小部第2224經（Udāna 4.8 / Sundarīsutta）

部類小部

Pali NikāyaKhuddaka Nikāya

總句數73

已譯句數0

1-1

巴利原文

Udāna 4.8

2-1

巴利原文

Sundarīsutta

3-1

巴利原文

Evaṁ me sutaṁ—

4-1

巴利原文

ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

5-1

巴利原文

Tena kho pana samayena bhagavā sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṁ.

6-1

巴利原文

Bhikkhusaṅghopi sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṁ.

7-1

巴利原文

Aññatitthiyā pana paribbājakā asakkatā honti agarukatā amānitā apūjitā anapacitā na lābhino cīvarapiṇḍapātasenāsanagilānapaccayabhesajjaparikkhārānaṁ.

8-1

巴利原文

Atha kho te aññatitthiyā paribbājakā bhagavato sakkāraṁ asahamānā bhikkhusaṅghassa ca yena sundarī paribbājikā tenupasaṅkamiṁsu; upasaṅkamitvā sundariṁ paribbājikaṁ etadavocuṁ:

9-1

巴利原文

“ussahasi tvaṁ, bhagini, ñātīnaṁ atthaṁ kātun”ti?

10-1

巴利原文

“Kyāhaṁ, ayyā, karomi?

11-1

巴利原文

Kiṁ mayā na sakkā kātuṁ?

12-1

巴利原文

Jīvitampi me pariccattaṁ ñātīnaṁ atthāyā”ti.

13-1

巴利原文

“Tena hi, bhagini, abhikkhaṇaṁ jetavanaṁ gacchāhī”ti.

14-1

巴利原文

“Evaṁ, ayyā”ti kho sundarī paribbājikā tesaṁ aññatitthiyānaṁ paribbājakānaṁ paṭissutvā abhikkhaṇaṁ jetavanaṁ agamāsi.

15-1

巴利原文

Yadā te aññiṁsu aññatitthiyā paribbājakā:

16-1

巴利原文

“vodiṭṭhā kho sundarī paribbājikā bahujanena abhikkhaṇaṁ jetavanaṁ gacchantī”ti.

17-1

巴利原文

Atha naṁ jīvitā voropetvā tattheva jetavanassa parikhākūpe nikkhipitvā yena rājā pasenadi kosalo tenupasaṅkamiṁsu; upasaṅkamitvā rājānaṁ pasenadiṁ kosalaṁ etadavocuṁ:

18-1

巴利原文

“yā sā, mahārāja, sundarī paribbājikā; sā no na dissatī”ti.

19-1

巴利原文

“Kattha pana tumhe āsaṅkathā”ti?

20-1

巴利原文

“Jetavane, mahārājā”ti.

21-1

巴利原文

“Tena hi jetavanaṁ vicinathā”ti.

22-1

巴利原文

Atha kho te aññatitthiyā paribbājakā jetavanaṁ vicinitvā yathānikkhittaṁ parikhākūpā uddharitvā mañcakaṁ āropetvā sāvatthiṁ pavesetvā rathiyāya rathiyaṁ siṅghāṭakena siṅghāṭakaṁ upasaṅkamitvā manusse ujjhāpesuṁ:

23-1

巴利原文

“Passathāyyā samaṇānaṁ sakyaputtiyānaṁ kammaṁ.

24-1

巴利原文

Alajjino ime samaṇā sakyaputtiyā dussīlā pāpadhammā musāvādino abrahmacārino.

25-1

巴利原文

Ime hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti.

26-1

巴利原文

Natthi imesaṁ sāmaññaṁ, natthi imesaṁ brahmaññaṁ.

27-1

巴利原文

Naṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ.

28-1

巴利原文

Kuto imesaṁ sāmaññaṁ, kuto imesaṁ brahmaññaṁ?

29-1

巴利原文

Apagatā ime sāmaññā, apagatā ime brahmaññā.

30-1

巴利原文

Kathañhi nāma puriso purisakiccaṁ karitvā itthiṁ jīvitā voropessatī”ti.

31-1

巴利原文

Tena kho pana samayena sāvatthiyaṁ manussā bhikkhū disvā asabbhāhi pharusāhi vācāhi akkosanti paribhāsanti rosanti vihesanti:

32-1

巴利原文

“Alajjino ime samaṇā sakyaputtiyā dussīlā pāpadhammā musāvādino abrahmacārino.

33-1

巴利原文

Ime hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti.

