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo.

19-1

巴利原文

Seyyathāpi, bhante, balavā puriso tiṇhena sikharena muddhani abhimattheyya; evamevaṁ kho me, bhante, adhimattā vātā muddhani ūhananti.

20-1

巴利原文

Na me, bhante, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo.

21-1

巴利原文

Seyyathāpi, bhante, balavā puriso daḷhena varattakkhaṇḍena sīsaveṭhanaṁ dadeyya; evamevaṁ kho me, bhante, adhimattā sīse sīsavedanā.

22-1

巴利原文

Na me, bhante, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo.

23-1

巴利原文

Seyyathāpi, bhante, dakkho goghātako vā goghātakantevāsī vā tiṇhena govikantanena kucchiṁ parikanteyya; evamevaṁ kho me, bhante, adhimattā vātā kucchiṁ parikantanti.

24-1

巴利原文

Na me, bhante, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo.

25-1

巴利原文

Seyyathāpi, bhante, dve balavanto purisā dubbalataraṁ purisaṁ nānābāhāsu gahetvā aṅgārakāsuyā santāpeyyuṁ samparitāpeyyuṁ; evamevaṁ kho me, bhante, adhimatto kāyasmiṁ ḍāho.

26-1

巴利原文

Na me, bhante, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo”ti.

27-1

巴利原文

Atha kho bhagavā āyasmantaṁ phaggunaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.

28-1

巴利原文

Atha kho āyasmā phagguno acirapakkantassa bhagavato kālamakāsi.

29-1

巴利原文

Tamhi cassa samaye maraṇakāle indriyāni vippasīdiṁsu.

30-1

巴利原文

Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:

31-1

巴利原文

“āyasmā, bhante, phagguno acirapakkantassa bhagavato kālamakāsi.

32-1

巴利原文

Tamhi cassa samaye maraṇakāle indriyāni vippasīdiṁsū”ti.

33-1

巴利原文

“Kiṁ hānanda, phaggunassa bhikkhuno indriyāni na vippasīdissanti.

34-1

巴利原文

Phaggunassa, ānanda, bhikkhuno pañcahi orambhāgiyehi saṁyojanehi cittaṁ avimuttaṁ ahosi.

35-1

巴利原文

Tassa taṁ dhammadesanaṁ sutvā pañcahi orambhāgiyehi saṁyojanehi cittaṁ vimuttaṁ.

36-1

巴利原文

Chayime, ānanda, ānisaṁsā kālena dhammassavane kālena atthupaparikkhāya.

37-1

巴利原文

Katame cha?

38-1

巴利原文

Idhānanda, bhikkhuno pañcahi orambhāgiyehi saṁyojanehi cittaṁ avimuttaṁ hoti.

39-1

巴利原文

So tamhi samaye maraṇakāle labhati tathāgataṁ dassanāya.

40-1

巴利原文

Tassa tathāgato dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.

41-1

巴利原文

Tassa taṁ dhammadesanaṁ sutvā pañcahi orambhāgiyehi saṁyojanehi cittaṁ vimuccati.

42-1

巴利原文

Ayaṁ, ānanda, paṭhamo ānisaṁso kālena dhammassavane.

43-1

巴利原文

Puna caparaṁ, ānanda, bhikkhuno pañcahi orambhāgiyehi saṁyojanehi cittaṁ avimuttaṁ hoti.

44-1

巴利原文

So tamhi samaye maraṇakāle na heva kho labhati tathāgataṁ dassanāya, api ca kho tathāgatasāvakaṁ labhati dassanāya.

45-1

巴利原文

Tassa tathāgatasāvako dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.

46-1

巴利原文

Tassa taṁ dhammadesanaṁ sutvā pañcahi orambhāgiyehi saṁyojanehi cittaṁ vimuccati.

47-1

巴利原文

Ayaṁ, ānanda, dutiyo ānisaṁso kālena dhammassavane.

