相應部第293經（Saṁyutta Nikāya 12.22 / 3. Dasabalavagga / Dutiyadasabalasutta）

部類相應部

Pali NikāyaSaṁyutta Nikāya

總句數34

已譯句數0

1-1

巴利原文

Saṁyutta Nikāya 12.22

2-1

巴利原文

3. Dasabalavagga

3-1

巴利原文

Dutiyadasabalasutta

4-1

巴利原文

Sāvatthiyaṁ viharati.

5-1

巴利原文

“Dasabalasamannāgato, bhikkhave, tathāgato catūhi ca vesārajjehi samannāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti:

6-1

巴利原文

‘iti rūpaṁ iti rūpassa samudayo iti rūpassa atthaṅgamo,

7-1

巴利原文

iti vedanā iti vedanāya samudayo iti vedanāya atthaṅgamo,

8-1

巴利原文

iti saññā iti saññāya samudayo iti saññāya atthaṅgamo,

9-1

巴利原文

iti saṅkhārā iti saṅkhārānaṁ samudayo iti saṅkhārānaṁ atthaṅgamo,

10-1

巴利原文

iti viññāṇaṁ iti viññāṇassa samudayo iti viññāṇassa atthaṅgamo.

11-1

巴利原文

Iti imasmiṁ sati idaṁ hoti, imassuppādā idaṁ uppajjati;

12-1

巴利原文

imasmiṁ asati idaṁ na hoti imassa nirodhā idaṁ nirujjhati.

13-1

巴利原文

Yadidaṁ avijjāpaccayā saṅkhārā;

14-1

巴利原文

saṅkhārapaccayā viññāṇaṁ …pe…

15-1

巴利原文

evametassa kevalassa dukkhakkhandhassa samudayo hoti.

16-1

巴利原文

Avijjāya tveva asesavirāganirodhā saṅkhāranirodho;

17-1

巴利原文

saṅkhāranirodhā viññāṇanirodho …pe…

18-1

巴利原文

evametassa kevalassa dukkhakkhandhassa nirodho hoti’.

19-1

巴利原文

Evaṁ svākkhāto, bhikkhave, mayā dhammo uttāno vivaṭo pakāsito chinnapilotiko.

20-1

巴利原文

Evaṁ svākkhāte kho, bhikkhave, mayā dhamme uttāne vivaṭe pakāsite chinnapilotike alameva saddhāpabbajitena kulaputtena vīriyaṁ ārabhituṁ:

21-1

巴利原文

‘kāmaṁ taco ca nhāru ca aṭṭhi ca avasissatu, sarīre upassussatu maṁsalohitaṁ. Yaṁ taṁ purisathāmena purisavīriyena purisaparakkamena pattabbaṁ, na taṁ apāpuṇitvā vīriyassa saṇṭhānaṁ bhavissatī’ti.

22-1

巴利原文

Dukkhaṁ, bhikkhave, kusīto viharati vokiṇṇo pāpakehi akusalehi dhammehi, mahantañca sadatthaṁ parihāpeti.

23-1

巴利原文

Āraddhavīriyo ca kho, bhikkhave, sukhaṁ viharati pavivitto pāpakehi akusalehi dhammehi, mahantañca sadatthaṁ paripūreti.

24-1

巴利原文

Na, bhikkhave, hīnena aggassa patti hoti.

25-1

巴利原文

Aggena ca kho, bhikkhave, aggassa patti hoti.

26-1

巴利原文

Maṇḍapeyyamidaṁ, bhikkhave, brahmacariyaṁ, satthā sammukhībhūto.

27-1

巴利原文

Tasmātiha, bhikkhave, vīriyaṁ ārabhatha appattassa pattiyā, anadhigatassa adhigamāya, asacchikatassa sacchikiriyāya.

28-1

巴利原文

‘Evaṁ no ayaṁ amhākaṁ pabbajjā avañjhā bhavissati saphalā saudrayā.

29-1

巴利原文

Yesañca mayaṁ paribhuñjāma cīvarapiṇḍapātasenāsanagilānappaccayabhesajjaparikkhāraṁ tesaṁ te kārā amhesu mahapphalā bhavissanti mahānisaṁsā’ti—

30-1

巴利原文

evañhi vo, bhikkhave, sikkhitabbaṁ.

31-1

巴利原文

Attatthaṁ vā hi, bhikkhave, sampassamānena alameva appamādena sampādetuṁ;

32-1

巴利原文

paratthaṁ vā hi, bhikkhave, sampassamānena alameva appamādena sampādetuṁ;

33-1

巴利原文

ubhayatthaṁ vā hi, bhikkhave, sampassamānena alameva appamādena sampādetun”ti.

34-1

巴利原文

Dutiyaṁ.