小部第200經（Itivuttaka 87 / Tikanipāta / Catutthavagga / Andhakaraṇasutta）

部類小部

Pali NikāyaKhuddaka Nikāya

總句數27

已譯句數0

1-1

巴利原文

Itivuttaka 87

2-1

巴利原文

Tikanipāta

3-1

巴利原文

Catutthavagga

4-1

巴利原文

Andhakaraṇasutta

5-1

巴利原文

Vuttañhetaṁ bhagavatā vuttamarahatāti me sutaṁ:

6-1

巴利原文

“Tayome, bhikkhave, akusalavitakkā andhakaraṇā acakkhukaraṇā aññāṇakaraṇā paññānirodhikā vighātapakkhikā anibbānasaṁvattanikā.

7-1

巴利原文

Katame tayo?

8-1

巴利原文

Kāmavitakko, bhikkhave, andhakaraṇo acakkhukaraṇo aññāṇakaraṇo paññānirodhiko vighātapakkhiko anibbānasaṁvattaniko.

9-1

巴利原文

Byāpādavitakko, bhikkhave, andhakaraṇo acakkhukaraṇo aññāṇakaraṇo paññānirodhiko vighātapakkhiko anibbānasaṁvattaniko.

10-1

巴利原文

Vihiṁsāvitakko, bhikkhave, andhakaraṇo acakkhukaraṇo aññāṇakaraṇo paññānirodhiko vighātapakkhiko anibbānasaṁvattaniko.

11-1

巴利原文

Ime kho, bhikkhave, tayo akusalavitakkā andhakaraṇā acakkhukaraṇā aññāṇakaraṇā paññānirodhikā vighātapakkhikā anibbānasaṁvattanikā.

12-1

巴利原文

Tayome, bhikkhave, kusalavitakkā anandhakaraṇā cakkhukaraṇā ñāṇakaraṇā paññāvuddhikā avighātapakkhikā nibbānasaṁvattanikā.

13-1

巴利原文

Katame tayo?

14-1

巴利原文

Nekkhammavitakko, bhikkhave, anandhakaraṇo cakkhukaraṇo ñāṇakaraṇo paññāvuddhiko avighātapakkhiko nibbānasaṁvattaniko.

15-1

巴利原文

Abyāpādavitakko, bhikkhave, anandhakaraṇo cakkhukaraṇo ñāṇakaraṇo paññāvuddhiko avighātapakkhiko nibbānasaṁvattaniko.

16-1

巴利原文

Avihiṁsāvitakko, bhikkhave, anandhakaraṇo cakkhukaraṇo ñāṇakaraṇo paññāvuddhiko avighātapakkhiko nibbānasaṁvattaniko.

17-1

巴利原文

Ime kho, bhikkhave, tayo kusalavitakkā anandhakaraṇā cakkhukaraṇā ñāṇakaraṇā paññāvuddhikā avighātapakkhikā nibbānasaṁvattanikā”ti.

18-1

巴利原文

Etamatthaṁ bhagavā avoca.

19-1

巴利原文

Tatthetaṁ iti vuccati:

20-1

巴利原文

“Tayo vitakke kusale vitakkaye,

21-1

巴利原文

Tayo pana akusale nirākare;

22-1

巴利原文

Sa ve vitakkāni vicāritāni,

23-1

巴利原文

Sameti vuṭṭhīva rajaṁ samūhataṁ;

24-1

巴利原文

Sa ve vitakkūpasamena cetasā,

25-1

巴利原文

Idheva so santipadaṁ samajjhagā”ti.

26-1

巴利原文

Ayampi attho vutto bhagavatā, iti me sutanti.

27-1

巴利原文

Aṭṭhamaṁ.