相應部第176經（Saṁyutta Nikāya 6.5 / 1. Paṭhamavagga / Aññatarabrahmasutta）

部類相應部

Pali NikāyaSaṁyutta Nikāya

總句數61

已譯句數0

1-1

巴利原文

Saṁyutta Nikāya 6.5

2-1

巴利原文

1. Paṭhamavagga

3-1

巴利原文

Aññatarabrahmasutta

4-1

巴利原文

Sāvatthinidānaṁ.

5-1

巴利原文

Tena kho pana samayena aññatarassa brahmuno evarūpaṁ pāpakaṁ diṭṭhigataṁ uppannaṁ hoti:

6-1

巴利原文

“natthi so samaṇo vā brāhmaṇo vā yo idha āgaccheyyā”ti.

7-1

巴利原文

Atha kho bhagavā tassa brahmuno cetasā cetoparivitakkamaññāya—seyyathāpi nāma balavā puriso …pe… tasmiṁ brahmaloke pāturahosi.

8-1

巴利原文

Atha kho bhagavā tassa brahmuno upari vehāsaṁ pallaṅkena nisīdi tejodhātuṁ samāpajjitvā.

9-1

巴利原文

Atha kho āyasmato mahāmoggallānassa etadahosi:

10-1

巴利原文

“kahaṁ nu kho bhagavā etarahi viharatī”ti?

11-1

巴利原文

Addasā kho āyasmā mahāmoggallāno bhagavantaṁ dibbena cakkhunā visuddhena atikkantamānusakena tassa brahmuno upari vehāsaṁ pallaṅkena nisinnaṁ tejodhātuṁ samāpannaṁ.

12-1

巴利原文

Disvāna—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—jetavane antarahito tasmiṁ brahmaloke pāturahosi.

13-1

巴利原文

Atha kho āyasmā mahāmoggallāno puratthimaṁ disaṁ nissāya tassa brahmuno upari vehāsaṁ pallaṅkena nisīdi tejodhātuṁ samāpajjitvā nīcataraṁ bhagavato.

14-1

巴利原文

Atha kho āyasmato mahākassapassa etadahosi:

15-1

巴利原文

“kahaṁ nu kho bhagavā etarahi viharatī”ti?

16-1

巴利原文

Addasā kho āyasmā mahākassapo bhagavantaṁ dibbena cakkhunā …pe…

17-1

巴利原文

disvāna—seyyathāpi nāma balavā puriso …pe… evameva—jetavane antarahito tasmiṁ brahmaloke pāturahosi.

18-1

巴利原文

Atha kho āyasmā mahākassapo dakkhiṇaṁ disaṁ nissāya tassa brahmuno upari vehāsaṁ pallaṅkena nisīdi tejodhātuṁ samāpajjitvā nīcataraṁ bhagavato.

19-1

巴利原文

Atha kho āyasmato mahākappinassa etadahosi:

20-1

巴利原文

“kahaṁ nu kho bhagavā etarahi viharatī”ti?

21-1

巴利原文

Addasā kho āyasmā mahākappino bhagavantaṁ dibbena cakkhunā …pe… tejodhātuṁ samāpannaṁ.

22-1

巴利原文

Disvāna—seyyathāpi nāma balavā puriso …pe…

23-1

巴利原文

evameva—jetavane antarahito tasmiṁ brahmaloke pāturahosi.

24-1

巴利原文

Atha kho āyasmā mahākappino pacchimaṁ disaṁ nissāya tassa brahmuno upari vehāsaṁ pallaṅkena nisīdi tejodhātuṁ samāpajjitvā nīcataraṁ bhagavato.

25-1

巴利原文

Atha kho āyasmato anuruddhassa etadahosi:

26-1

巴利原文

“kahaṁ nu kho bhagavā etarahi viharatī”ti?

27-1

巴利原文

Addasā kho āyasmā anuruddho …pe… tejodhātuṁ samāpannaṁ.

