巴利大藏經《小部第1049經（Netti / Paṭiniddesavāra / Vibhaṅga 1 / Desanāhāravibhaṅga）》

1-1

巴利原文

Netti

2-1

巴利原文

Paṭiniddesavāra

3-1

巴利原文

Vibhaṅga 1

4-1

巴利原文

Desanāhāravibhaṅga

5-1

巴利原文

Tattha katamo desanāhāro?

6-1

巴利原文

“Assādādīnavatā”ti gāthā ayaṁ desanāhāro.

7-1

巴利原文

Kiṁ desayati?

8-1

巴利原文

Assādaṁ ādīnavaṁ nissaraṇaṁ phalaṁ upāyaṁ āṇattiṁ.

9-1

巴利原文

“Dhammaṁ vo, bhikkhave, desessāmi ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāsessāmī”ti.

10-1

巴利原文

Tattha katamo assādo?

11-1

巴利原文

“Kāmaṁ kāmayamānassa,

12-1

巴利原文

tassa cetaṁ samijjhati;

13-1

巴利原文

Addhā pītimano hoti,

14-1

巴利原文

laddhā macco yadicchatī”ti.

15-1

巴利原文

Ayaṁ assādo.

16-1

巴利原文

Tattha katamo ādīnavo?

17-1

巴利原文

“Tassa ce kāmayānassa,

18-1

巴利原文

chandajātassa jantuno;

19-1

巴利原文

Te kāmā parihāyanti,

20-1

巴利原文

sallaviddhova ruppatī”ti.

21-1

巴利原文

Ayaṁ ādīnavo.

22-1

巴利原文

Tattha katamaṁ nissaraṇaṁ?

23-1

巴利原文

“Yo kāme parivajjeti,

24-1

巴利原文

sappasseva padā siro;

25-1

巴利原文

Somaṁ visattikaṁ loke,

26-1

巴利原文

sato samativattatī”ti.

27-1

巴利原文

Idaṁ nissaraṇaṁ.

28-1

巴利原文

Tattha katamo assādo?

29-1

巴利原文

“Khettaṁ vatthuṁ hiraññaṁ vā,

30-1

巴利原文

gavāssaṁ dāsaporisaṁ;

31-1

巴利原文

Thiyo bandhū puthū kāme,

32-1

巴利原文

yo naro anugijjhatī”ti.

33-1

巴利原文

Ayaṁ assādo.

34-1

巴利原文

Tattha katamo ādīnavo?

35-1

巴利原文

“Abalā naṁ balīyanti,

36-1

巴利原文

maddantenaṁ parissayā;

37-1

巴利原文

Tato naṁ dukkhamanveti,

38-1

巴利原文

nāvaṁ bhinnamivodakan”ti.

39-1

巴利原文

Ayaṁ ādīnavo.

40-1

巴利原文

Tattha katamaṁ nissaraṇaṁ?

41-1

巴利原文

“Tasmā jantu sadā sato,

42-1

巴利原文

kāmāni parivajjaye;

43-1

巴利原文

Te pahāya tare oghaṁ,

44-1

巴利原文

nāvaṁ sitvāva pāragū”ti.

45-1

巴利原文

Idaṁ nissaraṇaṁ.

46-1

巴利原文

Tattha katamaṁ phalaṁ?

47-1

巴利原文

“Dhammo have rakkhati dhammacāriṁ,

48-1

巴利原文

Chattaṁ mahantaṁ yatha vassakāle;

49-1

巴利原文

Esānisaṁso dhamme suciṇṇe,

50-1

巴利原文

Na duggatiṁ gacchati dhammacārī”ti.

51-1

巴利原文

Idaṁ phalaṁ.

52-1

巴利原文

Tattha katamo upāyo?

53-1

巴利原文

“Sabbe saṅkhārā aniccāti,

54-1

巴利原文

…pe…

55-1

巴利原文

“Sabbe saṅkhārā dukkhāti,

56-1

巴利原文

…pe…

57-1

巴利原文

“Sabbe dhammā anattāti,

58-1

巴利原文

yadā paññāya passati;

59-1

巴利原文

Atha nibbindati dukkhe,

60-1

巴利原文

esa maggo visuddhiyā”ti.

61-1

巴利原文

Ayaṁ upāyo.

62-1

巴利原文

Tattha katamā āṇatti?

63-1

巴利原文

“Cakkhumā visamānīva,

64-1

巴利原文

vijjamāne parakkame;

65-1

巴利原文

Paṇḍito jīvalokasmiṁ,

66-1

巴利原文

pāpāni parivajjaye”ti.

