相應部第1207經（Saṁyutta Nikāya 45.8 / 1. Avijjāvagga / Vibhaṅgasutta）

部類相應部

Pali NikāyaSaṁyutta Nikāya

總句數44

已譯句數0

1-1

巴利原文

Saṁyutta Nikāya 45.8

2-1

巴利原文

1. Avijjāvagga

3-1

巴利原文

Vibhaṅgasutta

4-1

巴利原文

Sāvatthinidānaṁ.

5-1

巴利原文

“Ariyaṁ vo, bhikkhave, aṭṭhaṅgikaṁ maggaṁ desessāmi vibhajissāmi.

6-1

巴利原文

Taṁ suṇātha, sādhukaṁ manasi karotha, bhāsissāmī”ti.

7-1

巴利原文

“Evaṁ, bhante”ti kho te bhikkhū bhagavato paccassosuṁ.

8-1

巴利原文

Bhagavā etadavoca:

9-1

巴利原文

“Katamo ca, bhikkhave, ariyo aṭṭhaṅgiko maggo?

10-1

巴利原文

Seyyathidaṁ—sammādiṭṭhi …pe… sammāsamādhi.

11-1

巴利原文

Katamā ca, bhikkhave, sammādiṭṭhi?

12-1

巴利原文

Yaṁ kho, bhikkhave, dukkhe ñāṇaṁ, dukkhasamudaye ñāṇaṁ, dukkhanirodhe ñāṇaṁ, dukkhanirodhagāminiyā paṭipadāya ñāṇaṁ—

13-1

巴利原文

ayaṁ vuccati, bhikkhave, sammādiṭṭhi.

14-1

巴利原文

Katamo ca, bhikkhave, sammāsaṅkappo?

15-1

巴利原文

Yo kho, bhikkhave, nekkhammasaṅkappo, abyāpādasaṅkappo, avihiṁsāsaṅkappo—

16-1

巴利原文

ayaṁ vuccati, bhikkhave, sammāsaṅkappo.

17-1

巴利原文

Katamā ca, bhikkhave, sammāvācā?

18-1

巴利原文

Yā kho, bhikkhave, musāvādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī—

19-1

巴利原文

ayaṁ vuccati, bhikkhave, sammāvācā.

20-1

巴利原文

Katamo ca, bhikkhave, sammākammanto?

21-1

巴利原文

Yā kho, bhikkhave, pāṇātipātā veramaṇī, adinnādānā veramaṇī, abrahmacariyā veramaṇī—

22-1

巴利原文

ayaṁ vuccati, bhikkhave, sammākammanto.

23-1

巴利原文

Katamo ca, bhikkhave, sammāājīvo?

24-1

巴利原文

Idha, bhikkhave, ariyasāvako micchāājīvaṁ pahāya sammāājīvena jīvitaṁ kappeti—

25-1

巴利原文

ayaṁ vuccati, bhikkhave, sammāājīvo.

26-1

巴利原文

Katamo ca, bhikkhave, sammāvāyāmo?

27-1

巴利原文

Idha, bhikkhave, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati,

28-1

巴利原文

uppannānaṁ pāpakānaṁ akusalānaṁ dhammānaṁ pahānāya chandaṁ janeti …pe…

29-1

巴利原文

anuppannānaṁ kusalānaṁ dhammānaṁ uppādāya chandaṁ janeti …pe…

30-1

巴利原文

uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati—

31-1

巴利原文

ayaṁ vuccati, bhikkhave, sammāvāyāmo.

32-1

巴利原文

Katamā ca, bhikkhave, sammāsati?

33-1

巴利原文

Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ;

34-1

巴利原文

vedanāsu vedanānupassī viharati ātāpī sampajāno satimā, vineyya loke abhijjhādomanassaṁ;

35-1

巴利原文

citte cittānupassī viharati ātāpī sampajāno satimā, vineyya loke abhijjhādomanassaṁ;

36-1

巴利原文

dhammesu dhammānupassī viharati ātāpī sampajāno satimā, vineyya loke abhijjhādomanassaṁ—

37-1

巴利原文

ayaṁ vuccati, bhikkhave, sammāsati.

38-1

巴利原文

Katamo ca, bhikkhave, sammāsamādhi?

39-1

巴利原文

Idha, bhikkhave, bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.

40-1

巴利原文

Vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati.

41-1

巴利原文

Pītiyā ca virāgā upekkhako ca viharati sato ca sampajāno, sukhañca kāyena paṭisaṁvedeti, yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharati.

42-1

巴利原文

Sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati—

43-1

巴利原文

ayaṁ vuccati, bhikkhave, sammāsamādhī”ti.

44-1

巴利原文

Aṭṭhamaṁ.