34-1

巴利原文

Natthi imesaṁ sāmaññaṁ, natthi imesaṁ brahmaññaṁ.

35-1

巴利原文

Naṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ.

36-1

巴利原文

Kuto imesaṁ sāmaññaṁ, kuto imesaṁ brahmaññaṁ?

37-1

巴利原文

Apagatā ime sāmaññā, apagatā ime brahmaññā.

38-1

巴利原文

Kathañhi nāma puriso purisakiccaṁ karitvā itthiṁ jīvitā voropessatī”ti.

39-1

巴利原文

Atha kho sambahulā bhikkhū pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisiṁsu.

40-1

巴利原文

Sāvatthiyaṁ piṇḍāya caritvā pacchābhattaṁ piṇḍapātapaṭikkantā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:

41-1

巴利原文

“Etarahi, bhante, sāvatthiyaṁ manussā bhikkhū disvā asabbhāhi pharusāhi vācāhi akkosanti paribhāsanti rosanti vihesanti:

42-1

巴利原文

‘alajjino ime samaṇā sakyaputtiyā dussīlā pāpadhammā musāvādino abrahmacārino.

43-1

巴利原文

Ime hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti.

44-1

巴利原文

Natthi imesaṁ sāmaññaṁ, natthi imesaṁ brahmaññaṁ.

45-1

巴利原文

Naṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ.

46-1

巴利原文

Kuto imesaṁ sāmaññaṁ, kuto imesaṁ brahmaññaṁ?

47-1

巴利原文

Apagatā ime sāmaññā, apagatā ime brahmaññā.

48-1

巴利原文

Kathañhi nāma puriso purisakiccaṁ karitvā itthiṁ jīvitā voropessatī’”ti.

49-1

巴利原文

“Neso, bhikkhave, saddo ciraṁ bhavissati sattāhameva bhavissati. Sattāhassa accayena antaradhāyissati.

50-1

巴利原文

Tena hi, bhikkhave, ye manussā bhikkhū disvā asabbhāhi pharusāhi vācāhi akkosanti paribhāsanti rosanti vihesanti, te tumhe imāya gāthāya paṭicodetha:

51-1

巴利原文

‘Abhūtavādī nirayaṁ upeti,

52-1

巴利原文

Yo vāpi katvā na karomi cāha;

53-1

巴利原文

Ubhopi te pecca samā bhavanti,

54-1

巴利原文

Nihīnakammā manujā paratthā’”ti.

55-1

巴利原文

Atha kho te bhikkhū bhagavato santike imaṁ gāthaṁ pariyāpuṇitvā ye manussā bhikkhū disvā asabbhāhi pharusāhi vācāhi akkosanti paribhāsanti rosanti vihesanti te imāya gāthāya paṭicodenti:

56-1

巴利原文

“Abhūtavādī nirayaṁ upeti,

57-1

巴利原文

Yo vāpi katvā na karomi cāha;

58-1

巴利原文

Ubhopi te pecca samā bhavanti,

59-1

巴利原文

Nihīnakammā manujā paratthā”ti.

60-1

巴利原文

Manussānaṁ etadahosi:

61-1

巴利原文

“akārakā ime samaṇā sakyaputtiyā, nayimehi kataṁ, sapantime samaṇā sakyaputtiyā”ti.

62-1

巴利原文

Neva so saddo ciraṁ ahosi. Sattāhameva ahosi. Sattāhassa accayena antaradhāyi.

63-1

巴利原文

Atha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavato etadavocuṁ:

64-1

巴利原文

“Acchariyaṁ, bhante, abbhutaṁ, bhante.

65-1

巴利原文

Yāva subhāsitañcidaṁ, bhante, bhagavatā:

66-1

巴利原文

‘neso, bhikkhave, saddo ciraṁ bhavissati. Sattāhameva bhavissati. Sattāhassa accayena antaradhāyissatī’ti.

67-1

巴利原文

Antarahito so, bhante, saddo”ti.

68-1

巴利原文

Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:

69-1

巴利原文

“Tudanti vācāya janā asaññatā,

70-1

巴利原文

Sarehi saṅgāmagataṁva kuñjaraṁ;

71-1

巴利原文

Sutvāna vākyaṁ pharusaṁ udīritaṁ,

72-1

巴利原文

Adhivāsaye bhikkhu aduṭṭhacitto”ti.

73-1

巴利原文

Aṭṭhamaṁ.