相應部第885經（Saṁyutta Nikāya 35.30 / 3. Sabbavagga / Samugghātasāruppasutta）

部類相應部

Pali NikāyaSaṁyutta Nikāya

總句數27

已譯句數0

1-1

巴利原文

Saṁyutta Nikāya 35.30

2-1

巴利原文

3. Sabbavagga

3-1

巴利原文

Samugghātasāruppasutta

4-1

巴利原文

“Sabbamaññitasamugghātasāruppaṁ vo, bhikkhave, paṭipadaṁ desessāmi.

5-1

巴利原文

Taṁ suṇātha, sādhukaṁ manasi karotha, bhāsissāmīti.

6-1

巴利原文

Katamā ca sā, bhikkhave, sabbamaññitasamugghātasāruppā paṭipadā?

7-1

巴利原文

Idha, bhikkhave, bhikkhu cakkhuṁ na maññati, cakkhusmiṁ na maññati, cakkhuto na maññati, cakkhuṁ meti na maññati.

8-1

巴利原文

Rūpe na maññati, rūpesu na maññati, rūpato na maññati, rūpā meti na maññati.

9-1

巴利原文

Cakkhuviññāṇaṁ na maññati, cakkhuviññāṇasmiṁ na maññati, cakkhuviññāṇato na maññati, cakkhuviññāṇaṁ meti na maññati.

10-1

巴利原文

Cakkhusamphassaṁ na maññati, cakkhusamphassasmiṁ na maññati, cakkhusamphassato na maññati, cakkhusamphasso meti na maññati.

11-1

巴利原文

Yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi na maññati, tasmimpi na maññati, tatopi na maññati, taṁ meti na maññati …pe…

12-1

巴利原文

jivhaṁ na maññati, jivhāya na maññati, jivhāto na maññati, jivhā meti na maññati.

13-1

巴利原文

Rase na maññati, rasesu na maññati, rasato na maññati, rasā meti na maññati.

14-1

巴利原文

Jivhāviññāṇaṁ na maññati, jivhāviññāṇasmiṁ na maññati, jivhāviññāṇato na maññati, jivhāviññāṇaṁ meti na maññati.

15-1

巴利原文

Jivhāsamphassaṁ na maññati, jivhāsamphassasmiṁ na maññati, jivhāsamphassato na maññati, jivhāsamphasso meti na maññati.

16-1

巴利原文

Yampidaṁ jivhāsamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi na maññati, tasmimpi na maññati, tatopi na maññati, taṁ meti na maññati …pe…

17-1

巴利原文

manaṁ na maññati, manasmiṁ na maññati, manato na maññati, mano meti na maññati.

18-1

巴利原文

Dhamme na maññati, dhammesu na maññati, dhammato na maññati, dhammā meti na maññati.

19-1

巴利原文

Manoviññāṇaṁ na maññati, manoviññāṇasmiṁ na maññati, manoviññāṇato na maññati, manoviññāṇaṁ meti na maññati.

20-1

巴利原文

Manosamphassaṁ na maññati, manosamphassasmiṁ na maññati, manosamphassato na maññati, manosamphasso meti na maññati.

21-1

巴利原文

Yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi na maññati, tasmimpi na maññati, tatopi na maññati, taṁ meti na maññati.

22-1

巴利原文

Sabbaṁ na maññati, sabbasmiṁ na maññati, sabbato na maññati, sabbaṁ meti na maññati.

23-1

巴利原文

So evaṁ amaññamāno na ca kiñci loke upādiyati.

24-1

巴利原文

Anupādiyaṁ na paritassati. Aparitassaṁ paccattaññeva parinibbāyati.

25-1

巴利原文

‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.

26-1

巴利原文

Ayaṁ kho sā, bhikkhave, sabbamaññitasamugghātasāruppā paṭipadā”ti.

27-1

巴利原文

Aṭṭhamaṁ.