相應部第501經（Saṁyutta Nikāya 20.6 / 1. Opammavagga / Dhanuggahasutta）

部類相應部

Pali NikāyaSaṁyutta Nikāya

總句數17

已譯句數0

1-1

巴利原文

Saṁyutta Nikāya 20.6

2-1

巴利原文

1. Opammavagga

3-1

巴利原文

Dhanuggahasutta

4-1

巴利原文

Sāvatthiyaṁ viharati.

5-1

巴利原文

“Seyyathāpi, bhikkhave, cattāro daḷhadhammā dhanuggahā susikkhitā katahatthā katūpāsanā catuddisā ṭhitā assu.

6-1

巴利原文

Atha puriso āgaccheyya:

7-1

巴利原文

‘ahaṁ imesaṁ catunnaṁ daḷhadhammānaṁ dhanuggahānaṁ susikkhitānaṁ katahatthānaṁ katūpāsanānaṁ catuddisā kaṇḍe khitte appatiṭṭhite pathaviyaṁ gahetvā āharissāmī’ti.

8-1

巴利原文

Taṁ kiṁ maññatha, bhikkhave,

9-1

巴利原文

‘javano puriso paramena javena samannāgato’ti alaṁvacanāyā”ti?

10-1

巴利原文

“Ekassa cepi, bhante, daḷhadhammassa dhanuggahassa susikkhitassa katahatthassa katūpāsanassa kaṇḍaṁ khittaṁ appatiṭṭhitaṁ pathaviyaṁ gahetvā āhareyya:

11-1

巴利原文

‘javano puriso paramena javena samannāgato’ti alaṁvacanāya, ko pana vādo catunnaṁ daḷhadhammānaṁ dhanuggahānaṁ susikkhitānaṁ katahatthānaṁ katūpāsanānan”ti?

12-1

巴利原文

“Yathā ca, bhikkhave, tassa purisassa javo, yathā ca candimasūriyānaṁ javo, tato sīghataro.

13-1

巴利原文

Yathā ca, bhikkhave, tassa purisassa javo yathā ca candimasūriyānaṁ javo yathā ca yā devatā candimasūriyānaṁ purato dhāvanti tāsaṁ devatānaṁ javo, (…) tato sīghataraṁ āyusaṅkhārā khīyanti.

14-1

巴利原文

Tasmātiha, bhikkhave, evaṁ sikkhitabbaṁ:

15-1

巴利原文

‘appamattā viharissāmā’ti.

16-1

巴利原文

Evañhi vo, bhikkhave, sikkhitabban”ti.

17-1

巴利原文

Chaṭṭhaṁ.