相應部第607經（Saṁyutta Nikāya 22.88 / 9. Theravagga / Assajisutta）

部類相應部

Pali NikāyaSaṁyutta Nikāya

總句數54

已譯句數0

1-1

巴利原文

Saṁyutta Nikāya 22.88

2-1

巴利原文

9. Theravagga

3-1

巴利原文

Assajisutta

4-1

巴利原文

Ekaṁ samayaṁ bhagavā rājagahe viharati veḷuvane kalandakanivāpe.

5-1

巴利原文

Tena kho pana samayena āyasmā assaji kassapakārāme viharati ābādhiko dukkhito bāḷhagilāno.

6-1

巴利原文

Atha kho āyasmā assaji upaṭṭhāke āmantesi:

7-1

巴利原文

“etha tumhe, āvuso, yena bhagavā tenupasaṅkamatha; upasaṅkamitvā mama vacanena bhagavato pāde sirasā vandatha:

8-1

巴利原文

‘assaji, bhante, bhikkhu ābādhiko dukkhito bāḷhagilāno.

9-1

巴利原文

So bhagavato pāde sirasā vandatī’ti.

10-1

巴利原文

Evañca vadetha:

11-1

巴利原文

‘sādhu kira, bhante, bhagavā yena assaji bhikkhu tenupasaṅkamatu anukampaṁ upādāyā’”ti.

12-1

巴利原文

“Evamāvuso”ti kho te bhikkhū āyasmato assajissa paṭissutvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:

13-1

巴利原文

“assaji, bhante, bhikkhu ābādhiko …pe…

14-1

巴利原文

sādhu kira, bhante, bhagavā yena assaji bhikkhu tenupasaṅkamatu anukampaṁ upādāyā”ti.

15-1

巴利原文

Adhivāsesi bhagavā tuṇhībhāvena.

16-1

巴利原文

Atha kho bhagavā sāyanhasamayaṁ paṭisallānā vuṭṭhito yenāyasmā assaji tenupasaṅkami.

17-1

巴利原文

Addasā kho āyasmā assaji bhagavantaṁ dūratova āgacchantaṁ.

18-1

巴利原文

Disvāna mañcake samadhosi.

19-1

巴利原文

Atha kho bhagavā āyasmantaṁ assajiṁ etadavoca:

20-1

巴利原文

“alaṁ, assaji, mā tvaṁ mañcake samadhosi.

21-1

巴利原文

Santimāni āsanāni paññattāni, tatthāhaṁ nisīdissāmī”ti.

22-1

巴利原文

Nisīdi bhagavā paññatte āsane. Nisajja kho bhagavā āyasmantaṁ assajiṁ etadavoca:

23-1

巴利原文

“kacci te, assaji, khamanīyaṁ, kacci yāpanīyaṁ …pe… paṭikkamosānaṁ paññāyati no abhikkamo”ti?

24-1

巴利原文

“Na me, bhante, khamanīyaṁ …pe… abhikkamosānaṁ paññāyati no paṭikkamo”ti.

25-1

巴利原文

“Kacci te, assaji, na kiñci kukkuccaṁ na koci vippaṭisāro”ti?

26-1

巴利原文

“Taggha me, bhante, anappakaṁ kukkuccaṁ anappako vippaṭisāro”ti.

27-1

巴利原文

“Kacci pana taṁ, assaji, attā sīlato na upavadatī”ti?

28-1

巴利原文

“Na kho maṁ, bhante, attā sīlato upavadatī”ti.

29-1

巴利原文

“No ce kira taṁ, assaji, attā sīlato upavadati, atha kiñca te kukkuccaṁ ko ca vippaṭisāro”ti?

30-1

巴利原文

“Pubbe khvāhaṁ, bhante, gelaññe passambhetvā passambhetvā kāyasaṅkhāre viharāmi, sohaṁ samādhiṁ nappaṭilabhāmi.

31-1

巴利原文

Tassa mayhaṁ, bhante, taṁ samādhiṁ appaṭilabhato evaṁ hoti:

32-1

巴利原文

‘no cassāhaṁ parihāyāmī’”ti.

33-1

巴利原文

“Ye te, assaji, samaṇabrāhmaṇā samādhisārakā samādhisāmaññā tesaṁ taṁ samādhiṁ appaṭilabhataṁ evaṁ hoti:

34-1

巴利原文

‘no cassu mayaṁ parihāyāmā’ti.

35-1

巴利原文

Taṁ kiṁ maññasi, assaji,

36-1

巴利原文

rūpaṁ niccaṁ vā aniccaṁ vā”ti?

37-1

巴利原文

“Aniccaṁ, bhante” …pe…

38-1

巴利原文

viññāṇaṁ …pe…

39-1

巴利原文

“tasmātiha …pe…

40-1

巴利原文

evaṁ passaṁ …pe…

41-1

巴利原文

nāparaṁ itthattāyāti pajānātīti.

42-1

巴利原文

So sukhañce vedanaṁ vedayati, sā ‘aniccā’ti pajānāti. ‘Anajjhositā’ti pajānāti. ‘Anabhinanditā’ti pajānāti.

43-1

巴利原文

Dukkhañce vedanaṁ vedayati, sā ‘aniccā’ti pajānāti. ‘Anajjhositā’ti pajānāti. ‘Anabhinanditā’ti pajānāti.

44-1

巴利原文

Adukkhamasukhañce vedanaṁ vedayati, sā ‘aniccā’ti pajānāti …pe… ‘anabhinanditā’ti pajānāti.

45-1

巴利原文

So sukhañce vedanaṁ vedayati, visaṁyutto naṁ vedayati;

46-1

巴利原文

dukkhañce vedanaṁ vedayati, visaṁyutto naṁ vedayati;

47-1

巴利原文

adukkhamasukhañce vedanaṁ vedayati, visaṁyutto naṁ vedayati.

48-1

巴利原文

So kāyapariyantikañce vedanaṁ vedayamāno ‘kāyapariyantikaṁ vedanaṁ vedayāmī’ti pajānāti. Jīvitapariyantikañce vedanaṁ vedayamāno ‘jīvitapariyantikaṁ vedanaṁ vedayāmī’ti pajānāti.

49-1

巴利原文

‘Kāyassa bhedā uddhaṁ jīvitapariyādānā idheva sabbavedayitāni anabhinanditāni sītībhavissantī’ti pajānāti.

50-1

巴利原文

Seyyathāpi, assaji, telañca paṭicca, vaṭṭiñca paṭicca, telappadīpo jhāyeyya;

51-1

巴利原文

tasseva telassa ca vaṭṭiyā ca pariyādānā anāhāro nibbāyeyya.

52-1

巴利原文

Evameva kho, assaji, bhikkhu kāyapariyantikaṁ vedanaṁ vedayamāno ‘kāyapariyantikaṁ vedanaṁ vedayāmī’ti pajānāti. Jīvitapariyantikaṁ vedanaṁ vedayamāno ‘jīvitapariyantikaṁ vedanaṁ vedayāmī’ti pajānāti.

53-1

巴利原文

‘Kāyassa bhedā uddhaṁ jīvitapariyādānā idheva sabbavedayitāni anabhinanditāni sītībhavissantī’ti pajānātī”ti.

54-1

巴利原文

Chaṭṭhaṁ.