67-1

巴利原文

Ayaṁ āṇatti.

68-1

巴利原文

Tattha katamaṁ phalaṁ?

69-1

巴利原文

“‘Suññato lokaṁ avekkhassu,

70-1

巴利原文

Mogharājā’ti āṇatti;

71-1

巴利原文

‘Sadā sato’ti upāyo,

72-1

巴利原文

‘Attānudiṭṭhiṁ ūhacca;

73-1

巴利原文

Evaṁ maccutaro siyā’”.

74-1

巴利原文

Idaṁ phalaṁ.

75-1

巴利原文

Tattha bhagavā ugghaṭitaññussa puggalassa nissaraṇaṁ desayati, vipañcitaññussa puggalassa ādīnavañca nissaraṇañca desayati, neyyassa puggalassa assādañca ādīnavañca nissaraṇañca desayati.

76-1

巴利原文

Tattha catasso paṭipadā, cattāro puggalā.

77-1

巴利原文

Taṇhācarito mando satindriyena dukkhāya paṭipadāya dandhābhiññāya niyyāti satipaṭṭhānehi nissayehi.

78-1

巴利原文

Taṇhācarito udattho samādhindriyena dukkhāya paṭipadāya khippābhiññāya niyyāti jhānehi nissayehi.

79-1

巴利原文

Diṭṭhicarito mando vīriyindriyena sukhāya paṭipadāya dandhābhiññāya niyyāti sammappadhānehi nissayehi.

80-1

巴利原文

Diṭṭhicarito udatto paññindriyena sukhāya paṭipadāya khippābhiññāya niyyāti saccehi nissayehi.

81-1

巴利原文

Ubho taṇhācaritā samathapubbaṅgamāya vipassanāya niyyanti rāgavirāgāya cetovimuttiyā.

82-1

巴利原文

Ubho diṭṭhicaritā vipassanāpubbaṅgamena samathena niyyanti avijjāvirāgāya paññāvimuttiyā.

83-1

巴利原文

Tattha ye samathapubbaṅgamāhi paṭipadāhi niyyanti, te nandiyāvaṭṭena nayena hātabbā, ye vipassanāpubbaṅgamāhi paṭipadāhi niyyanti, te sīhavikkīḷitena nayena hātabbā.

84-1

巴利原文

Svāyaṁ hāro kattha sambhavati, yassa satthā vā dhammaṁ desayati aññataro vā garuṭṭhānīyo sabrahmacārī, so taṁ dhammaṁ sutvā saddhaṁ paṭilabhati.

85-1

巴利原文

Tattha yā vīmaṁsā ussāhanā tulanā upaparikkhā, ayaṁ sutamayī paññā.

86-1

巴利原文

Tathā sutena nissayena yā vīmaṁsā tulanā upaparikkhā manasānupekkhaṇā, ayaṁ cintāmayī paññā.

87-1

巴利原文

Imāhi dvīhi paññāhi manasikārasampayuttassa yaṁ ñāṇaṁ uppajjati dassanabhūmiyaṁ vā bhāvanābhūmiyaṁ vā, ayaṁ bhāvanāmayī paññā.

88-1

巴利原文

Paratoghosā sutamayī paññā.

89-1

巴利原文

Paccattasamuṭṭhitā yoniso manasikārā cintāmayī paññā.

90-1

巴利原文

Yaṁ parato ca ghosena paccattasamuṭṭhitena ca yonisomanasikārena ñāṇaṁ uppajjati, ayaṁ bhāvanāmayī paññā.

91-1

巴利原文

Yassa imā dve paññā atthi sutamayī cintāmayī ca, ayaṁ ugghaṭitaññū.

92-1

巴利原文

Yassa sutamayī paññā atthi, cintāmayī natthi, ayaṁ vipañcitaññū.

93-1

巴利原文

Yassa neva sutamayī paññā atthi na cintāmayī, ayaṁ neyyo.

94-1

巴利原文

Sāyaṁ dhammadesanā kiṁ desayati?

95-1

巴利原文

Cattāri saccāni dukkhaṁ samudayaṁ nirodhaṁ maggaṁ.

96-1

巴利原文

Ādīnavo ca phalañca dukkhaṁ, assādo samudayo, nissaraṇaṁ nirodho, upāyo āṇatti ca maggo.

97-1

巴利原文

Imāni cattāri saccāni.

98-1

巴利原文

Idaṁ dhammacakkaṁ.

