巴利大藏經《中部第145經（Majjhima Nikāya 145 / Puṇṇovādasutta）》

1-1

巴利原文

Majjhima Nikāya 145

2-1

巴利原文

Puṇṇovādasutta

3-1

巴利原文

Evaṁ me sutaṁ—

4-1

巴利原文

ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

5-1

巴利原文

Atha kho āyasmā puṇṇo sāyanhasamayaṁ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā puṇṇo bhagavantaṁ etadavoca:

6-1

巴利原文

“sādhu maṁ, bhante, bhagavā saṅkhittena ovādena ovadatu, yamahaṁ bhagavato dhammaṁ sutvā eko vūpakaṭṭho appamatto ātāpī pahitatto vihareyyan”ti.

7-1

巴利原文

“Tena hi, puṇṇa, suṇāhi, sādhukaṁ manasi karohi; bhāsissāmī”ti.

8-1

巴利原文

“Evaṁ, bhante”ti kho āyasmā puṇṇo bhagavato paccassosi.

9-1

巴利原文

Bhagavā etadavoca:

10-1

巴利原文

“Santi kho, puṇṇa, cakkhuviññeyyā rūpā iṭṭhā kantā manāpā piyarūpā kāmūpasaṁhitā rajanīyā.

11-1

巴利原文

Tañce bhikkhu abhinandati abhivadati ajjhosāya tiṭṭhati.

12-1

巴利原文

Tassa taṁ abhinandato abhivadato ajjhosāya tiṭṭhato uppajjati nandī.

13-1

巴利原文

‘Nandīsamudayā dukkhasamudayo, puṇṇā’ti vadāmi.

14-1

巴利原文

Santi kho, puṇṇa, sotaviññeyyā saddā …

15-1

巴利原文

ghānaviññeyyā gandhā …

16-1

巴利原文

jivhāviññeyyā rasā …

17-1

巴利原文

kāyaviññeyyā phoṭṭhabbā …

18-1

巴利原文

manoviññeyyā dhammā iṭṭhā kantā manāpā piyarūpā kāmūpasaṁhitā rajanīyā.

19-1

巴利原文

Tañce bhikkhu abhinandati abhivadati ajjhosāya tiṭṭhati.

20-1

巴利原文

Tassa taṁ abhinandato abhivadato ajjhosāya tiṭṭhato uppajjati nandī.

21-1

巴利原文

‘Nandīsamudayā dukkhasamudayo, puṇṇā’ti vadāmi.

22-1

巴利原文

Santi ca kho, puṇṇa, cakkhuviññeyyā rūpā iṭṭhā kantā manāpā piyarūpā kāmūpasaṁhitā rajanīyā.

23-1

巴利原文

Tañce bhikkhu nābhinandati nābhivadati nājjhosāya tiṭṭhati.

24-1

巴利原文

Tassa taṁ anabhinandato anabhivadato anajjhosāya tiṭṭhato nandī nirujjhati.

25-1

巴利原文

‘Nandīnirodhā dukkhanirodho, puṇṇā’ti vadāmi.

26-1

巴利原文

Santi ca kho, puṇṇa, sotaviññeyyā saddā …

27-1

巴利原文

ghānaviññeyyā gandhā …

28-1

巴利原文

jivhāviññeyyā rasā …

29-1

巴利原文

kāyaviññeyyā phoṭṭhabbā …

30-1

巴利原文

manoviññeyyā dhammā iṭṭhā kantā manāpā piyarūpā kāmūpasaṁhitā rajanīyā.

31-1

巴利原文

Tañce bhikkhu nābhinandati nābhivadati nājjhosāya tiṭṭhati.

32-1

巴利原文

Tassa taṁ anabhinandato anabhivadato anajjhosāya tiṭṭhato nandī nirujjhati.

33-1

巴利原文

‘Nandīnirodhā dukkhanirodho, puṇṇā’ti vadāmi.

34-1

巴利原文

Iminā ca tvaṁ, puṇṇa, mayā saṅkhittena ovādena ovadito katarasmiṁ janapade viharissasī”ti?

35-1

巴利原文

“Imināhaṁ, bhante, bhagavatā saṅkhittena ovādena ovadito, atthi sunāparanto nāma janapado, tatthāhaṁ viharissāmī”ti.

36-1

巴利原文

“Caṇḍā kho, puṇṇa, sunāparantakā manussā;

37-1

巴利原文

pharusā kho, puṇṇa, sunāparantakā manussā.

38-1

巴利原文

Sace taṁ, puṇṇa, sunāparantakā manussā akkosissanti paribhāsissanti, tattha te, puṇṇa, kinti bhavissatī”ti?

39-1

巴利原文

“Sace maṁ, bhante, sunāparantakā manussā akkosissanti paribhāsissanti, tattha me evaṁ bhavissati:

40-1

巴利原文

‘bhaddakā vatime sunāparantakā manussā, subhaddakā vatime sunāparantakā manussā, yaṁ me nayime pāṇinā pahāraṁ dentī’ti.

41-1

巴利原文

Evamettha, bhagavā, bhavissati;

42-1

巴利原文

evamettha, sugata, bhavissatī”ti.

43-1

巴利原文

“Sace pana te, puṇṇa, sunāparantakā manussā pāṇinā pahāraṁ dassanti, tattha pana te, puṇṇa, kinti bhavissatī”ti?