28-1

巴利原文

Disvāna—seyyathāpi nāma balavā puriso …pe… tasmiṁ brahmaloke pāturahosi.

29-1

巴利原文

Atha kho āyasmā anuruddho uttaraṁ disaṁ nissāya tassa brahmuno upari vehāsaṁ pallaṅkena nisīdi tejodhātuṁ samāpajjitvā nīcataraṁ bhagavato.

30-1

巴利原文

Atha kho āyasmā mahāmoggallāno taṁ brahmānaṁ gāthāya ajjhabhāsi:

31-1

巴利原文

“Ajjāpi te āvuso sā diṭṭhi,

32-1

巴利原文

Yā te diṭṭhi pure ahu;

33-1

巴利原文

Passasi vītivattantaṁ,

34-1

巴利原文

Brahmaloke pabhassaran”ti.

35-1

巴利原文

“Na me mārisa sā diṭṭhi,

36-1

巴利原文

yā me diṭṭhi pure ahu;

37-1

巴利原文

Passāmi vītivattantaṁ,

38-1

巴利原文

brahmaloke pabhassaraṁ;

39-1

巴利原文

Svāhaṁ ajja kathaṁ vajjaṁ,

40-1

巴利原文

ahaṁ niccomhi sassato”ti.

41-1

巴利原文

Atha kho bhagavā taṁ brahmānaṁ saṁvejetvā—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—tasmiṁ brahmaloke antarahito jetavane pāturahosi.

42-1

巴利原文

Atha kho so brahmā aññataraṁ brahmapārisajjaṁ āmantesi:

43-1

巴利原文

“ehi tvaṁ, mārisa, yenāyasmā mahāmoggallāno tenupasaṅkama; upasaṅkamitvā āyasmantaṁ mahāmoggallānaṁ evaṁ vadehi:

44-1

巴利原文

‘atthi nu kho, mārisa moggallāna, aññepi tassa bhagavato sāvakā evaṁmahiddhikā evaṁmahānubhāvā;

45-1

巴利原文

seyyathāpi bhavaṁ moggallāno kassapo kappino anuruddho’”ti?

46-1

巴利原文

“Evaṁ, mārisā”ti kho so brahmapārisajjo tassa brahmuno paṭissutvā yenāyasmā mahāmoggallāno tenupasaṅkami; upasaṅkamitvā āyasmantaṁ mahāmoggallānaṁ etadavoca:

47-1

巴利原文

“atthi nu kho, mārisa moggallāna, aññepi tassa bhagavato sāvakā evaṁmahiddhikā evaṁmahānubhāvā;

48-1

巴利原文

seyyathāpi bhavaṁ moggallāno kassapo kappino anuruddho”ti?

49-1

巴利原文

Atha kho āyasmā mahāmoggallāno taṁ brahmapārisajjaṁ gāthāya ajjhabhāsi:

50-1

巴利原文

“Tevijjā iddhipattā ca,

51-1

巴利原文

cetopariyāyakovidā;

52-1

巴利原文

Khīṇāsavā arahanto,

53-1

巴利原文

bahū buddhassa sāvakā”ti.

54-1

巴利原文

Atha kho so brahmapārisajjo āyasmato mahāmoggallānassa bhāsitaṁ abhinanditvā anumoditvā yena so brahmā tenupasaṅkami; upasaṅkamitvā taṁ brahmānaṁ etadavoca:

55-1

巴利原文

“āyasmā, mārisa, mahāmoggallāno evamāha:

56-1

巴利原文

‘Tevijjā iddhipattā ca,

57-1

巴利原文

cetopariyāyakovidā;

58-1

巴利原文

Khīṇāsavā arahanto,

59-1

巴利原文

bahū buddhassa sāvakā’”ti.

60-1

巴利原文

Idamavoca so brahmapārisajjo.

61-1

巴利原文

Attamano ca so brahmā tassa brahmapārisajjassa bhāsitaṁ abhinandīti.