99-1

巴利原文

Yathāha bhagavā—

100-1

巴利原文

“idaṁ dukkhan”ti me, bhikkhave, bārāṇasiyaṁ isipatane migadāye anuttaraṁ dhammacakkaṁ pavattitaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmiṁ, sabbaṁ dhammacakkaṁ.

101-1

巴利原文

Tattha aparimāṇā padā, aparimāṇā akkharā, aparimāṇā byañjanā, aparimāṇā ākārā neruttā niddesā.

102-1

巴利原文

Etasseva atthassa saṅkāsanā pakāsanā vivaraṇā vibhajanā uttānīkammaṁ paññatti, itipidaṁ dukkhaṁ ariyasaccaṁ.

103-1

巴利原文

“Ayaṁ dukkhasamudayo”ti me, bhikkhave, bārāṇasiyaṁ isipatane migadāye anuttaraṁ dhammacakkaṁ pavattitaṁ …pe…

104-1

巴利原文

“ayaṁ dukkhanirodho”ti me, bhikkhave …pe…

105-1

巴利原文

“ayaṁ dukkhanirodhagāminī paṭipadā”ti me, bhikkhave, bārāṇasiyaṁ isipatane migadāye anuttaraṁ dhammacakkaṁ pavattitaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmiṁ.

106-1

巴利原文

Tattha aparimāṇā padā, aparimāṇā akkharā, aparimāṇā byañjanā, aparimāṇā ākārā neruttā niddesā.

107-1

巴利原文

Etasseva atthassa saṅkāsanā pakāsanā vivaraṇā vibhajanā uttānīkammaṁ paññatti itipidaṁ dukkhanirodhagāminī paṭipadā ariyasaccaṁ.

108-1

巴利原文

Tattha bhagavā akkharehi saṅkāseti, padehi pakāseti, byañjanehi vivarati, ākārehi vibhajati, niruttīhi uttānīkaroti, niddesehi paññapeti.

109-1

巴利原文

Tattha bhagavā akkharehi ca padehi ca ugghaṭeti, byañjanehi ca ākārehi ca vipañcayati, niruttīhi ca niddesehi ca vitthāreti.

110-1

巴利原文

Tattha ugghaṭanā ādi, vipañcanā majjhe, vitthāraṇā pariyosānaṁ.

111-1

巴利原文

Soyaṁ dhammavinayo ugghaṭīyanto ugghaṭitaññūpuggalaṁ vineti, tena naṁ āhu “ādikalyāṇo”ti.

112-1

巴利原文

Vipañcīyanto vipañcitaññūpuggalaṁ vineti, tena naṁ āhu “majjhekalyāṇo”ti.

113-1

巴利原文

Vitthārīyanto neyyaṁ puggalaṁ vineti, tena naṁ āhu “pariyosānakalyāṇo”ti.

114-1

巴利原文

Tattha chappadāni attho saṅkāsanā pakāsanā vivaraṇā vibhajanā uttānīkammaṁ paññatti, imāni chappadāni attho.

115-1

巴利原文

Chappadāni byañjanaṁ akkharaṁ padaṁ byañjanaṁ ākāro nirutti niddeso, imāni chappadāni byañjanaṁ.

116-1

巴利原文

Tenāha bhagavā “dhammaṁ vo, bhikkhave, desessāmi ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanan”ti.

117-1

巴利原文

Kevalanti lokuttaraṁ, na missaṁ lokiyehi dhammehi.

118-1

巴利原文

Paripuṇṇanti paripūraṁ anūnaṁ anatirekaṁ.

119-1

巴利原文

Parisuddhanti nimmalaṁ sabbamalāpagataṁ pariyodātaṁ upaṭṭhitaṁ sabbavisesānaṁ, idaṁ vuccati tathāgatapadaṁitipi tathāgatanisevitaṁitipi tathāgatārañjitaṁitipi, ato cetaṁ brahmacariyaṁ paññāyati.

120-1

巴利原文

Tenāha bhagavā “kevalaparipuṇṇaṁ parisuddhaṁ brahmacariyaṁ pakāsessāmī”ti.

121-1

巴利原文

Kesaṁ ayaṁ dhammadesanā, yogīnaṁ.

122-1

巴利原文

Tenāha āyasmā mahākaccāyano—

123-1

巴利原文

“Assādādīnavatā,

124-1

巴利原文

Nissaraṇampi ca phalaṁ upāyo ca;

125-1

巴利原文

Āṇattī ca bhagavato,

126-1

巴利原文

Yogīnaṁ desanāhāro”ti.

127-1

巴利原文

Niyutto desanāhāro.