44-1

巴利原文

“Sace me, bhante, sunāparantakā manussā pāṇinā pahāraṁ dassanti, tattha me evaṁ bhavissati:

45-1

巴利原文

‘bhaddakā vatime sunāparantakā manussā, subhaddakā vatime sunāparantakā manussā, yaṁ me nayime leḍḍunā pahāraṁ dentī’ti.

46-1

巴利原文

Evamettha, bhagavā, bhavissati;

47-1

巴利原文

evamettha, sugata, bhavissatī”ti.

48-1

巴利原文

“Sace pana te, puṇṇa, sunāparantakā manussā leḍḍunā pahāraṁ dassanti, tattha pana te, puṇṇa, kinti bhavissatī”ti?

49-1

巴利原文

“Sace me, bhante, sunāparantakā manussā leḍḍunā pahāraṁ dassanti, tattha me evaṁ bhavissati:

50-1

巴利原文

‘bhaddakā vatime sunāparantakā manussā, subhaddakā vatime sunāparantakā manussā, yaṁ me nayime daṇḍena pahāraṁ dentī’ti.

51-1

巴利原文

Evamettha, bhagavā, bhavissati;

52-1

巴利原文

evamettha, sugata, bhavissatī”ti.

53-1

巴利原文

“Sace pana te, puṇṇa, sunāparantakā manussā daṇḍena pahāraṁ dassanti, tattha pana te, puṇṇa, kinti bhavissatī”ti?

54-1

巴利原文

“Sace me, bhante, sunāparantakā manussā daṇḍena pahāraṁ dassanti, tattha me evaṁ bhavissati:

55-1

巴利原文

‘bhaddakā vatime sunāparantakā manussā, subhaddakā vatime sunāparantakā manussā, yaṁ me nayime satthena pahāraṁ dentī’ti.

56-1

巴利原文

Evamettha, bhagavā, bhavissati;

57-1

巴利原文

evamettha, sugata, bhavissatī”ti.

58-1

巴利原文

“Sace pana te, puṇṇa, sunāparantakā manussā satthena pahāraṁ dassanti, tattha pana te, puṇṇa, kinti bhavissatī”ti?

59-1

巴利原文

“Sace me, bhante, sunāparantakā manussā satthena pahāraṁ dassanti, tattha me evaṁ bhavissati:

60-1

巴利原文

‘bhaddakā vatime sunāparantakā manussā, subhaddakā vatime sunāparantakā manussā, yaṁ maṁ nayime tiṇhena satthena jīvitā voropentī’ti.

61-1

巴利原文

Evamettha, bhagavā, bhavissati;

62-1

巴利原文

evamettha, sugata, bhavissatī”ti.

63-1

巴利原文

“Sace pana taṁ, puṇṇa, sunāparantakā manussā tiṇhena satthena jīvitā voropessanti, tattha pana te, puṇṇa, kinti bhavissatī”ti?

64-1

巴利原文

“Sace maṁ, bhante, sunāparantakā manussā tiṇhena satthena jīvitā voropessanti, tattha me evaṁ bhavissati:

65-1

巴利原文

‘santi kho bhagavato sāvakā kāye ca jīvite ca aṭṭīyamānā harāyamānā jigucchamānā satthahārakaṁ pariyesanti. Taṁ me idaṁ apariyiṭṭhaṁyeva satthahārakaṁ laddhan’ti.

66-1

巴利原文

Evamettha, bhagavā, bhavissati;

67-1

巴利原文

evamettha, sugata, bhavissatī”ti.

68-1

巴利原文

“Sādhu sādhu, puṇṇa.

69-1

巴利原文

Sakkhissasi kho tvaṁ, puṇṇa, iminā damūpasamena samannāgato sunāparantasmiṁ janapade viharituṁ.

70-1

巴利原文

Yassadāni tvaṁ, puṇṇa, kālaṁ maññasī”ti.

71-1

巴利原文

Atha kho āyasmā puṇṇo bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā senāsanaṁ saṁsāmetvā pattacīvaramādāya yena sunāparanto janapado tena cārikaṁ pakkāmi.

72-1

巴利原文

Anupubbena cārikaṁ caramāno yena sunāparanto janapado tadavasari.

73-1

巴利原文

Tatra sudaṁ āyasmā puṇṇo sunāparantasmiṁ janapade viharati.

74-1

巴利原文

Atha kho āyasmā puṇṇo tenevantaravassena pañcamattāni upāsakasatāni paṭivedesi, tenevantaravassena pañcamattāni upāsikasatāni paṭivedesi, tenevantaravassena tisso vijjā sacchākāsi.

75-1

巴利原文

Atha kho āyasmā puṇṇo aparena samayena parinibbāyi.

76-1

巴利原文

Atha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:

77-1

巴利原文

“yo so, bhante, puṇṇo nāma kulaputto bhagavatā saṅkhittena ovādena ovadito so kālaṅkato.

78-1

巴利原文

Tassa kā gati, ko abhisamparāyo”ti?

79-1

巴利原文

“Paṇḍito, bhikkhave, puṇṇo kulaputto paccapādi dhammassānudhammaṁ, na ca maṁ dhammādhikaraṇaṁ viheṭhesi.

80-1

巴利原文

Parinibbuto, bhikkhave, puṇṇo kulaputto”ti.

81-1

巴利原文

Idamavoca bhagavā.

82-1

巴利原文

Attamanā te bhikkhū bhagavato bhāsitaṁ abhinandunti.

83-1

巴利原文

Puṇṇovādasuttaṁ niṭṭhitaṁ tatiyaṁ.