相應部第903經（Saṁyutta Nikāya 35.65 / 7. Migajālavagga / Paṭhamasamiddhimārapañhāsutta）

部類相應部

Pali NikāyaSaṁyutta Nikāya

總句數21

已譯句數0

1-1

巴利原文

Saṁyutta Nikāya 35.65

2-1

巴利原文

7. Migajālavagga

3-1

巴利原文

Paṭhamasamiddhimārapañhāsutta

4-1

巴利原文

Ekaṁ samayaṁ bhagavā rājagahe viharati veḷuvane kalandakanivāpe.

5-1

巴利原文

Atha kho āyasmā samiddhi yena bhagavā …pe…

6-1

巴利原文

bhagavantaṁ etadavoca:

7-1

巴利原文

“‘māro, māro’ti, bhante, vuccati.

8-1

巴利原文

Kittāvatā nu kho, bhante, māro vā assa mārapaññatti vā”ti?

9-1

巴利原文

“Yattha kho, samiddhi, atthi cakkhu, atthi rūpā, atthi cakkhuviññāṇaṁ, atthi cakkhuviññāṇaviññātabbā dhammā, atthi tattha māro vā mārapaññatti vā.

10-1

巴利原文

Atthi sotaṁ, atthi saddā, atthi sotaviññāṇaṁ, atthi sotaviññāṇaviññātabbā dhammā, atthi tattha māro vā mārapaññatti vā.

11-1

巴利原文

Atthi ghānaṁ, atthi gandhā, atthi ghānaviññāṇaṁ, atthi ghānaviññāṇaviññātabbā dhammā, atthi tattha māro vā mārapaññatti vā.

12-1

巴利原文

Atthi jivhā, atthi rasā, atthi jivhāviññāṇaṁ, atthi jivhāviññāṇaviññātabbā dhammā, atthi tattha māro vā mārapaññatti vā.

13-1

巴利原文

Atthi kāyo, atthi phoṭṭhabbā, atthi kāyaviññāṇaṁ, atthi kāyaviññāṇaviññātabbā dhammā, atthi tattha māro vā mārapaññatti vā.

14-1

巴利原文

Atthi mano, atthi dhammā, atthi manoviññāṇaṁ, atthi manoviññāṇaviññātabbā dhammā, atthi tattha māro vā mārapaññatti vā.

15-1

巴利原文

Yattha ca kho, samiddhi, natthi cakkhu, natthi rūpā, natthi cakkhuviññāṇaṁ, natthi cakkhuviññāṇaviññātabbā dhammā, natthi tattha māro vā mārapaññatti vā.

16-1

巴利原文

Natthi sotaṁ …pe…

17-1

巴利原文

natthi ghānaṁ …pe…

18-1

巴利原文

natthi jivhā, natthi rasā, natthi jivhāviññāṇaṁ, natthi jivhāviññāṇaviññātabbā dhammā, natthi tattha māro vā mārapaññatti vā.

19-1

巴利原文

Natthi kāyo …pe….

20-1

巴利原文

Natthi mano, natthi dhammā, natthi manoviññāṇaṁ, natthi manoviññāṇaviññātabbā dhammā, natthi tattha māro vā mārapaññatti vā”ti.

21-1

巴利原文

Tatiyaṁ.