相應部第1409經（Saṁyutta Nikāya 47.9 / 1. Ambapālivagga / Gilānasutta）

部類相應部

Pali NikāyaSaṁyutta Nikāya

總句數47

已譯句數0

1-1

巴利原文

Saṁyutta Nikāya 47.9

2-1

巴利原文

1. Ambapālivagga

3-1

巴利原文

Gilānasutta

4-1

巴利原文

Evaṁ me sutaṁ—

5-1

巴利原文

ekaṁ samayaṁ bhagavā vesāliyaṁ viharati veḷuvagāmake.

6-1

巴利原文

Tatra kho bhagavā bhikkhū āmantesi:

7-1

巴利原文

“etha tumhe, bhikkhave, samantā vesāliyā yathāmittaṁ yathāsandiṭṭhaṁ yathāsambhattaṁ vassaṁ upetha.

8-1

巴利原文

Idhevāhaṁ veḷuvagāmake vassaṁ upagacchāmī”ti.

9-1

巴利原文

“Evaṁ, bhante”ti kho te bhikkhū bhagavato paṭissutvā samantā vesāliyā yathāmittaṁ yathāsandiṭṭhaṁ yathāsambhattaṁ vassaṁ upagacchuṁ.

10-1

巴利原文

Bhagavā pana tattheva veḷuvagāmake vassaṁ upagacchi.

11-1

巴利原文

Atha kho bhagavato vassūpagatassa kharo ābādho uppajji, bāḷhā vedanā vattanti māraṇantikā.

12-1

巴利原文

Tatra sudaṁ bhagavā sato sampajāno adhivāsesi avihaññamāno.

13-1

巴利原文

Atha kho bhagavato etadahosi:

14-1

巴利原文

“na kho me taṁ patirūpaṁ, yohaṁ anāmantetvā upaṭṭhāke anapaloketvā bhikkhusaṅghaṁ parinibbāyeyyaṁ.

15-1

巴利原文

Yannūnāhaṁ imaṁ ābādhaṁ vīriyena paṭipaṇāmetvā jīvitasaṅkhāraṁ adhiṭṭhāya vihareyyan”ti.

16-1

巴利原文

Atha kho bhagavā taṁ ābādhaṁ vīriyena paṭipaṇāmetvā jīvitasaṅkhāraṁ adhiṭṭhāya vihāsi.

17-1

巴利原文

Atha kho bhagavato so ābādho paṭippassambhi.

18-1

巴利原文

Atha kho bhagavā gilānā vuṭṭhito aciravuṭṭhito gelaññā vihārā nikkhamitvā vihārapacchāyāyaṁ paññatte āsane nisīdi.

19-1

巴利原文

Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:

20-1

巴利原文

“diṭṭho me, bhante, bhagavato phāsu;

21-1

巴利原文

diṭṭhaṁ, bhante, bhagavato khamanīyaṁ;

22-1

巴利原文

diṭṭhaṁ, bhante, bhagavato yāpanīyaṁ.

23-1

巴利原文

Api ca me, bhante, madhurakajāto viya kāyo, disāpi me na pakkhāyanti, dhammāpi maṁ nappaṭibhanti bhagavato gelaññena.

24-1

巴利原文

Api ca me, bhante, ahosi kācideva assāsamattā:

25-1

巴利原文

‘na tāva bhagavā parinibbāyissati, na yāva bhagavā bhikkhusaṅghaṁ ārabbha kiñcideva udāharatī’”ti.

26-1

巴利原文

“Kiṁ pana dāni, ānanda, bhikkhusaṅgho mayi paccāsīsati?

27-1

巴利原文

Desito, ānanda, mayā dhammo anantaraṁ abāhiraṁ karitvā.

28-1

巴利原文

Natthānanda, tathāgatassa dhammesu ācariyamuṭṭhi.

29-1

巴利原文

Yassa nūna, ānanda, evamassa:

30-1

巴利原文

‘ahaṁ bhikkhusaṅghaṁ pariharissāmī’ti vā, ‘mamuddesiko bhikkhusaṅgho’ti vā, so nūna, ānanda, bhikkhusaṅghaṁ ārabbha kiñcideva udāhareyya.

31-1

巴利原文

Tathāgatassa kho, ānanda, na evaṁ hoti:

32-1

巴利原文

‘ahaṁ bhikkhusaṅghaṁ pariharissāmī’ti vā, ‘mamuddesiko bhikkhusaṅgho’ti vā.

33-1

巴利原文

Sa kiṁ, ānanda, tathāgato bhikkhusaṅghaṁ ārabbha kiñcideva udāharissati.

34-1

巴利原文

Etarahi kho panāhaṁ, ānanda, jiṇṇo vuddho mahallako addhagato vayoanuppatto.

35-1

巴利原文

Āsītiko me vayo vattati.

36-1

巴利原文

Seyyathāpi, ānanda, jajjarasakaṭaṁ veḷamissakena yāpeti;

37-1

巴利原文

evameva kho, ānanda, veḷamissakena maññe tathāgatassa kāyo yāpeti.

38-1

巴利原文

Yasmiṁ, ānanda, samaye tathāgato sabbanimittānaṁ amanasikārā ekaccānaṁ vedanānaṁ nirodhā animittaṁ cetosamādhiṁ upasampajja viharati, phāsutaro, ānanda, tasmiṁ samaye tathāgatassa kāyo hoti.

39-1

巴利原文

Tasmātihānanda, attadīpā viharatha attasaraṇā anaññasaraṇā, dhammadīpā dhammasaraṇā anaññasaraṇā.

40-1

巴利原文

Kathañcānanda, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo?

41-1

巴利原文

Idhānanda, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ;

42-1

巴利原文

vedanāsu …pe…

43-1

巴利原文

citte …pe…

44-1

巴利原文

dhammesu dhammānupassī viharati ātāpī sampajāno satimā, vineyya loke abhijjhādomanassaṁ.

45-1

巴利原文

Evaṁ kho, ānanda, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo.

46-1

巴利原文

Ye hi keci, ānanda, etarahi vā mamaccaye vā attadīpā viharissanti attasaraṇā anaññasaraṇā, dhammadīpā dhammasaraṇā anaññasaraṇā; tamatagge mete, ānanda, bhikkhū bhavissanti ye keci sikkhākāmā”ti.

47-1

巴利原文

Navamaṁ.