相應部第504經（Saṁyutta Nikāya 20.9 / 1. Opammavagga / Nāgasutta）

部類相應部

Pali NikāyaSaṁyutta Nikāya

總句數37

已譯句數0

1-1

巴利原文

Saṁyutta Nikāya 20.9

2-1

巴利原文

1. Opammavagga

3-1

巴利原文

Nāgasutta

4-1

巴利原文

Evaṁ me sutaṁ—

5-1

巴利原文

ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

6-1

巴利原文

Tena kho pana samayena aññataro navo bhikkhu ativelaṁ kulāni upasaṅkamati.

7-1

巴利原文

Tamenaṁ bhikkhū evamāhaṁsu:

8-1

巴利原文

“māyasmā ativelaṁ kulāni upasaṅkamī”ti.

9-1

巴利原文

So bhikkhu bhikkhūhi vuccamāno evamāha:

10-1

巴利原文

“ime hi nāma therā bhikkhū kulāni upasaṅkamitabbaṁ maññissanti, kimaṅgaṁ panāhan”ti?

11-1

巴利原文

Atha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:

12-1

巴利原文

“idha, bhante, aññataro navo bhikkhu ativelaṁ kulāni upasaṅkamati.

13-1

巴利原文

Tamenaṁ bhikkhū evamāhaṁsu:

14-1

巴利原文

‘māyasmā ativelaṁ kulāni upasaṅkamī’ti.

15-1

巴利原文

So bhikkhu bhikkhūhi vuccamāno evamāha:

16-1

巴利原文

‘ime hi nāma therā bhikkhū kulāni upasaṅkamitabbaṁ maññissanti, kimaṅgaṁ panāhan’”ti.

17-1

巴利原文

“Bhūtapubbaṁ, bhikkhave, araññāyatane mahāsarasī.

18-1

巴利原文

Taṁ nāgā upanissāya viharanti.

19-1

巴利原文

Te taṁ sarasiṁ ogāhetvā soṇḍāya bhisamuḷālaṁ abbuhetvā suvikkhālitaṁ vikkhāletvā akaddamaṁ saṅkhāditvā ajjhoharanti.

20-1

巴利原文

Tesaṁ taṁ vaṇṇāya ceva hoti balāya ca, na ca tatonidānaṁ maraṇaṁ vā nigacchanti maraṇamattaṁ vā dukkhaṁ.

21-1

巴利原文

Tesaṁyeva kho pana, bhikkhave, mahānāgānaṁ anusikkhamānā taruṇā bhiṅkacchāpā taṁ sarasiṁ ogāhetvā soṇḍāya bhisamuḷālaṁ abbuhetvā na suvikkhālitaṁ vikkhāletvā sakaddamaṁ asaṅkhāditvā ajjhoharanti.

22-1

巴利原文

Tesaṁ taṁ neva vaṇṇāya hoti na balāya.

23-1

巴利原文

Tatonidānaṁ maraṇaṁ vā nigacchanti maraṇamattaṁ vā dukkhaṁ.

24-1

巴利原文

Evameva kho, bhikkhave, idha therā bhikkhū pubbaṇhasamayaṁ nivāsetvā pattacīvaramādāya gāmaṁ vā nigamaṁ vā piṇḍāya pavisanti.

25-1

巴利原文

Te tattha dhammaṁ bhāsanti.

26-1

巴利原文

Tesaṁ gihī pasannākāraṁ karonti.

27-1

巴利原文

Te taṁ lābhaṁ agadhitā amucchitā anajjhopannā ādīnavadassāvino nissaraṇapaññā paribhuñjanti.

28-1

巴利原文

Tesaṁ taṁ vaṇṇāya ceva hoti balāya ca, na ca tatonidānaṁ maraṇaṁ vā nigacchanti maraṇamattaṁ vā dukkhaṁ.

29-1

巴利原文

Tesaṁyeva kho pana, bhikkhave, therānaṁ bhikkhūnaṁ anusikkhamānā navā bhikkhū pubbaṇhasamayaṁ nivāsetvā pattacīvaramādāya gāmaṁ vā nigamaṁ vā piṇḍāya pavisanti.

30-1

巴利原文

Te tattha dhammaṁ bhāsanti.

31-1

巴利原文

Tesaṁ gihī pasannākāraṁ karonti.

32-1

巴利原文

Te taṁ lābhaṁ gadhitā mucchitā ajjhopannā anādīnavadassāvino anissaraṇapaññā paribhuñjanti.

33-1

巴利原文

Tesaṁ taṁ neva vaṇṇāya hoti na balāya, te tatonidānaṁ maraṇaṁ vā nigacchanti maraṇamattaṁ vā dukkhaṁ.

34-1

巴利原文

Tasmātiha, bhikkhave, evaṁ sikkhitabbaṁ:

35-1

巴利原文

‘agadhitā amucchitā anajjhopannā ādīnavadassāvino nissaraṇapaññā taṁ lābhaṁ paribhuñjissāmā’ti.

36-1

巴利原文

Evañhi vo, bhikkhave, sikkhitabban”ti.

37-1

巴利原文

Navamaṁ.