48-1

巴利原文

Puna caparaṁ, ānanda, bhikkhuno pañcahi orambhāgiyehi saṁyojanehi cittaṁ avimuttaṁ hoti.

49-1

巴利原文

So tamhi samaye maraṇakāle na heva kho labhati tathāgataṁ dassanāya, napi tathāgatasāvakaṁ labhati dassanāya;

50-1

巴利原文

api ca kho yathāsutaṁ yathāpariyattaṁ dhammaṁ cetasā anuvitakketi anuvicāreti manasānupekkhati.

51-1

巴利原文

Tassa yathāsutaṁ yathāpariyattaṁ dhammaṁ cetasā anuvitakkayato anuvicārayato manasānupekkhato pañcahi orambhāgiyehi saṁyojanehi cittaṁ vimuccati.

52-1

巴利原文

Ayaṁ, ānanda, tatiyo ānisaṁso kālena atthupaparikkhāya.

53-1

巴利原文

Idhānanda, bhikkhuno pañcahi orambhāgiyehi saṁyojanehi cittaṁ vimuttaṁ hoti, anuttare ca kho upadhisaṅkhaye cittaṁ avimuttaṁ hoti.

54-1

巴利原文

So tamhi samaye maraṇakāle labhati tathāgataṁ dassanāya.

55-1

巴利原文

Tassa tathāgato dhammaṁ deseti ādikalyāṇaṁ majjhekalyāṇaṁ …pe… brahmacariyaṁ pakāseti.

56-1

巴利原文

Tassa taṁ dhammadesanaṁ sutvā anuttare upadhisaṅkhaye cittaṁ vimuccati.

57-1

巴利原文

Ayaṁ, ānanda, catuttho ānisaṁso kālena dhammassavane.

58-1

巴利原文

Puna caparaṁ, ānanda, bhikkhuno pañcahi orambhāgiyehi saṁyojanehi cittaṁ vimuttaṁ hoti, anuttare ca kho upadhisaṅkhaye cittaṁ avimuttaṁ hoti.

59-1

巴利原文

So tamhi samaye maraṇakāle na heva kho labhati tathāgataṁ dassanāya, api ca kho tathāgatasāvakaṁ labhati dassanāya.

60-1

巴利原文

Tassa tathāgatasāvako dhammaṁ deseti ādikalyāṇaṁ …pe… parisuddhaṁ brahmacariyaṁ pakāseti.

61-1

巴利原文

Tassa taṁ dhammadesanaṁ sutvā anuttare upadhisaṅkhaye cittaṁ vimuccati.

62-1

巴利原文

Ayaṁ, ānanda, pañcamo ānisaṁso kālena dhammassavane.

63-1

巴利原文

Puna caparaṁ, ānanda, bhikkhuno pañcahi orambhāgiyehi saṁyojanehi cittaṁ vimuttaṁ hoti, anuttare ca kho upadhisaṅkhaye cittaṁ avimuttaṁ hoti.

64-1

巴利原文

So tamhi samaye maraṇakāle na heva kho labhati tathāgataṁ dassanāya, napi tathāgatasāvakaṁ labhati dassanāya;

65-1

巴利原文

api ca kho yathāsutaṁ yathāpariyattaṁ dhammaṁ cetasā anuvitakketi anuvicāreti manasānupekkhati.

66-1

巴利原文

Tassa yathāsutaṁ yathāpariyattaṁ dhammaṁ cetasā anuvitakkayato anuvicārayato manasānupekkhato anuttare upadhisaṅkhaye cittaṁ vimuccati.

67-1

巴利原文

Ayaṁ, ānanda, chaṭṭho ānisaṁso kālena atthupaparikkhāya.

68-1

巴利原文

Ime kho, ānanda, cha ānisaṁsā kālena dhammassavane kālena atthupaparikkhāyā”ti.

69-1

巴利原文

Dutiyaṁ.