小部第812經（Milindapañha / Vicāravagga / 4. Saṅkhārajāyamānapañha）

部類小部

Pali NikāyaKhuddaka Nikāya

總句數11

已譯句數0

1-1

巴利原文

Milindapañha

2-1

巴利原文

Vicāravagga

3-1

巴利原文

4. Saṅkhārajāyamānapañha

4-1

巴利原文

Rājā āha—

5-1

巴利原文

“bhante nāgasena, atthi keci saṅkhārā, ye jāyantī”ti?

6-1

巴利原文

“Āma, mahārāja, atthi saṅkhārā, ye jāyantī”ti.

7-1

巴利原文

“Katame te, bhante”ti?

8-1

巴利原文

“Cakkhusmiñca kho, mahārāja, sati rūpesu ca cakkhuviññāṇaṁ hoti, cakkhuviññāṇe sati cakkhusamphasso hoti, cakkhusamphasse sati vedanā hoti, vedanāya sati taṇhā hoti, taṇhāya sati upādānaṁ hoti, upādāne sati bhavo hoti, bhave sati jāti hoti, jātiyā sati jarāmaraṇaṁ sokaparidevadukkhadomanassupāyāsā sambhavanti, evametassa kevalassa dukkhakkhandhassa samudayo hoti.

9-1

巴利原文

Cakkhusmiñca kho, mahārāja, asati rūpesu ca asati cakkhuviññāṇaṁ na hoti, cakkhuviññāṇe asati cakkhusamphasso na hoti, cakkhusamphasse asati vedanā na hoti, vedanāya asati taṇhā na hoti, taṇhāya asati upādānaṁ na hoti, upādāne asati bhavo na hoti, bhave asati jāti na hoti, jātiyā asati jarāmaraṇaṁ sokaparidevadukkhadomanassupāyāsā na honti, evametassa kevalassa dukkhakkhandhassa nirodho hotī”ti.

10-1

巴利原文

“Kallosi, bhante nāgasenā”ti.

11-1

巴利原文

Saṅkhārajāyamānapañho catuttho.