相應部第207經（Saṁyutta Nikāya 7.21 / 2. Upāsakavagga / Saṅgāravasutta）

部類相應部

Pali NikāyaSaṁyutta Nikāya

總句數25

已譯句數0

1-1

巴利原文

Saṁyutta Nikāya 7.21

2-1

巴利原文

2. Upāsakavagga

3-1

巴利原文

Saṅgāravasutta

4-1

巴利原文

Sāvatthinidānaṁ.

5-1

巴利原文

Tena kho pana samayena saṅgāravo nāma brāhmaṇo sāvatthiyaṁ paṭivasati udakasuddhiko, udakena parisuddhiṁ pacceti, sāyaṁ pātaṁ udakorohanānuyogamanuyutto viharati.

6-1

巴利原文

Atha kho āyasmā ānando pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.

7-1

巴利原文

Sāvatthiyaṁ piṇḍāya caritvā pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:

8-1

巴利原文

“idha, bhante, saṅgāravo nāma brāhmaṇo sāvatthiyaṁ paṭivasati udakasuddhiko, udakena suddhiṁ pacceti, sāyaṁ pātaṁ udakorohanānuyogamanuyutto viharati.

9-1

巴利原文

Sādhu, bhante, bhagavā yena saṅgāravassa brāhmaṇassa nivesanaṁ tenupasaṅkamatu anukampaṁ upādāyā”ti.

10-1

巴利原文

Adhivāsesi bhagavā tuṇhībhāvena.

11-1

巴利原文

Atha kho bhagavā pubbaṇhasamayaṁ nivāsetvā pattacīvaramādāya yena saṅgāravassa brāhmaṇassa nivesanaṁ tenupasaṅkami; upasaṅkamitvā paññatte āsane nisīdi.

12-1

巴利原文

Atha kho saṅgāravo brāhmaṇo yena bhagavā tenupasaṅkami; upasaṅkamitvā bhagavatā saddhiṁ sammodi.

13-1

巴利原文

Sammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinnaṁ kho saṅgāravaṁ brāhmaṇaṁ bhagavā etadavoca:

14-1

巴利原文

“saccaṁ kira tvaṁ, brāhmaṇa, udakasuddhiko, udakena suddhiṁ paccesi, sāyaṁ pātaṁ udakorohanānuyogamanuyutto viharasī”ti?

15-1

巴利原文

“Evaṁ, bho gotama”.

16-1

巴利原文

“Kiṁ pana tvaṁ, brāhmaṇa, atthavasaṁ sampassamāno udakasuddhiko, udakasuddhiṁ paccesi, sāyaṁ pātaṁ udakorohanānuyogamanuyutto viharasī”ti?

17-1

巴利原文

“Idha me, bho gotama, yaṁ divā pāpakammaṁ kataṁ hoti, taṁ sāyaṁ nhānena pavāhemi, yaṁ rattiṁ pāpakammaṁ kataṁ hoti taṁ pātaṁ nhānena pavāhemi.

18-1

巴利原文

Imaṁ khvāhaṁ, bho gotama, atthavasaṁ sampassamāno udakasuddhiko, udakena suddhiṁ paccemi, sāyaṁ pātaṁ udakorohanānuyogamanuyutto viharāmī”ti.

19-1

巴利原文

“Dhammo rahado brāhmaṇa sīlatittho,

20-1

巴利原文

Anāvilo sabbhi sataṁ pasattho;

21-1

巴利原文

Yattha have vedaguno sinātā,

22-1

巴利原文

Anallagattāva taranti pāran”ti.

23-1

巴利原文

Evaṁ vutte, saṅgāravo brāhmaṇo bhagavantaṁ etadavoca:

24-1

巴利原文

“abhikkantaṁ, bho gotama, abhikkantaṁ, bho gotama …pe…

25-1

巴利原文

upāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.