相應部第1154經（Saṁyutta Nikāya 41.4 / 1. Cittavagga / Mahakapāṭihāriyasutta）

部類相應部

Pali NikāyaSaṁyutta Nikāya

總句數47

已譯句數0

1-1

巴利原文

Saṁyutta Nikāya 41.4

2-1

巴利原文

1. Cittavagga

3-1

巴利原文

Mahakapāṭihāriyasutta

4-1

巴利原文

Ekaṁ samayaṁ sambahulā therā bhikkhū macchikāsaṇḍe viharanti ambāṭakavane.

5-1

巴利原文

Atha kho citto gahapati yena therā bhikkhū tenupasaṅkami; upasaṅkamitvā there bhikkhū abhivādetvā ekamantaṁ nisīdi. Ekamantaṁ nisinno kho citto gahapati there bhikkhū etadavoca:

6-1

巴利原文

“adhivāsentu me, bhante, therā svātanāya gokule bhattan”ti.

7-1

巴利原文

Adhivāsesuṁ kho therā bhikkhū tuṇhībhāvena.

8-1

巴利原文

Atha kho citto gahapati therānaṁ bhikkhūnaṁ adhivāsanaṁ viditvā uṭṭhāyāsanā there bhikkhū abhivādetvā padakkhiṇaṁ katvā pakkāmi.

9-1

巴利原文

Atha kho therā bhikkhū tassā rattiyā accayena pubbaṇhasamayaṁ nivāsetvā pattacīvaramādāya yena cittassa gahapatino gokulaṁ tenupasaṅkamiṁsu; upasaṅkamitvā paññatte āsane nisīdiṁsu.

10-1

巴利原文

Atha kho citto gahapati there bhikkhū paṇītena sappipāyāsena sahatthā santappesi sampavāresi.

11-1

巴利原文

Atha kho therā bhikkhū bhuttāvino onītapattapāṇino uṭṭhāyāsanā pakkamiṁsu.

12-1

巴利原文

Cittopi kho gahapati “sesakaṁ vissajjethā”ti vatvā there bhikkhū piṭṭhito piṭṭhito anubandhi.

13-1

巴利原文

Tena kho pana samayena uṇhaṁ hoti kuthitaṁ;

14-1

巴利原文

te ca therā bhikkhū paveliyamānena maññe kāyena gacchanti, yathā taṁ bhojanaṁ bhuttāvino.

15-1

巴利原文

Tena kho pana samayena āyasmā mahako tasmiṁ bhikkhusaṅghe sabbanavako hoti.

16-1

巴利原文

Atha kho āyasmā mahako āyasmantaṁ theraṁ etadavoca:

17-1

巴利原文

“sādhu khvassa, bhante thera, sītako ca vāto vāyeyya, abbhasampilāpo ca assa, devo ca ekamekaṁ phusāyeyyā”ti.

18-1

巴利原文

“Sādhu khvassa, āvuso mahaka, yaṁ sītako ca vāto vāyeyya, abbhasampilāpo ca assa, devo ca ekamekaṁ phusāyeyyā”ti.

19-1

巴利原文

Atha kho āyasmā mahako tathārūpaṁ iddhābhisaṅkhāraṁ abhisaṅkhari yathā sītako ca vāto vāyi, abbhasampilāpo ca assa, devo ca ekamekaṁ phusi.

20-1

巴利原文

Atha kho cittassa gahapatino etadahosi:

21-1

巴利原文

“yo kho imasmiṁ bhikkhusaṅghe sabbanavako bhikkhu tassāyaṁ evarūpo iddhānubhāvo”ti.

22-1

巴利原文

Atha kho āyasmā mahako ārāmaṁ sampāpuṇitvā āyasmantaṁ theraṁ etadavoca:

23-1

巴利原文

“alamettāvatā, bhante therā”ti?

24-1

巴利原文

“Alamettāvatā, āvuso mahaka.

25-1

巴利原文

Katamettāvatā, āvuso mahaka.

26-1

巴利原文

Pūjitamettāvatā, āvuso mahakā”ti.

27-1

巴利原文

Atha kho therā bhikkhū yathāvihāraṁ agamaṁsu.

28-1

巴利原文

Āyasmāpi mahako sakaṁ vihāraṁ agamāsi.

29-1

巴利原文

Atha kho citto gahapati yenāyasmā mahako tenupasaṅkami; upasaṅkamitvā āyasmantaṁ mahakaṁ abhivādetvā ekamantaṁ nisīdi. Ekamantaṁ nisinno kho citto gahapati āyasmantaṁ mahakaṁ etadavoca:

30-1

巴利原文

“sādhu me, bhante, ayyo mahako uttari manussadhammaṁ iddhipāṭihāriyaṁ dassetū”ti.

31-1

巴利原文

“Tena hi tvaṁ, gahapati, ālinde uttarāsaṅgaṁ paññapetvā tiṇakalāpaṁ okāsehī”ti.

32-1

巴利原文

“Evaṁ, bhante”ti kho citto gahapati āyasmato mahakassa paṭissutvā ālinde uttarāsaṅgaṁ paññapetvā tiṇakalāpaṁ okāsesi.

33-1

巴利原文

Atha kho āyasmā mahako vihāraṁ pavisitvā sūcighaṭikaṁ datvā tathārūpaṁ iddhābhisaṅkhāraṁ abhisaṅkhari yathā tālacchiggaḷena ca aggaḷantarikāya ca acci nikkhamitvā tiṇāni jhāpesi, uttarāsaṅgaṁ na jhāpesi.

34-1

巴利原文

Atha kho citto gahapati uttarāsaṅgaṁ papphoṭetvā saṁviggo lomahaṭṭhajāto ekamantaṁ aṭṭhāsi.

35-1

巴利原文

Atha kho āyasmā mahako vihārā nikkhamitvā cittaṁ gahapatiṁ etadavoca:

36-1

巴利原文

“alamettāvatā, gahapatī”ti?

37-1

巴利原文

“Alamettāvatā, bhante mahaka.

38-1

巴利原文

Katamettāvatā, bhante, mahaka.

39-1

巴利原文

Pūjitamettāvatā, bhante mahaka.

40-1

巴利原文

Abhiramatu, bhante, ayyo mahako macchikāsaṇḍe.

41-1

巴利原文

Ramaṇīyaṁ ambāṭakavanaṁ.

42-1

巴利原文

Ahaṁ ayyassa mahakassa ussukkaṁ karissāmi cīvarapiṇḍapātasenāsanagilānappaccayabhesajjaparikkhārānan”ti.

43-1

巴利原文

“Kalyāṇaṁ vuccati, gahapatī”ti.

44-1

巴利原文

Atha kho āyasmā mahako senāsanaṁ saṁsāmetvā pattacīvaramādāya macchikāsaṇḍamhā pakkāmi.

45-1

巴利原文

Yaṁ macchikāsaṇḍamhā pakkāmi, tathā pakkantova ahosi;

46-1

巴利原文

na puna paccāgacchīti.

47-1

巴利原文

Catutthaṁ.