相應部第422經（Saṁyutta Nikāya 16.6 / 1. Kassapavagga / Ovādasutta）

部類相應部

Pali NikāyaSaṁyutta Nikāya

總句數36

已譯句數0

1-1

巴利原文

Saṁyutta Nikāya 16.6

2-1

巴利原文

1. Kassapavagga

3-1

巴利原文

Ovādasutta

4-1

巴利原文

Rājagahe veḷuvane.

5-1

巴利原文

Atha kho āyasmā mahākassapo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ mahākassapaṁ bhagavā etadavoca:

6-1

巴利原文

“ovada, kassapa, bhikkhū;

7-1

巴利原文

karohi, kassapa, bhikkhūnaṁ dhammiṁ kathaṁ.

8-1

巴利原文

Ahaṁ vā, kassapa, bhikkhū ovadeyyaṁ tvaṁ vā;

9-1

巴利原文

ahaṁ vā bhikkhūnaṁ dhammiṁ kathaṁ kareyyaṁ tvaṁ vā”ti.

10-1

巴利原文

“Dubbacā kho, bhante, etarahi bhikkhū, dovacassakaraṇehi dhammehi samannāgatā, akkhamā, appadakkhiṇaggāhino anusāsaniṁ.

11-1

巴利原文

Idhāhaṁ, bhante, addasaṁ bhaṇḍañca nāma bhikkhuṁ ānandassa saddhivihāriṁ abhijikañca nāma bhikkhuṁ anuruddhassa saddhivihāriṁ aññamaññaṁ sutena accāvadante:

12-1

巴利原文

‘ehi, bhikkhu, ko bahutaraṁ bhāsissati, ko sundarataraṁ bhāsissati, ko cirataraṁ bhāsissatī’”ti.

13-1

巴利原文

Atha kho bhagavā aññataraṁ bhikkhuṁ āmantesi:

14-1

巴利原文

“ehi tvaṁ, bhikkhu, mama vacanena bhaṇḍañca bhikkhuṁ ānandassa saddhivihāriṁ abhijikañca bhikkhuṁ anuruddhassa saddhivihāriṁ āmantehi:

15-1

巴利原文

‘satthā āyasmante āmantetī’”ti.

16-1

巴利原文

“Evaṁ, bhante”ti kho so bhikkhu bhagavato paṭissutvā yena te bhikkhū tenupasaṅkami; upasaṅkamitvā te bhikkhū etadavoca:

17-1

巴利原文

“satthā āyasmante āmantetī”ti.

18-1

巴利原文

“Evamāvuso”ti kho te bhikkhū tassa bhikkhuno paṭissutvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinne kho te bhikkhū bhagavā etadavoca:

19-1

巴利原文

“saccaṁ kira tumhe, bhikkhave, aññamaññaṁ sutena accāvadatha:

20-1

巴利原文

‘ehi, bhikkhu, ko bahutaraṁ bhāsissati, ko sundarataraṁ bhāsissati, ko cirataraṁ bhāsissatī’”ti?

21-1

巴利原文

“Evaṁ, bhante”.

22-1

巴利原文

“Kiṁ nu kho me tumhe, bhikkhave, evaṁ dhammaṁ desitaṁ ājānātha:

23-1

巴利原文

‘etha tumhe, bhikkhave, aññamaññaṁ sutena accāvadatha—

24-1

巴利原文

ehi, bhikkhu, ko bahutaraṁ bhāsissati, ko sundarataraṁ bhāsissati, ko cirataraṁ bhāsissatī’”ti?

25-1

巴利原文

“No hetaṁ, bhante”.

26-1

巴利原文

“No ce kira me tumhe, bhikkhave, evaṁ dhammaṁ desitaṁ ājānātha, atha kiñcarahi tumhe, moghapurisā, kiṁ jānantā kiṁ passantā evaṁ svākkhāte dhammavinaye pabbajitā samānā aññamaññaṁ sutena accāvadatha:

27-1

巴利原文

‘ehi, bhikkhu, ko bahutaraṁ bhāsissati, ko sundarataraṁ bhāsissati, ko cirataraṁ bhāsissatī’”ti.

28-1

巴利原文

Atha kho te bhikkhū bhagavato pādesu sirasā nipatitvā bhagavantaṁ etadavocuṁ:

29-1

巴利原文

“accayo no, bhante, accagamā, yathābāle yathāmūḷhe yathāakusale, ye mayaṁ evaṁ svākkhāte dhammavinaye pabbajitā samānā aññamaññaṁ sutena accāvadimha:

30-1

巴利原文

‘ehi, bhikkhu, ko bahutaraṁ bhāsissati, ko sundarataraṁ bhāsissati, ko cirataraṁ bhāsissatī’ti.

31-1

巴利原文

Tesaṁ no, bhante, bhagavā accayaṁ accayato paṭiggaṇhātu āyatiṁ saṁvarāyā”ti.

32-1

巴利原文

“Taggha tumhe, bhikkhave, accayo accagamā yathābāle yathāmūḷhe yathāakusale, ye tumhe evaṁ svākkhāte dhammavinaye pabbajitā samānā aññamaññaṁ sutena accāvadittha:

33-1

巴利原文

‘ehi, bhikkhu, ko bahutaraṁ bhāsissati, ko sundarataraṁ bhāsissati, ko cirataraṁ bhāsissatī’ti.

34-1

巴利原文

Yato ca kho tumhe, bhikkhave, accayaṁ accayato disvā yathādhammaṁ paṭikarotha, taṁ vo mayaṁ paṭiggaṇhāma.

35-1

巴利原文

Vuddhi hesā, bhikkhave, ariyassa vinaye yo accayaṁ accayato disvā yathādhammaṁ paṭikaroti āyatiñca saṁvaraṁ āpajjatī”ti.

36-1

巴利原文

Chaṭṭhaṁ.