相應部第1497經（Saṁyutta Nikāya 48.42 / 5. Jarāvagga / Uṇṇābhabrāhmaṇasutta）

部類相應部

Pali NikāyaSaṁyutta Nikāya

總句數30

已譯句數0

1-1

巴利原文

Saṁyutta Nikāya 48.42

2-1

巴利原文

5. Jarāvagga

3-1

巴利原文

Uṇṇābhabrāhmaṇasutta

4-1

巴利原文

Sāvatthinidānaṁ.

5-1

巴利原文

Atha kho uṇṇābho brāhmaṇo yena bhagavā tenupasaṅkami; upasaṅkamitvā bhagavatā saddhiṁ sammodi.

6-1

巴利原文

Sammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho uṇṇābho brāhmaṇo bhagavantaṁ etadavoca:

7-1

巴利原文

“Pañcimāni, bho gotama, indriyāni nānāvisayāni nānāgocarāni, na aññamaññassa gocaravisayaṁ paccanubhonti.

8-1

巴利原文

Katamāni pañca?

9-1

巴利原文

Cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ.

10-1

巴利原文

Imesaṁ nu kho, bho gotama, pañcannaṁ indriyānaṁ nānāvisayānaṁ nānāgocarānaṁ na aññamaññassa gocaravisayaṁ paccanubhontānaṁ kiṁ paṭisaraṇaṁ, ko ca nesaṁ gocaravisayaṁ paccanubhotī”ti?

11-1

巴利原文

“Pañcimāni, brāhmaṇa, indriyāni nānāvisayāni nānāgocarāni na aññamaññassa gocaravisayaṁ paccanubhonti.

12-1

巴利原文

Katamāni pañca?

13-1

巴利原文

Cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ.

14-1

巴利原文

Imesaṁ kho, brāhmaṇa, pañcannaṁ indriyānaṁ nānāvisayānaṁ nānāgocarānaṁ na aññamaññassa gocaravisayaṁ paccanubhontānaṁ mano paṭisaraṇaṁ, manova nesaṁ gocaravisayaṁ paccanubhotī”ti.

15-1

巴利原文

“Manassa pana, bho gotama, kiṁ paṭisaraṇan”ti?

16-1

巴利原文

“Manassa kho, brāhmaṇa, sati paṭisaraṇan”ti.

17-1

巴利原文

“Satiyā pana, bho gotama, kiṁ paṭisaraṇan”ti?

18-1

巴利原文

“Satiyā kho, brāhmaṇa, vimutti paṭisaraṇan”ti.

19-1

巴利原文

“Vimuttiyā pana, bho gotama, kiṁ paṭisaraṇan”ti?

20-1

巴利原文

“Vimuttiyā kho, brāhmaṇa, nibbānaṁ paṭisaraṇan”ti.

21-1

巴利原文

“Nibbānassa pana, bho gotama, kiṁ paṭisaraṇan”ti?

22-1

巴利原文

“Accayāsi, brāhmaṇa, pañhaṁ, nāsakkhi pañhassa pariyantaṁ gahetuṁ.

23-1

巴利原文

Nibbānogadhañhi, brāhmaṇa, brahmacariyaṁ vussati nibbānaparāyaṇaṁ nibbānapariyosānan”ti.

24-1

巴利原文

Atha kho uṇṇābho brāhmaṇo bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.

25-1

巴利原文

Atha kho bhagavā acirapakkante uṇṇābhe brāhmaṇe bhikkhū āmantesi:

26-1

巴利原文

“seyyathāpi, bhikkhave, kūṭāgāre vā kūṭāgārasālāyaṁ vā pācīnavātapānā sūriye uggacchante vātapānena rasmi pavisitvā kvāssa patiṭṭhitā”ti?

27-1

巴利原文

“Pacchimāyaṁ, bhante, bhittiyan”ti.

28-1

巴利原文

“Evameva kho, bhikkhave, uṇṇābhassa brāhmaṇassa tathāgate saddhā niviṭṭhā mūlajātā patiṭṭhitā daḷhā asaṁhāriyā samaṇena vā brāhmaṇena vā devena vā mārena vā brahmunā vā kenaci vā lokasmiṁ.

29-1

巴利原文

Imamhi ce, bhikkhave, samaye uṇṇābho brāhmaṇo kālaṁ kareyya, natthi taṁ saṁyojanaṁ yena saṁyojanena saṁyutto uṇṇābho brāhmaṇo puna imaṁ lokaṁ āgaccheyyā”ti.

30-1

巴利原文

Dutiyaṁ.