相應部第770經（Saṁyutta Nikāya 28.1 / 1. Sāriputtavagga / Vivekajasutta）

部類相應部

Pali NikāyaSaṁyutta Nikāya

總句數19

已譯句數0

1-1

巴利原文

Saṁyutta Nikāya 28.1

2-1

巴利原文

1. Sāriputtavagga

3-1

巴利原文

Vivekajasutta

4-1

巴利原文

Ekaṁ samayaṁ āyasmā sāriputto sāvatthiyaṁ viharati jetavane anāthapiṇḍikassa ārāme.

5-1

巴利原文

Atha kho āyasmā sāriputto pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.

6-1

巴利原文

Sāvatthiyaṁ piṇḍāya caritvā pacchābhattaṁ piṇḍapātapaṭikkanto yena andhavanaṁ tenupasaṅkami divāvihārāya.

7-1

巴利原文

Andhavanaṁ ajjhogāhetvā aññatarasmiṁ rukkhamūle divāvihāraṁ nisīdi.

8-1

巴利原文

Atha kho āyasmā sāriputto sāyanhasamayaṁ paṭisallānā vuṭṭhito yena jetavanaṁ anāthapiṇḍikassa ārāmo tenupasaṅkami.

9-1

巴利原文

Addasā kho āyasmā ānando āyasmantaṁ sāriputtaṁ dūratova āgacchantaṁ.

10-1

巴利原文

Disvāna āyasmantaṁ sāriputtaṁ etadavoca:

11-1

巴利原文

“vippasannāni kho te, āvuso sāriputta, indriyāni; parisuddho mukhavaṇṇo pariyodāto.

12-1

巴利原文

Katamenāyasmā sāriputto ajja vihārena vihāsī”ti?

13-1

巴利原文

“Idhāhaṁ, āvuso, vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharāmi.

14-1

巴利原文

Tassa mayhaṁ, āvuso, na evaṁ hoti:

15-1

巴利原文

‘ahaṁ paṭhamaṁ jhānaṁ samāpajjāmī’ti vā ‘ahaṁ paṭhamaṁ jhānaṁ samāpanno’ti vā ‘ahaṁ paṭhamā jhānā vuṭṭhito’ti vā”ti.

16-1

巴利原文

Tathā hi panāyasmato sāriputtassa dīgharattaṁ ahaṅkāramamaṅkāramānānusayā susamūhatā.

17-1

巴利原文

Tasmā āyasmato sāriputtassa na evaṁ hoti:

18-1

巴利原文

“‘ahaṁ paṭhamaṁ jhānaṁ samāpajjāmī’ti vā ‘ahaṁ paṭhamaṁ jhānaṁ samāpanno’ti vā ‘ahaṁ paṭhamā jhānā vuṭṭhito’ti vā”ti.

19-1

巴利原文

Paṭhamaṁ.