小部第1057經（Netti / Paṭiniddesavāra / Vibhaṅga 9 / Parivattanahāravibhaṅga）

部類小部

Pali NikāyaKhuddaka Nikāya

總句數44

已譯句數0

1-1

巴利原文

Netti

2-1

巴利原文

Paṭiniddesavāra

3-1

巴利原文

Vibhaṅga 9

4-1

巴利原文

Parivattanahāravibhaṅga

5-1

巴利原文

Tattha katamo parivattano hāro?

6-1

巴利原文

“Kusalākusale dhamme”ti.

7-1

巴利原文

Sammādiṭṭhissa purisapuggalassa micchādiṭṭhi nijjiṇṇā bhavati.

8-1

巴利原文

Ye cassa micchādiṭṭhipaccayā uppajjeyyuṁ aneke pāpakā akusalā dhammā, te cassa nijjiṇṇā honti.

9-1

巴利原文

Sammādiṭṭhipaccayā cassa aneke kusalā dhammā sambhavanti, te cassa bhāvanāpāripūriṁ gacchanti.

10-1

巴利原文

Sammāsaṅkappassa purisapuggalassa micchāsaṅkappo nijjiṇṇo bhavati.

11-1

巴利原文

Ye cassa micchāsaṅkappapaccayā uppajjeyyuṁ aneke pāpakā akusalā dhammā, te cassa nijjiṇṇā honti.

12-1

巴利原文

Sammāsaṅkappapaccayā cassa aneke kusalā dhammā sambhavanti.

13-1

巴利原文

Te cassa bhāvanāpāripūriṁ gacchanti.

14-1

巴利原文

Evaṁ sammāvācassa sammākammantassa sammāājīvassa sammāvāyāmassa sammāsatissa sammāsamādhissa sammāvimuttassa sammāvimuttiñāṇadassanassa purisapuggalassa micchāvimuttiñāṇadassanaṁ nijjiṇṇaṁ bhavati.

15-1

巴利原文

Ye cassa micchāvimuttiñāṇadassanapaccayā uppajjeyyuṁ aneke pāpakā akusalā dhammā, te cassa nijjiṇṇā honti.

16-1

巴利原文

Sammāvimuttiñāṇadassanapaccayā cassa aneke kusalā dhammā sambhavanti, te cassa bhāvanāpāripūriṁ gacchanti.

17-1

巴利原文

Yassa vā pāṇātipātā paṭiviratassa pāṇātipāto pahīno hoti.

18-1

巴利原文

Adinnādānā paṭiviratassa adinnādānaṁ pahīnaṁ hoti.

19-1

巴利原文

Brahmacārissa abrahmacariyaṁ pahīnaṁ hoti.

20-1

巴利原文

Saccavādissa musāvādo pahīno hoti.

21-1

巴利原文

Apisuṇavācassa pisuṇā vācā pahīnā hoti.

22-1

巴利原文

Saṇhavācassa pharusā vācā pahīnā hoti.

23-1

巴利原文

Kālavādissa samphappalāpo pahīno hoti.

24-1

巴利原文

Anabhijjhālussa abhijjhā pahīnā hoti.

25-1

巴利原文

Abyāpannacittassa byāpādo pahīno hoti.

26-1

巴利原文

Sammādiṭṭhissa micchādiṭṭhi pahīnā hoti.

27-1

巴利原文

Ye ca kho keci ariyaṁ aṭṭhaṅgikaṁ maggaṁ garahanti, nesaṁ sandiṭṭhikā sahadhammikā gārayhā vādānuvādā āgacchanti.

28-1

巴利原文

Sammādiṭṭhiñca te bhavanto dhammaṁ garahanti.

29-1

巴利原文

Tena hi ye micchādiṭṭhikā, tesaṁ bhavantānaṁ pujjā ca pāsaṁsā ca.

30-1

巴利原文

Evaṁ sammāsaṅkappaṁ sammāvācaṁ sammākammantaṁ sammāājīvaṁ sammāvāyāmaṁ sammāsatiṁ sammāsamādhiṁ sammāvimuttiṁ sammāvimuttiñāṇadassanañca te bhavanto dhammaṁ garahanti.

31-1

巴利原文

Tena hi ye micchāvimuttiñāṇadassanā, tesaṁ bhavantānaṁ pujjā ca pāsaṁsā ca.

32-1

巴利原文

Ye ca kho keci evamāhaṁsu “bhuñjitabbā kāmā, paribhuñjitabbā kāmā, āsevitabbā kāmā, nisevitabbā kāmā, bhāvayitabbā kāmā, bahulīkātabbā kāmā”ti.

33-1

巴利原文

Kāmehi veramaṇī tesaṁ adhammo.

34-1

巴利原文

Ye vā pana keci evamāhaṁsu “attakilamathānuyogo dhammo”ti.

35-1

巴利原文

Niyyāniko tesaṁ dhammo adhammo.

36-1

巴利原文

Ye ca kho keci evamāhaṁsu “dukkho dhammo”ti.

37-1

巴利原文

Sukho tesaṁ dhammo adhammo.

38-1

巴利原文

Yathā vā pana bhikkhuno sabbasaṅkhāresu asubhānupassino viharato subhasaññā pahīyanti.

39-1

巴利原文

Dukkhānupassino viharato sukhasaññā pahīyanti.

40-1

巴利原文

Aniccānupassino viharato niccasaññā pahīyanti.

41-1

巴利原文

Anattānupassino viharato attasaññā pahīyanti.

42-1

巴利原文

Yaṁ yaṁ vā pana dhammaṁ rocayati vā upagacchati vā, tassa tassa dhammassa yo paṭipakkho, svassa aniṭṭhato ajjhāpanno bhavati.

43-1

巴利原文

Tenāha āyasmā mahākaccāyano “kusalākusaladhamme”ti.

44-1

巴利原文

Niyutto parivattano hāro.