相應部第1505經（Saṁyutta Nikāya 48.50 / 5. Jarāvagga / Āpaṇasutta）

部類相應部

Pali NikāyaSaṁyutta Nikāya

總句數50

已譯句數0

1-1

巴利原文

Saṁyutta Nikāya 48.50

2-1

巴利原文

5. Jarāvagga

3-1

巴利原文

Āpaṇasutta

4-1

巴利原文

Evaṁ me sutaṁ—

5-1

巴利原文

ekaṁ samayaṁ bhagavā aṅgesu viharati āpaṇaṁ nāma aṅgānaṁ nigamo.

6-1

巴利原文

Tatra kho bhagavā āyasmantaṁ sāriputtaṁ āmantesi:

7-1

巴利原文

“yo so, sāriputta, ariyasāvako tathāgate ekantagato abhippasanno, na so tathāgate vā tathāgatasāsane vā kaṅkheyya vā vicikiccheyya vā”ti?

8-1

巴利原文

“Yo so, bhante, ariyasāvako tathāgate ekantagato abhippasanno, na so tathāgate vā tathāgatasāsane vā kaṅkheyya vā vicikiccheyya vā.

9-1

巴利原文

saddhassa hi, bhante, ariyasāvakassa etaṁ pāṭikaṅkhaṁ yaṁ āraddhavīriyo viharissati—akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.

10-1

巴利原文

Yaṁ hissa, bhante, vīriyaṁ tadassa vīriyindriyaṁ.

11-1

巴利原文

Saddhassa hi, bhante, ariyasāvakassa āraddhavīriyassa etaṁ pāṭikaṅkhaṁ yaṁ satimā bhavissati, paramena satinepakkena samannāgato, cirakatampi cirabhāsitampi saritā anussaritā.

12-1

巴利原文

Yā hissa, bhante, sati tadassa satindriyaṁ.

13-1

巴利原文

Saddhassa hi, bhante, ariyasāvakassa āraddhavīriyassa upaṭṭhitassatino etaṁ pāṭikaṅkhaṁ yaṁ vossaggārammaṇaṁ karitvā labhissati samādhiṁ, labhissati cittassa ekaggataṁ.

14-1

巴利原文

Yo hissa, bhante, samādhi tadassa samādhindriyaṁ.

15-1

巴利原文

Saddhassa hi, bhante, ariyasāvakassa āraddhavīriyassa upaṭṭhitassatino samāhitacittassa etaṁ pāṭikaṅkhaṁ yaṁ evaṁ pajānissati—

16-1

巴利原文

anamataggo kho saṁsāro.

17-1

巴利原文

Pubbakoṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.

18-1

巴利原文

Avijjāya tveva tamokāyassa asesavirāganirodho santametaṁ padaṁ paṇītametaṁ padaṁ, yadidaṁ—

19-1

巴利原文

sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṁ.

20-1

巴利原文

Yā hissa, bhante, paññā tadassa paññindriyaṁ.

21-1

巴利原文

Saddho so, bhante, ariyasāvako evaṁ padahitvā padahitvā evaṁ saritvā saritvā evaṁ samādahitvā samādahitvā evaṁ pajānitvā pajānitvā evaṁ abhisaddahati:

22-1

巴利原文

‘ime kho te dhammā ye me pubbe sutavā ahesuṁ.

23-1

巴利原文

Tenāhaṁ etarahi kāyena ca phusitvā viharāmi, paññāya ca ativijjha passāmī’ti.

24-1

巴利原文

Yā hissa, bhante, saddhā tadassa saddhindriyan”ti.

25-1

巴利原文

“Sādhu sādhu, sāriputta.

26-1

巴利原文

Yo so, sāriputta, ariyasāvako tathāgate ekantagato abhippasanno, na so tathāgate vā tathāgatasāsane vā kaṅkheyya vā vicikiccheyya vā.

27-1

巴利原文

Saddhassa hi, sāriputta, ariyasāvakassa etaṁ pāṭikaṅkhaṁ yaṁ āraddhavīriyo viharissati—

28-1

巴利原文

akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.

29-1

巴利原文

Yaṁ hissa, sāriputta, vīriyaṁ tadassa vīriyindriyaṁ.

30-1

巴利原文

Saddhassa hi, sāriputta, ariyasāvakassa āraddhavīriyassa etaṁ pāṭikaṅkhaṁ yaṁ satimā bhavissati, paramena satinepakkena samannāgato, cirakatampi cirabhāsitampi saritā anussaritā.

31-1

巴利原文

Yā hissa, sāriputta, sati tadassa satindriyaṁ.

32-1

巴利原文

Saddhassa hi, sāriputta, ariyasāvakassa āraddhavīriyassa upaṭṭhitassatino etaṁ pāṭikaṅkhaṁ yaṁ vossaggārammaṇaṁ karitvā labhissati samādhiṁ, labhissati cittassa ekaggataṁ.

33-1

巴利原文

Yo hissa, sāriputta, samādhi tadassa samādhindriyaṁ.

34-1

巴利原文

Saddhassa hi, sāriputta, ariyasāvakassa āraddhavīriyassa upaṭṭhitassatino samāhitacittassa etaṁ pāṭikaṅkhaṁ yaṁ evaṁ pajānissati—

35-1

巴利原文

anamataggo kho saṁsāro.

36-1

巴利原文

Pubbakoṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.

37-1

巴利原文

Avijjāya tveva tamokāyassa asesavirāganirodho santametaṁ padaṁ paṇītametaṁ padaṁ, yadidaṁ—

38-1

巴利原文

sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṁ.

39-1

巴利原文

Yā hissa, sāriputta, paññā tadassa paññindriyaṁ.

40-1

巴利原文

Saddho so, sāriputta, ariyasāvako evaṁ padahitvā padahitvā evaṁ saritvā saritvā evaṁ samādahitvā samādahitvā evaṁ pajānitvā pajānitvā evaṁ abhisaddahati:

41-1

巴利原文

‘ime kho te dhammā ye me pubbe sutavā ahesuṁ.

42-1

巴利原文

Tenāhaṁ etarahi kāyena ca phusitvā viharāmi, paññāya ca ativijjha passāmī’ti.

43-1

巴利原文

Yā hissa, sāriputta, saddhā tadassa saddhindriyan”ti.

44-1

巴利原文

Dasamaṁ.

45-1

巴利原文

Jarāvaggo pañcamo.

46-1

巴利原文

Tassuddānaṁ

47-1

巴利原文

Jarā uṇṇābho brāhmaṇo,

48-1

巴利原文

sāketo pubbakoṭṭhako;

49-1

巴利原文

Pubbārāme ca cattāri,

50-1

巴利原文

piṇḍolo āpaṇena cāti.