相應部第1494經（Saṁyutta Nikāya 48.39 / 4. Sukhindriyavagga / Kaṭṭhopamasutta）

部類相應部

Pali NikāyaSaṁyutta Nikāya

總句數32

已譯句數0

1-1

巴利原文

Saṁyutta Nikāya 48.39

2-1

巴利原文

4. Sukhindriyavagga

3-1

巴利原文

Kaṭṭhopamasutta

4-1

巴利原文

“Pañcimāni, bhikkhave, indriyāni.

5-1

巴利原文

Katamāni pañca?

6-1

巴利原文

Sukhindriyaṁ, dukkhindriyaṁ, somanassindriyaṁ, domanassindriyaṁ, upekkhindriyaṁ.

7-1

巴利原文

Sukhavedaniyaṁ, bhikkhave, phassaṁ paṭicca uppajjati sukhindriyaṁ.

8-1

巴利原文

So sukhitova samāno ‘sukhitosmī’ti pajānāti.

9-1

巴利原文

Tasseva sukhavedaniyassa phassassa nirodhā ‘yaṁ tajjaṁ vedayitaṁ sukhavedaniyaṁ phassaṁ paṭicca uppannaṁ sukhindriyaṁ taṁ nirujjhati, taṁ vūpasammatī’ti pajānāti.

10-1

巴利原文

Dukkhavedaniyaṁ, bhikkhave, phassaṁ paṭicca uppajjati dukkhindriyaṁ.

11-1

巴利原文

So dukkhitova samāno ‘dukkhitosmī’ti pajānāti.

12-1

巴利原文

Tasseva dukkhavedaniyassa phassassa nirodhā ‘yaṁ tajjaṁ vedayitaṁ dukkhavedaniyaṁ phassaṁ paṭicca uppannaṁ dukkhindriyaṁ taṁ nirujjhati, taṁ vūpasammatī’ti pajānāti.

13-1

巴利原文

Somanassavedaniyaṁ, bhikkhave, phassaṁ paṭicca uppajjati somanassindriyaṁ.

14-1

巴利原文

So sumanova samāno ‘sumanosmī’ti pajānāti.

15-1

巴利原文

Tasseva somanassavedaniyassa phassassa nirodhā ‘yaṁ tajjaṁ vedayitaṁ somanassavedaniyaṁ phassaṁ paṭicca uppannaṁ somanassindriyaṁ taṁ nirujjhati, taṁ vūpasammatī’ti pajānāti.

16-1

巴利原文

Domanassavedaniyaṁ, bhikkhave, phassaṁ paṭicca uppajjati domanassindriyaṁ.

17-1

巴利原文

So dummanova samāno ‘dummanosmī’ti pajānāti.

18-1

巴利原文

Tasseva domanassavedaniyassa phassassa nirodhā ‘yaṁ tajjaṁ vedayitaṁ domanassavedaniyaṁ phassaṁ paṭicca uppannaṁ domanassindriyaṁ taṁ nirujjhati, taṁ vūpasammatī’ti pajānāti.

19-1

巴利原文

Upekkhāvedaniyaṁ, bhikkhave, phassaṁ paṭicca uppajjati upekkhindriyaṁ.

20-1

巴利原文

So upekkhakova samāno ‘upekkhakosmī’ti pajānāti.

21-1

巴利原文

Tasseva upekkhāvedaniyassa phassassa nirodhā ‘yaṁ tajjaṁ vedayitaṁ upekkhāvedaniyaṁ phassaṁ paṭicca uppannaṁ upekkhindriyaṁ taṁ nirujjhati, taṁ vūpasammatī’ti pajānāti.

22-1

巴利原文

Seyyathāpi, bhikkhave, dvinnaṁ kaṭṭhānaṁ saṅghaṭṭanasamodhānā usmā jāyati, tejo abhinibbattati; tesaṁyeva kaṭṭhānaṁ nānābhāvāvinikkhepā yā tajjā usmā sā nirujjhati sā vūpasammati;

23-1

巴利原文

evameva kho, bhikkhave, sukhavedaniyaṁ phassaṁ paṭicca uppajjati sukhindriyaṁ.

24-1

巴利原文

So sukhitova samāno ‘sukhitosmī’ti pajānāti.

25-1

巴利原文

Tasseva sukhavedaniyassa phassassa nirodhā ‘yaṁ tajjaṁ vedayitaṁ sukhavedaniyaṁ phassaṁ paṭicca uppajjati sukhindriyaṁ taṁ nirujjhati, taṁ vūpasammatī’ti pajānāti.

26-1

巴利原文

Dukkhavedaniyaṁ, bhikkhave, phassaṁ paṭicca …pe…

27-1

巴利原文

somanassavedaniyaṁ, bhikkhave, phassaṁ paṭicca …pe…

28-1

巴利原文

domanassavedaniyaṁ, bhikkhave, phassaṁ paṭicca …pe…

29-1

巴利原文

upekkhāvedaniyaṁ, bhikkhave, phassaṁ paṭicca uppajjati upekkhindriyaṁ.

30-1

巴利原文

So upekkhakova samāno ‘upekkhakosmī’ti pajānāti.

31-1

巴利原文

Tasseva upekkhāvedaniyassa phassassa nirodhā ‘yaṁ tajjaṁ vedayitaṁ upekkhāvedaniyaṁ phassaṁ paṭicca uppajjati upekkhindriyaṁ taṁ nirujjhati, taṁ vūpasammatī’ti pajānāti”.

32-1

巴利原文

Navamaṁ.