相應部第1688經（Saṁyutta Nikāya 55.52 / 6. Sappaññavagga / Vassaṁvutthasutta）

部類相應部

Pali NikāyaSaṁyutta Nikāya

總句數24

已譯句數0

1-1

巴利原文

Saṁyutta Nikāya 55.52

2-1

巴利原文

6. Sappaññavagga

3-1

巴利原文

Vassaṁvutthasutta

4-1

巴利原文

Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

5-1

巴利原文

Tena kho pana samayena aññataro bhikkhu sāvatthiyaṁ vassaṁvuttho kapilavatthuṁ anuppatto hoti kenacideva karaṇīyena.

6-1

巴利原文

Assosuṁ kho kāpilavatthavā sakyā: “aññataro kira bhikkhu sāvatthiyaṁ vassaṁvuttho kapilavatthuṁ anuppatto”ti.

7-1

巴利原文

Atha kho kāpilavatthavā sakyā yena so bhikkhu tenupasaṅkamiṁsu; upasaṅkamitvā taṁ bhikkhuṁ abhivādetvā ekamantaṁ nisīdiṁsu. Ekamantaṁ nisinnā kho kāpilavatthavā sakyā taṁ bhikkhuṁ etadavocuṁ:

8-1

巴利原文

“kacci, bhante, bhagavā arogo ceva balavā cā”ti?

9-1

巴利原文

“Arogo cāvuso, bhagavā balavā cā”ti.

10-1

巴利原文

“Kacci pana, bhante, sāriputtamoggallānā arogā ceva balavanto cā”ti?

11-1

巴利原文

“Sāriputtamoggallānāpi kho, āvuso, arogā ceva balavanto cā”ti.

12-1

巴利原文

“Kacci pana, bhante, bhikkhusaṅgho arogo ca balavā cā”ti.

13-1

巴利原文

“Bhikkhusaṅghopi kho, āvuso, arogo ca balavā cā”ti.

14-1

巴利原文

“Atthi pana te, bhante, kiñci iminā antaravassena bhagavato sammukhā sutaṁ sammukhā paṭiggahitan”ti?

15-1

巴利原文

“Sammukhā metaṁ, āvuso, bhagavato sutaṁ sammukhā paṭiggahitaṁ:

16-1

巴利原文

‘appakā te, bhikkhave, bhikkhū ye āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharanti.

17-1

巴利原文

Atha kho eteva bahutarā bhikkhū ye pañcannaṁ orambhāgiyānaṁ saṁyojanānaṁ parikkhayā opapātikā tattha parinibbāyino anāvattidhammā tasmā lokā’ti.

18-1

巴利原文

Aparampi kho me, āvuso, bhagavato sammukhā sutaṁ sammukhā paṭiggahitaṁ:

19-1

巴利原文

‘appakā te, bhikkhave, bhikkhū ye pañcannaṁ orambhāgiyānaṁ saṁyojanānaṁ parikkhayā opapātikā tattha parinibbāyino anāvattidhammā tasmā lokā.

20-1

巴利原文

Atha kho eteva bahutarā bhikkhū ye tiṇṇaṁ saṁyojanānaṁ parikkhayā rāgadosamohānaṁ tanuttā sakadāgāmino, sakideva imaṁ lokaṁ āgantvā dukkhassantaṁ karissantī’ti.

21-1

巴利原文

Aparampi kho me, āvuso, bhagavato sammukhā sutaṁ sammukhā paṭiggahitaṁ:

22-1

巴利原文

‘appakā te, bhikkhave, bhikkhū ye tiṇṇaṁ saṁyojanānaṁ parikkhayā rāgadosamohānaṁ tanuttā sakadāgāmino, sakideva imaṁ lokaṁ āgantvā dukkhassantaṁ karissanti.

23-1

巴利原文

Atha kho eteva bahutarā bhikkhū ye tiṇṇaṁ saṁyojanānaṁ parikkhayā sotāpannā avinipātadhammā niyatā sambodhiparāyaṇā’”ti.

24-1

巴利原文

Dutiyaṁ.