小部第197經（Itivuttaka 84 / Tikanipāta / Catutthavagga / Bahujanahitasutta）

部類小部

Pali NikāyaKhuddaka Nikāya

總句數33

已譯句數0

1-1

巴利原文

Itivuttaka 84

2-1

巴利原文

Tikanipāta

3-1

巴利原文

Catutthavagga

4-1

巴利原文

Bahujanahitasutta

5-1

巴利原文

Vuttañhetaṁ bhagavatā vuttamarahatāti me sutaṁ:

6-1

巴利原文

“Tayome puggalā loke uppajjamānā uppajjanti bahujanahitāya bahujanasukhāya lokānukampāya atthāya hitāya sukhāya devamanussānaṁ.

7-1

巴利原文

Katame tayo?

8-1

巴利原文

Idha, bhikkhave, tathāgato loke uppajjati arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā.

9-1

巴利原文

So dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.

10-1

巴利原文

Ayaṁ, bhikkhave, paṭhamo puggalo loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānaṁ.

11-1

巴利原文

Puna caparaṁ, bhikkhave, tasseva satthu sāvako arahaṁ hoti khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto.

12-1

巴利原文

So dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.

13-1

巴利原文

Ayaṁ, bhikkhave, dutiyo puggalo loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānaṁ.

14-1

巴利原文

Puna caparaṁ, bhikkhave, tasseva satthu sāvako sekho hoti pāṭipado bahussuto sīlavatūpapanno.

15-1

巴利原文

Sopi dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.

16-1

巴利原文

Ayaṁ, bhikkhave, tatiyo puggalo loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānaṁ.

17-1

巴利原文

Ime kho, bhikkhave, tayo puggalā loke uppajjamānā uppajjanti bahujanahitāya bahujanasukhāya lokānukampāya atthāya hitāya sukhāya devamanussānan”ti.

18-1

巴利原文

Etamatthaṁ bhagavā avoca.

19-1

巴利原文

Tatthetaṁ iti vuccati:

20-1

巴利原文

“Satthā hi loke paṭhamo mahesi,

21-1

巴利原文

Tassanvayo sāvako bhāvitatto;

22-1

巴利原文

Athāparo pāṭipadopi sekho,

23-1

巴利原文

Bahussuto sīlavatūpapanno.

24-1

巴利原文

Ete tayo devamanussaseṭṭhā,

25-1

巴利原文

Pabhaṅkarā dhammamudīrayantā;

26-1

巴利原文

Apāpuranti amatassa dvāraṁ,

27-1

巴利原文

Yogā pamocenti bahujjanaṁ te.

28-1

巴利原文

Ye satthavāhena anuttarena,

29-1

巴利原文

Sudesitaṁ maggamanukkamanti;

30-1

巴利原文

Idheva dukkhassa karonti antaṁ,

31-1

巴利原文

Ye appamattā sugatassa sāsane”ti.

32-1

巴利原文

Ayampi attho vutto bhagavatā, iti me sutanti.

33-1

巴利原文

Pañcamaṁ.